Янгиликлар
Президент асарлари билимдонлари
Вилоят ҳокимининг 2015 йил 12 сентябрдаги Васийлик Кенгаши баёни билан тасдиқланган “Президент асарлари билимдонлари” кўрик-танловини ўтказиш ҳамда ёшларнинг сиёсий онгини янада ривожлантириш, ўз ҳаёт позицияси ва мустаҳкам қарашларига эга,
жамиятда муносиб ўрин эгаллаш, мамлакатни ислоҳ қилиш ва янгилаш жараёнларида олдинга қўйилган устувор мақсадларга эришишда ҳал қилувчи куч ва таянч бўлишга қодир ёшларни шакллантириш, Президентимиз асарларининг мазмун-моҳиятини ёшлар орасида кенг тарғиб этиш мақсадида вилоятдаги ўрта махсус, касб-ҳунар таълими муассасалари ўртасида “Президент асарлари билимдонлари” кўрик-танлови 157 та академик лицей ва касб-ҳунар коллежларида жорий йилнинг 21-24 сетябрь кунлари таълим муассасалари босқичи, 25-28 сентябрь кунлари шаҳар-туман босқичлари ўтказилди. Ўтказилган тадбирлар давомида 19 000 нафар ўқувчи ёшлар қамраб олинди.
“Президент асарлари билимдонлари” кўрик-танловининг вилоят ҳудудий саралаш босқичи 4 та ҳудудда ўтказилди.
Худудий босқичларда ғолибликни қўлга киритган жамоалар вилоят финал босқичида қатнашиш хуқуқини қўлга киритдилар.
Кўрик-танловнинг вилоят босқичида танловнинг худудий босқичларида ғолибликни қўлга киритган жамоалардан Данғара саноат касб-ҳунар коллежининг “Билимдон тарғиботчилар”, Бағдод академик лицейининг “Ёш академиклар”, Олтиариқ енгил саноат касб-ҳунар коллежининг “Ворислар” ҳамда Қувасой педагогика коллежининг “Буюк юрт фарзандлари” жамоалари иштирок этди.
Кўрик-танлов якунида ғолибликни қўлга киритган жамоалар Қувасой педагогика коллежининг “Буюк юрт фарзандларимиз” жамоаси 1-ўрин, Олтиариқ енгил саноат касб-ҳунар коллежининг “Ворислар” жамоаси 2-ўрин, Данғара саноат касб-ҳунар коллежининг “Билимдон тарғиботчилар” жамоаси 3-ўрин ва Бағдод академик лицейининг “Ёш академиклар” жамоаси 4-ўринни эгаллади. Ғолиб жамоалар ҳамкор ташкилотларнинг диплом, фахрий ёрлиқ ҳамда эсдалик совғалари билан тақдирланди.Бундан ташқари, кўрик-танловнинг худудий босқичлари давомида ўзининг фаол иштироки билан қатнашган иштирокчилар 3 та “Энг яхши тақдимот” номинацияси бўйича Риштон туман педагогика ва иқтисодиёт коллежининг “Зиёкор” жамоаси, Энг билимдон сардор” номинацияси бўйича Қува тумани иқтисодиёт коллежининг “Баркамол авлод” жамоаси сардори ва “Энг ташаббускор таълим муассасаси” номинацияси бўйича Ўзбекистон тумани иқтисодиёт ва хизмат кўрсатиш касб-ҳунар коллежи тақдирланди.