Bog'lanish

Telefon
(+998 73) 244-55-28

Elektron manzil
fargona@adliya.uz

Habarni yuborish
Ishonch telefoni 1008
12.08.2021

Фарғона вилоят адлия бошқармаси ҳузурида янги ташкил қилинган Юридик хизмат кўрсатиш марказларидаги бўш (вакант) лавозимлар бўйича ЭЪЛОН

Фарғона вилоят адлия бошқармаси ҳузурида янги ташкил этилаётган Юридик хизмат кўрсатиш марказларидаги бўш (вакант) лавозимлар:
           Марказ номи    Марказ бошлиғи     Бош юрисконсульти    Жами
1    Бешариқ тумани                   1                           4                       5
2    Бағдод тумани                   1                           4                       5
3    Бувайда тумани                   1                           4                       5
4    Данғара тумани                   1                           4                       5
5    Ёзёвон тумани                   1                              4                       5
6    Қува тумани                           1                           5                       6
7    Қувасой шаҳар                   1                           3                       4
8    Қўқон шаҳар                           1                           5                       6
9    Қўштепа тумани                   1                           4                       5
10    Марғилон шаҳар                   1                           5                       6
11    Олтиариқ тумани                   1                           5                       6
12    Риштон тумани                   1                           5                       6
13    Сўх тумани                           1                           2                       3
14    Тошлоқ тумани                   1                           4                          5
15    Учкўприк тумани                   1                           4                          5
16    Ўзбекистон тумани               1                           5                          6
17    Фарғона тумани                   1                           5                          6
18    Фарғона шаҳар                   1                           6                       7
19    Фурқат тумани                   1                           3                       4
Вилоят бўйича жами:                   19                           81                       100

Фаолият йўналиши:
•    юридик хизмат кўрсатиладиган давлат органлари ва ташкилотлари фаолиятини ҳуқуқий жиҳатдан таъминлаш;
•    давлат ташкилотларига сифатли ва малакали юридик ёрдам кўрсатиш;
•    давлат ташкилотлари ходимларининг ҳуқуқий саводхонлиги ва ҳуқуқий маданиятини ошириш;
•    давлат ташкилотларининг мулкий ҳамда бошқа ҳуқуқлари ва қонуний манфаатлари ўз вақтида, ҳар томонлама ва самарали ҳимоя қилинишини таъминлаш;
•    давлат ташкилотлари томонидан қабул қилинаётган ҳужжатларнинг қонуний ҳамда ҳар томонлама пухта ва сифатли бўлишини таъминлаш.

Фаолият соҳаси асосида қуйидаги билим-кўникмаларга эга бўлиш зарур:
•    фаолият йўналишлари бўйича қонунчилик ва ҳуқуқ амалиётини юқори савияда билиш;
•    ахборотни таҳлил қила олиш ва умумлаштириш, ахборот-таҳлилий материаллар тайёрлаш;
•    аниқ тадбирлар режасини ишлаб чиқиш ва амалга ошириш;
•    ҳуқуқий ва расмий ҳужжатлар лойиҳаларини тайёрлаш;
•    жамоада ишлаш қобилиятига эга бўлиш;
•    соҳани ва қонунчиликни такомиллаштириш бўйича таклифлар тайёрлаш;
•    қарор қабул қилиш ва коммуникабиллик қобилиятига эга бўлиш;
•    ҳуқуқий тарғибот ишларини амалга ошириш;
•    расмий ҳужжатларни тайёрлаш;
•    компьютер ва бошқа оргтехника, зарур дастурий таъминотлардан фойдалана олиш.

Расмий талаблар:
•    юриспруденция мутахассислиги олий маълумотга ёки Тошкент давлат юридик университети ҳузуридаги Юридик кадрларни халқаро стандартлар бўйича қайта тайёрлаш курсларини тамомлаган ва белгиланган намунадаги дипломга эга бўлиш;
•    мутахассислик бўйича камида 2 йил иш стажи (марказ бошлиғи лавозими учун), муқаддам бевосита фаолият йўналишида ишлаганлар афзалликга эга бўлади;
•    давлат тилини мукаммал билиш ҳамда хорижий тилларни (рус ва инглиз тиллари) мукаммал билиш (устуворлик берилади).

Меҳнат шароити ва иш ҳақи:
•    барча меҳнат шароитлари яратилган замонавий идора;
•    иш режими: беш кунлик иш ҳафтаси, икки кун дам олиш кунлари билан (шанба, якшанба);
•    ойлик иш ҳақи лавозимга қараб қўшимча тўловлари билан бирга ўртача 4-5 млн. сўм;
•    хорижда малака ошириш ва стажировка ўташ имконияти;
•    қонун ҳужжатларида назарда тутилган мажбурий ижтимоий таъминот пакет.
•    идоравий тиббий хизмат ва соғломлаштириш масканидан фойдаланиш имконияти мавжуд.

Мурожаат муддати ва манзил:
•     номзодлар 2021 йил 28 августга (шу куни хам) қадар Адлия вазирлигининг https://vacancy.adliya.uz/ сайтидан рўйҳатдан ўтган ҳолда қуйидаги ҳужжатларни тизим орқали юборишлари сўралади.
•     шахсий варақаси (Низомнинг 29-иловасига мувофиқ маълумотнома-объективка),
•     диплом (дипломдан кўчирма)нинг нусхаси, чет элда ўқиган бўлса, дипломи тан олиш ва нострификациядан ўтганлигини тасдиқловчи гувоҳнома;
•     3х4 см ўлчамдаги рангли фотосурати;
•     фуқаролик паспорти ёки идентификация ID картаси нусхаси;
•     Номзод бўш (вакант) лавозимларга танлов ўтказиш ҳақидаги эълонда кўрсатилган лавозимларнинг фақат биттасини танлаши ва танланган лавозим бўйича танловда иштирок этиш мумкин. Номзод бир вақтнинг ўзида бошқа эълонда кўрсатилган лавозим бўйича танловда иштирок этиш учун ҳужжат топшириши мумкин.

Маълумот учун телефон: 73-226-33-96

•    Танлов Фарғона вилоят юридик техникуми биносида ўтказилади (манзил: Фарғона шаҳар, А.Навоий кўчаси, 18-уй).
•     Танлов жараёнларини https://www.minjust.uz сайти орқали онлайн тарзда кузатиш имконияти мавжуд.
•    Саволлар рўйхати билан (https://fargona.adliya.uz/fargona/uz/) ҳавола орқали ташишингиз мумкин.
Адлия органлари ва муассасаларига ишга қабул қилиш тартиби бузилган тақдирда ёки коррупция ҳолатлари ҳақидаги хабарларни Адлия вазирлигининг 207-04-64 телефон рақамига ёки @antikorbot телеграм канали орқали беришингиз мумкин.

Рўйҳатга қайтиш