Истиқлолнинг дастлабки кунларидан Ўзбекистонда амалга ошириб келинаётган кенг кўламли ислоҳотларнинг асосий мақсади барқарор ривожланаётган иқтисодиётга эга демократик ҳуқуқий давлат қуриш, инсон олий қадрият ҳисобланган, унинг ҳуқуқлари, манфаатлари ва эркинлиги таъминланиб, салоҳиятини рўёбга чиқариши учун қулай шарт-шароитлар яратилган очиқ фуқаролик жамиятини шакллантиришдан иборатдир. Конференцияда ўз тараққиёт йўлини танлаган мамлакатимиз эришаётган муваффақиятлар Президентимиз Ислом Каримов томонидан ишлаб чиқилган ва бутун дунёда эътироф этилган ислоҳотларнинг «ўзбек модели»ни ҳаётга татбиқ этишнинг амалдаги натижаси экани таъкидланди.
«Кучли давлатдан – кучли фуқаролик жамияти сари» тамойилини изчил амалга ошириш доирасида аҳоли кенг қатламлари томонидан қўллаб-қувватланадиган, халқимиз тарихидан чуқур ўрин эгаллаган мустақил иш олиб борадиган, барқарор фуқаролик жамияти институтларини шакллантириш ҳамда ривожлантириш учун барча зарур ташкилий-ҳуқуқий ва моддий шароитлар яратилган.
Ўзбекистон Республикаси Конституциясида фуқароларнинг жамият ва давлат ишларини бошқаришда иштирок этиш ҳуқуқи, фуқаролик институтларининг ҳуқуқ ҳамда қонуний манфаатларига риоя қилиш кафолатлари, уларга тенг ҳуқуқий имкониятлар яратиб беришга оид тамойиллар мустаҳкамлаб қўйилган. Бу борада қабул қилинган жами икки юздан ортиқ қонун ҳужжатлари мамлакатимизда фуқаролик жамиятини изчил ривожлантиришда ҳуқуқий асос бўлиб хизмат қилмоқда.
Давлатимиз раҳбарининг 2005 йил 23 июнда қабул қилинган «Ўзбекистонда фуқаролик жамияти институтларини ривожлантиришга кўмаклашиш борасидаги чора-тадбирлар тўғрисида»ги қарорида кўзда тутилган комплекс чора-тадбирларнинг амалга оширилиши ушбу ижобий жараённи ривожлантириш, ижтимоий аҳамиятга эга муаммоларни ҳал этишда фуқаролик институтлари ролини кучайтириш, фуқароларнинг ижтимоий-сиёсий, социал ва ишбилармонлик фаоллигини оширишга ёрдам бермоқда.
Фуқаролик институтларига ислоҳотларни амалга оширишда, жумладан, аҳолига ижтимоий хизматлар кўрсатишда асосий механизмлардан бири сифатида қаралиши жуда муҳим. Халқаро тажриба шуни кўрсатадики, кучли фуқаролик жамиятини ривожлантириш учун шаклланган ҳуқуқий база, давлатнинг фуқаролик институтларини қўллаб-қувватлаши, хусусан молиявий жиҳатдан қўллаб-қувватлаши, уларнинг давлат органлари билан ўзаро ҳамжиҳатлиги, кўплаб жамоат ташкилотлари амарали фаолият кўрсатишида муҳим аҳамиятга эга. Ўзбекистонда ушбу барча йўналишларда муҳим ишлар амалга оширилмоқда.
БМТ Тараққиёт дастурининг Ўзбекистондаги доимий вакилининг ўринбосари Яко Силлерснинг таъкидлашича, «фуқаролик жамияти ҳар қандай мамлакатни ривожлантиришда муҳим рол ўйнайди».
Президентимиз Ислом Каримов томонидан илгари сурилган Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси ушбу муҳим соҳада ислоҳотларнинг янги босқичини бошлаб бергани, унда давлат ва жамият қурилишида фуқаролик институтлари иштирокини изчил кенгайтиришга қаратилган қатор дастурий чора-тадбирлар кўзда тутилгани таъкидланганлиги бунинг яққол мисоли.
Прeзидeнт Ислoм Кaримoвнинг 2010 йил 12 ноябрдаги Ўзбeкистoн Рeспубликaси Oлий Maжлиси Қoнунчилик пaлaтaси вa Сeнaтининг қўшмa мaжлисидaги «Мaмлaкaтимиздa дeмoкрaтик ислоҳoтлaрни янaдa чуқурлaштириш вa фуқaрoлик жaмиятини ривoжлaнтириш концепцияси»га бағишланган мaърузaсида таъкидлаганидек, «Mустaқил ривoжлaниш йиллaридa - тaриxaн қисқa бир дaврдa юртимиз янги вa улкaн мaррaлaрни қўлгa киритди, бунинг нaтижaсидa мaмлaкaтимизнинг қиёфaси бутунлaй ўзгaриб, жaҳoн ҳaмжaмиятидaги ўрни вa нуфузи юксaлиб бoрмoқдa.
Бу йўлдa биз дуч кeлишимиз мумкин бўлгaн шундaй бир xaвф бoрки, у ҳaм бўлсa, aввaлaмбoр эришилгaн ютуқлaргa мaҳлиё бўлиб, xoтиржaмлик кaйфиятигa бeрилиш, рeaл вoқeликдaн узилиб қoлиш xaвфидир. Бу эсa мaмлaкaтимиз тaрaққиётининг сaмaрaдoрлиги вa истиқбoлигa сaлбий тaъсир кўрсaтиши мумкин.
Жaҳoн миқёсидa глoбaллaшув вa рaқoбaт тoбoрa кучaйиб бoрaётгaн бугунги зaмoндa биз дунёдa юз бeрaётгaн туб ўзгaришлaр жaрaёнидa эгaллaб тургaн ўрнимизни xoлисoнa вa тaнқидий бaҳoлaшимиз, тoбoрa oшиб бoрaётгaн ҳaёт тaлaблaригa жaвoб бeришимиз, кeчaётгaн дaвр билaн ҳaмқaдaм бўлишимиз шaрт».
Нилуфархон Умарова, Андижон вилоят адлия бошқармаси етакчи маслаҳатчиси