Yangiliklar
Fargʻona viloyat adliya boshqarmasi boshligʻining tegishli buyrugʻiga asosan, Tillayev Shukurulloxon Jamolxonovich O'zbekiston tuman adliya bo‘limi boshlig‘i lavozimiga tayinlandi.
Sh.Tillayev 1981-yilda tugʻilgan, maʻlumoti oliy, huquqshunos.
2004-yilda Toshkent davlat yuridik institutini tamomlagan.
Tayinlovga qadar, Dang'ara tuman adliya bo‘limi boshlig‘i lavozimida ishlagan.
Xodimning kelgusi ishlariga ulkan zafarlar tilaymiz.
Fargʻona viloyat adliya boshqarmasi boshligʻining tegishli buyrugʻiga asosan, Xolmatov Shukurjon Negmatovich Uchko‘prik tuman adliya bo‘limi boshlig‘i lavozimiga tayinlandi.
Sh.Xolmatov 1973-yilda tugʻilgan, maʻlumoti oliy, huquqshunos.
1997-yilda Farg'ona davlat universitetini tamomlagan.
Tayinlovga qadar, boshqarma boshlig‘i o‘rinbosari lavozimida ishlagan.
Xodimning kelgusi ishlariga ulkan zafarlar tilaymiz.
O'zbekistonda JShShIR barcha davlat, bank, soliq, ijtimoiy va boshqa turdagi xizmatlarni ko‘rsatishda fuqaroning shaxsini tasdiqlovchi yagona identifikator hisoblanadi.
Davlat organlari “Elektron hukumat” maxsus platformasi orqali o‘zaro hamkorlik orqali jismoniy shaxslardan qo‘shimcha maʼlumotlarni so‘ramasdan, JShShIR asosida zarur maʼlumotlarni almashadilar.
Xususan, 2021-yil 1-iyuldan JShShIR davlat xizmatlarini ko‘rsatishda fuqaroning shaxsini tasdiqlovchi yagona identifikator sifatida belgilandi.
O‘zbekistonda tadbirkorlik subyektlarini davlat ro‘yxatidan o‘tkazish va ro‘yxatga olish tizimida taʼsischilar, direktor, ariza beruvchi yoki uning vakili to‘g‘risidagi maʼlumotlarda JShShIR ko‘rsatilishi kerak.
❕Afsuski, JShShIR amalda majburiy bo‘lib identifikator sifatida tasdiqlanish vaqtida ta’sischilar – O‘zbekistonda vaqtincha yoki doimiy istiqomat qilmaydigan chet el fuqarolari va fuqaroligi bo‘lmagan shaxslar imkoniyatlari hisobga olinmadi.
Vazirlar Mahkamasining 2022-yil 12-aprelda qabul qilingan qarorida shunday tartib belgilandiki, O‘zbekistonda vaqtincha yoki doimiy yashovchi chet el fuqarolari va fuqaroligi bo‘lmagan shaxslar JShShIR olishlari mumkin.
2022-yil 1-iyundan O‘zbekistonda vaqtincha istiqomat qilayotgan yoki faoliyat yuritayotgan chet el fuqarosi o‘zining ishonchli vakili orqali Davlat xizmatlari markazlariga JShShIR olish uchun ariza berishi mumkin.
Хavotirga o’rin yo‘q, shahodatnoma dublikatini olish mumkin.
Buning uchun my.gov.uz sayti orqali ariza qoldirish orqali kerakli ta’lim tashkilotini tamomlaganlik to‘g‘risida tayanch o‘rta ta’lim to‘g‘risidagi shahodatnoma, umumiy o‘rta ta’lim to‘g‘risidagi shahodatnoma yoki psixik rivojlanishida nuqsoni bo‘lgan bolalar uchun ixtisoslashtirilgan maktab (maktab-internat)ni tamomlaganlik to‘g‘risidagi sertifikat dublikatini olishingiz mumkin.
Xizmat narxi — Bepul
Xizmat ko'rsatish muddati — 5 ish kuni
Ma'lumot uchun: Ariza beruvchi ishonchnoma asosida harakat qilayotganda, so‘rovnomaga notarial tasdiqlangan ishonchnoma nusxasi ilova qilinadi.
Oʻzbekiston Respublikasi Vazirlar Mahkamasining 2021-yil 28-dekabrdagi 779-sonli qarori bilan tasdiqlangan “Fuqarolarning oʻzini-oʻzi boshqarish organlari xodimlarini ragʻbatlantirish jamgʻarmasi toʻgʻrisida” gi Nizomning 15-bandiga asosan, Fuqarolarning oʻzini-oʻzi boshqarish organlari xodimlarini reyting baholash tizimi joriy qilingan. Bu baholash orqali mahalla va nuroniylarni qoʻllab-quvvatlash boʻlimi tomonidan har oylik ustamalari belgilanishi nazarda tutilgan.
Ushbu qarorning ijrosini nazorat qilish maqsadida 2022-yilning 28-oktabr kunidan 7-noyabr kuniga qadar Rishton tuman adliya bo‘limi tomonidan Rishton tumani Mahalla va nuroniylarni qo‘llab-quvvatlash bo‘limida mazkur Nizomning ijrosi ta’minlanganlik holati monitoring yo‘li bilan o‘rganildi.
O’rganish davomida 2022-yilning III choragi natijalari bo‘yicha Nizomning 14-bandiga muvofiq, tuman mahalla va nuroniylarni qo‘llab-quvvatlash bo‘limi tomonidan har chorak yakuni bo‘yicha keyingi (oktabr) oyning 10-sanasiga qadar fuqarolarning o‘zini o‘zi boshqarish organlari xodimlari tomonidan amalga oshirilgan ishlar yuzasidan taqdim etilgan ma’lumotlarni Vazirlar Mahkamasining “Fuqarolar yig‘inlari faoliyati samaradorligini baholashning reyting tizimini takomillashtirish to‘g‘risida” 2020-yil 14-avgustdagi 485-son qaroriga muvofiq tahlil qilib, xodimlar faoliyatining samaradorlik darajasini reyting tizimida baholash choralari ko‘rilmaganligi aniqlandi.
Monitoring natijasiga ko`ra, tumandagi 62 ta MFY raislariga jami 72 030 000 so`m miqdordagi rag`batlantirish pullari berilmaganligi ma’lum bo`ldi.
Mazkur qonunbuzilish holati yuzasidan tuman adliya boʻlimi tomonidan taqdimnoma kiritilib, fuqarolarga toʻlanmagan ustama toʻlovlarining undirib berilishi taʼminlandi.
Quyidagi holatlarda foydalanuvchini Mobil-ID tizimida identifikatsiyadan oʻtkazish rad qilinadi:
Soʻrovnomaga kiritilgan maʼlumotlarning notoʻgʻri ekanligi yoki toʻliq emasligi Mobil-ID tizimi orqali aniqlanganda;
2023-yil 1-yanvardan boshlab Mobil-ID tizimida identifikatsiyadan oʻtkazish uchun belgilangan toʻlov toʻlanmaganda;
Foydalanuvchini Mobil-ID tizimida identifikatsiyadan oʻtkazish ushbu Nizomning 5-bandiga muvofiq boʻlmaganda;
shaxsni tasdiqlovchi hujjatning asli taqdim etilmaganda;
Foydalanuvchining biometrik maʼlumotlari va shaxsini tasdiqlovchi hujjatdagi maʼlumotlari mos kelmaganda;
Biometrik maʼlumotlarni taqdim etishdan bosh tortganda.
Foydalanuvchini Mobil-ID tizimida identifikatsiyadan oʻtkazishni boshqa asoslar boʻyicha rad etish taqiqlanadi.
Foydalanuvchi ushbu kamchiliklarni bartaraf etgan holda istalgan vaqtda Mobil-ID tizimida identifikatsiyadan oʻtish boʻyicha qayta murojaat qilishi mumkin. Bunda foydalanuvchini Mobil-ID tizimida identifikatsiyalash umumiy tartibda amalga oshiriladi.
Subsidiya olish uchun taqdim etiladigan hujjatlar:
Jismoniy shaxsning shaxsiy identifikatsiya raqami maʼlumotlari;
Oila aʼzolarining jismoniy shaxsning shaxsiy identifikatsiya raqami maʼlumotlari va nikoh qayd etilganligi guvohnomasi, agar mavjud boʻlsa farzandlar tugʻilganligi haqidagi guvohnomalar nusxalari;
Belgilangan tartibda nikoh bekor qilinganligi haqidagi guvohnoma yoki nikoh haqiqiy emas deb tan olinganligi toʻgʻrisida sud qarori (nikoh qayd etilgan holatda) yoki oilaviy holati toʻgʻrisida fuqarolik holati dalolatnomalarini yozish organlari arxividan maʼlumotnoma nusxasi (nikoh qayd etilmagan holatda);
Doimiy yashash joyi boʻyicha roʻyxatga olingan joyidan kadastr raqami va turiga tegishli maʼlumotlar (agar turar joyi doimiy yashash joyi boʻyicha roʻyxatga olingan joyi bilan toʻgʻri kelsa);
Doimiy yashash joyi boʻyicha roʻyxatga olingan joyidan uy daftarining yoki kvartiralar boʻyicha kartochkaning (17-shakl) nusxasi (agar turar joyi doimiy yashash joyi boʻyicha roʻyxatga olingan joyi bilan toʻgʻri kelsa);
Ariza beruvchi va birgalikda qarz oluvchilarning daromadi va ushlab qolingan daromad soliqlari toʻgʻrisidagi maʼlumotnoma (qoʻshimcha daromadlar boʻlsa soliq deklaratsiyasi).
Oʻzbekiston Respublikasi Prezidenti Shavkat Mirziyoyevning Oliy Majlis va Oʻzbekiston xalqiga Murojaatnomasida mamlakatimizda turli jabhalaridagi islohotlar bilan bir qatorda kelgusi yilda amalga oshirilishi lozim boʻlgan ustuvor vazifa va muammoli masalalarga, shu jumladan davlat boshqaruvidagi samaradorlikka alohida e’tibor qaratildi.
Oʻzbekiston Respublikasida ma’muriy islohotlar bugun boshlangan jarayon emas. Buni 2017-yil 8-sentabrda qabul qilingan “O‘zbekiston Respublikasida ma’muriy islohotlar konsepsiyasi” bilan bevosita bog‘lashimiz mumkin. Ushbu konsepsiyada mamlakatimizda amalga oshirish kerak bo‘lgan 6 ta muhim yo‘nalishlar belgilab berilgan.
Ma'muriy islohotlar eng avvalo davlat boshqaruvi tizimini modernizatsiya qilish, davlat hukumat va boshqaruv organlarini tubdan qayta tashkil etish, ular faoliyatini islohotlar hamda liberallik, xalqparvarlik va javobgarlilik talablariga muvofiqligini ta’minlashi zarur.
Oʻtgan 6 yil mobaynida davlat boshqaruvi tizimini isloh qilish borasida davlat xizmatlarini koʻrsatish tizimi tubdan takomillashtirildi. Davlat organlari faoliyatining ochiqligi va shaffofligini ta’minlash boʻyicha samarali mexanizmlar joriy etildi. Davlat funksiyalarini xususiy sektorga oʻtkazishning huquqiy asoslari yaratildi.
Mazkur islohotlarning izchil davomi tariqasida, shuningdek, Yangi Oʻzbekiston sharoitida zamonaviy talablarga javob beradigan ixcham davlat boshqaruvi tizimini shakllantirish, qaror qabul qilish va masalani koʻrib chiqish jarayonlarini soddalashtirish orqali davlat organlari rahbarlarining mas’uliyatini oshirish hamda ular faoliyatini natijadorlikka yoʻnaltirish maqsadida Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston ma’muriy islohotlarini amalga oshirish chora-tadbirlari toʻgʻrisida”gi Farmoni qabul qilindi.
Ushbu Farmon bilan davlat boshqaruvi idoralari faoliyatini tubdan takomillashtirish, boshqaruv idoralarining hududiy masalalarni hal qilishdagi mas’uliyat va javobgarligini kuchaytirish, korrupsiyaning har qanday koʻrinishiga murosasiz kurashish, qabul qilinayotgan qonun va qonunosti hujjatlar ijrosini oʻz vaqtida va samarali ta’minlash kelgusi yilda amalga oshirish maqsad qilingan. Bu orqali vazirliklar va ijro organlarining vazifa va funksiyalari nomarkazlashtiriladi. Ya’ni, yuqori turuvchi davlat organlari va tashkilotlarida yig‘ilib qolgan vazifa va funksiyalar quyi turuvchi davlat organlarga beriladi. Bu orqali har bir soha bevosita natijadorlikka yo‘naltiriladi.
Bu islohotlarni amalga oshirish o‘z-o‘zidan paydo bo‘lgani yo‘q. Buni ishlab chiqishda rivojlangan xorijiy davlatlarning tajribasi chuqur o‘rganib chiqildi. Misol uchun Fransiyada 18 ta, Germaniyada 14 ta, Yaponiyada 13 ta, Finlandiyada 12 ta, Niderlandiyada 11 ta, Shveysariyada 7 ta davlat organlari davlat boshqaruvida samarali faoliyat yuritib kelmoqda.
Shuningdek farmon bilan vazirliklarlarning mas’uliyati va javobgarligi ham belgilab berildi. Endilikda har bir vazirlik yil boshida o‘zining amalga oshirishi kerak bo‘lgan vazifalarni belgilab oladi va yil yakunida amalga oshirilgan ishlar yuzasidan jamoatchilikka va xalqqa bevosita xisobot beradi. Agar belgilangan vazifalar bajarilmasa, vazirliklar solidar yoki individual tartibda iste’fo beradi. Bu orqali vazirliklarning natijadorligiga erishish maqsad qilingan.
Bunday islohotlar orqali mablagʻlarini tejashga, ulardan toʻgʻri va oqilona foydalanishga, eng asosiysi, davlat organlari xalqqa chinakam xizmat qilishiga hamda byurokratiyani keskin kamaytirishga olib keladi.
Lazizbek ASQAROV,
Farg‘ona viloyat adliya boshqarmasi
mas’ul xodimi
Oʻzbekiston Respublikasi Prezidenti Shavkat Mirziyoyevning Oliy Majlis va Oʻzbekiston xalqiga Murojaatnomasida mamlakatimizda turli jabhalaridagi islohotlar bilan bir qatorda kelgusi yilda amalga oshirilishi lozim boʻlgan ustuvor vazifa va muammoli masalalarga, shu jumladan davlat boshqaruvidagi samaradorlikka alohida e’tibor qaratildi.
Oʻzbekiston Respublikasida ma’muriy islohotlar bugun boshlangan jarayon emas. Buni 2017-yil 8-sentabrda qabul qilingan “O‘zbekiston Respublikasida ma’muriy islohotlar konsepsiyasi” bilan bevosita bog‘lashimiz mumkin. Ushbu konsepsiyada mamlakatimizda amalga oshirish kerak bo‘lgan 6 ta muhim yo‘nalishlar belgilab berilgan.
Ma'muriy islohotlar eng avvalo davlat boshqaruvi tizimini modernizatsiya qilish, davlat hukumat va boshqaruv organlarini tubdan qayta tashkil etish, ular faoliyatini islohotlar hamda liberallik, xalqparvarlik va javobgarlilik talablariga muvofiqligini ta’minlashi zarur.
Oʻtgan 6 yil mobaynida davlat boshqaruvi tizimini isloh qilish borasida davlat xizmatlarini koʻrsatish tizimi tubdan takomillashtirildi. Davlat organlari faoliyatining ochiqligi va shaffofligini ta’minlash boʻyicha samarali mexanizmlar joriy etildi. Davlat funksiyalarini xususiy sektorga oʻtkazishning huquqiy asoslari yaratildi.
Mazkur islohotlarning izchil davomi tariqasida, shuningdek, Yangi Oʻzbekiston sharoitida zamonaviy talablarga javob beradigan ixcham davlat boshqaruvi tizimini shakllantirish, qaror qabul qilish va masalani koʻrib chiqish jarayonlarini soddalashtirish orqali davlat organlari rahbarlarining mas’uliyatini oshirish hamda ular faoliyatini natijadorlikka yoʻnaltirish maqsadida Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston ma’muriy islohotlarini amalga oshirish chora-tadbirlari toʻgʻrisida”gi Farmoni qabul qilindi.
Ushbu Farmon bilan davlat boshqaruvi idoralari faoliyatini tubdan takomillashtirish, boshqaruv idoralarining hududiy masalalarni hal qilishdagi mas’uliyat va javobgarligini kuchaytirish, korrupsiyaning har qanday koʻrinishiga murosasiz kurashish, qabul qilinayotgan qonun va qonunosti hujjatlar ijrosini oʻz vaqtida va samarali ta’minlash kelgusi yilda amalga oshirish maqsad qilingan. Bu orqali vazirliklar va ijro organlarining vazifa va funksiyalari nomarkazlashtiriladi. Ya’ni, yuqori turuvchi davlat organlari va tashkilotlarida yig‘ilib qolgan vazifa va funksiyalar quyi turuvchi davlat organlarga beriladi. Bu orqali har bir soha bevosita natijadorlikka yo‘naltiriladi.
Bu islohotlarni amalga oshirish o‘z-o‘zidan paydo bo‘lgani yo‘q. Buni ishlab chiqishda rivojlangan xorijiy davlatlarning tajribasi chuqur o‘rganib chiqildi. Misol uchun Fransiyada 18 ta, Germaniyada 14 ta, Yaponiyada 13 ta, Finlandiyada 12 ta, Niderlandiyada 11 ta, Shveysariyada 7 ta davlat organlari davlat boshqaruvida samarali faoliyat yuritib kelmoqda.
Shuningdek farmon bilan vazirliklarlarning mas’uliyati va javobgarligi ham belgilab berildi. Endilikda har bir vazirlik yil boshida o‘zining amalga oshirishi kerak bo‘lgan vazifalarni belgilab oladi va yil yakunida amalga oshirilgan ishlar yuzasidan jamoatchilikka va xalqqa bevosita xisobot beradi. Agar belgilangan vazifalar bajarilmasa, vazirliklar solidar yoki individual tartibda iste’fo beradi. Bu orqali vazirliklarning natijadorligiga erishish maqsad qilingan.
Bunday islohotlar orqali mablagʻlarini tejashga, ulardan toʻgʻri va oqilona foydalanishga, eng asosiysi, davlat organlari xalqqa chinakam xizmat qilishiga hamda byurokratiyani keskin kamaytirishga olib keladi.
Lazizbek ASQAROV,
Farg‘ona viloyat adliya boshqarmasi
mas’ul xodimi
Bu safar Quva tumanida
Fargʻona viloyat adliya boshqarmasiga kontrafakt darsiklar sotilayotganligi haqida murojaat kelib tushdi. Mazkur murojaatda Quva tumani markaziy dehqon bozoridagi uchta tadbirkorlik subyektiga tegishli doʻkonlarda jami 94 nomdagi darslik kitoblarning kontrafakt nusxalari sotilayotganligi va mualliflik huquqi buzilayotganligi yuzasidan qonuniy chora koʻrishlik bayon qilingan.
Oʻrganishda maʼlum boʻlishicha, Quva tumanida joylashgan “JJJ”, “LLL” va “OOO” tadbirkorlik subyektiga qarashli savdo doʻkonida “New Round –Up, New Round –Up 3,4,5,6,7, Algebra (9-10-11-sinf), Fizika (6-7-8-9-sinf), ona tili (5—6-7-8-9-sinf), adabiyot (5-6-7-8-9-10-sinf), Oʻzbekiston tarixi (7-8-9-10-sinf), Kimyo (5-6-7-8-9-sinf) kabi jami 45 nomdagi kontrafakt kitob nusxalari sotilayotganligi va ushbu kitoblar belgilangan standartlarga bermasligi aniqlandi.
Holat yuzasidan Fargʻona viloyatida joylashgan “JJJ”, “LLL” va “OOO” tadbirkorlik subyektlari rahbarlari “JJJ”, “LLL” va “DDD” larga nisbatan Oʻzbekiston Respublikasi Maʼmuriy javobgarlik toʻgʻrisidagi kodeksning tegishli moddalari bilan maʼmuriy huquqbuzarlik toʻgʻrisida bayonnoma rasmiylashtirilib, qonuniy tartibda hal etish uchun Jinoyat ishlari boʻyicha tuman sudiga yuborildi.
Quva tumani jinoyat ishlari boʻyicha sudi yuqorida keltirilgan tadbirkorlik subyektlariga Oʻzbekiston Respublikasi Maʼmuriy javobgarlik toʻgʻrisidagi kodeksning 1771-moddasiga asosan huquqbuzar, deb topilib tadbirkorlik subyektlariga jarima jazosi tayinlandi va kontrafakt deb topilgan darsliklar sud tomonidan musodara qilindi.
Hurmatli tadbirkorlar! Mualliflik huquqi nafaqat nomulkiy, balki mulkiy huquq boʻlib, huquq egasiga tegishli boʻlgan mutlaq huquq va uni hurmat qilish har birimizning majburiyatimiz ekanligini unutmaylik!
Fargʻona viloyat adliya boshqarmasi