Боғланиш

Телефон
(+998 73) 244-55-28

Электрон манзил
fargona@adliya.uz

Ҳабарни юбориш
Ишонч телефони 1008

Янгиликлар

06
Адлия_хабари

Ижтимоий-сиёсий ҳаётдаги, қонунчиликдаги энг муҳим янгиликлар, ҳаётий заруратга айланган ҳуқуқий билимлар, огоҳликка чорловчи материаллар билан ишончли манба бўлган hudud24.uz да танишинг.

•  Telegram: @hudud24official
•  Facebook: fb.com/hudud24official
•  Instagram: instagram.com/hudud24.uz
•  Twitter: twitter.com/hudud24official

02
“Адлия аралашгач: бир йилдан буён сертификат ололмаётган икки ўқитувчининг сертификати қўлга тегди”

            Бувайда туманида яшовчи фуқаролар Расулова Замира ва  Турсунова  Малохатхон тумандаги 23-умумий ўрта таълим мактабида 1989 йилдан буён меҳнат таълими (технология) фани ўқитувчиси вазифасида ишлайди.
Улар етарли меҳнат стажига ва низом талабларига жавоб берганликлари сабабли,
1-тоифали меҳнат таълими (технология) фани ўқитувчиси малака тоифасини олиш учун 2019 йил 27 июнда Фарғона вилояти Халқ таълими бошқармаси раҳбарлигида Бувайда тумани Халқ таълими бўлими томонидан ўтказилган аттестацияда иштирок этиб, М.Турсунова 80 балл ва З.Расулова 72,5 балларни тўплаб, 1-тоифа учун тўпланиши лозим бўлган балларни қўлга киритганлар.
Бироқ, улар аттестациядан мувоффақиятли ўтган бўлсаларда, 2019 йил 29 июндан буён М.Турсунова ва З.Расуловаларга на сертифакатлар берилди,  на иш ҳақларига устамалар қўшилди. Улар ушбу масала бўйича Бувайда тумани Халқ таълими бўлими ва Фарғона вилояти Халқ таълими бошқармасига бир неча марта мурожаат қилган бўлсада, бир йилга яқин вақт ўтишига қарамасдан 1-тоифа малака сертификатини олишни имкони бўлмаган.
Мурожаатчилар Бувайда тумани адлия бўлимига ариза билан мурожаат қилиб, ушбу масалада амалий ёрдам беришни сўрашган. Фуқаролар М.Турсунова ва З.Расуловаларнинг мурожаати адлия бўлими томонидан ўрганиб чиқилиб, Фарғона вилояти Халқ таълими бошқармасига  тақдимнома киритилди. Киритилган тақдимнома натижасида Бувайда тумани Халқ таълими бўлимига қарашли 23-умумий ўрта таълим мактаби меҳнат таълими (технология) фани ўқитувчилари Замира Расулова ва Малоҳат Турсуноваларга  “Педагог кадрларнинг аттестациядан ўтганлиги тўғрисида 1-малака тоифали” ўқитувчи сертификати берилиши таъминланди ва бир йилдан буён сертификат ололмаётган икки нафар ўқитувчининг сертификати қўлга тегди.  

Бувайда туман адлия бўлими
етакчи маслаҳатчи Э.Ботиров

01
Туғилганлик ҳақидаги гувоҳномани олишда амалий ёрдам берилди

2020 йилнинг 26 июнь куни, Қўқон шаҳар адлия бўлимига ФҲДЁ бўлимидан туғилганлик ҳақидаги гувоҳномани олишда амалий ёрдам беришини сўраб фуқаро М.Зохидова мурожаат қилган.
Маълум бўлишича М.Кулдашева 2014 йилда Қўқон шаҳар Навоий кўчаси, 46 уйда яшовчи фуқаро З.Қўлдошев билан қонуний никохдан ўтган. Никоҳи давомида фарзандлик бўлмагани сабабли қонуний никоҳни бекор қилмай туриб, 2019 йилда Қўқон шаҳар А.Т. Ҳукандий 62 уй 22 хонадонда яшовчи фуқаро Тожибоев Жахонгир Мавзуржон ўғли билан шаърий никоҳдан ўтиб яшаб келган.
Бундан ташқари М.Кулдашеванинг доимий яшаш жойи Учкўприк тумани Олмурод қишлоғида рўйхатдан ўтган бўлиб, лекин ҳозирда Ж.Тожибоев билан Қўқон шаҳар А.Т. Ҳукандий 62 уй 22 хонадонда яшаб келиши маълум бўлди.
2020 йилнинг 23 июнь куни Қўқон шаҳар тиббиёт бирлашмаси таркибидаги шаҳар туғруқ комплексида М.Кулдашева ва Ж.Тожибоевлар фарзандлик бўлгани учун, туғилган болага туғилганлик ҳақидаги гувоҳномани олиш учун Қўқон шаҳар ФҲДЁ бўлими мудирасига оғзаки мурожаат қилган, мурожаатингизга жавобан мудира М.Кулдашева никоҳи бекор бўлмаганлиги ва доимий яшаш жойи Учкўприк тумани бўлганлиги сабабли Учкўприк тумани ФҲДЁ бўлимидан туғилганлик ҳақидаги гувоҳномани олиш тавсия этилган.
Ўзбекистон Республикаси Оила кодексининг 205 ва 208 моддаларига мувофиқ 2020 йилнинг 26 июнь куни адлия бўлими аралашуви билан Тожибоев Файзуллох Жахонгир ўғли номига туғилганлик гувоҳномаси олинган.

Кукон шахар адлия булими катта маслахатчиси
Бекмирзаева Лола Миршариповна

11
Фарғона вилоят адлия бошқармаси томонидан бошқа ташкилотлар билан товар (хизматлар) бўйича тузилган шартномалар 6 ойлик хақида маълумот

Фарғона вилоят адлия бошқармаси томонидан бошқа ташкилотлар билан товар (хизматлар) бўйича тузилган шартномалар 6 ойлик хақида маълумот

08
Тўланмаган иш хаки ундириб берилди

          «АДЛИЯ АРАЛАШГАЧ»
Фарғона туман адлия бўлими томонидан Фарғона тумани Фермер, дехқон хўжаликлари ва томорқа эгалари кенгашида етакчи мутахассис вазифасида муқаддам ишлаб келган фуқаро А.Б.М.нинг мурожаати асосида Ўзбекистон Республикаси Вазирлар Маҳкамасининг 1999 йил 17 ноябрдаги “Иш ҳақи бўйича ҳисоб-китоблар ўз вақтида амалга оширилиши учун вазирликлар, идоралар ва хўжалик юритувчи субъектлар раҳбарларининг жавобгарлигини оширишга доир қўшимча чора-тадбирлари тўғрисида”ги 504-сонли ва 2002 йил 19 мартдаги “Иш ҳақи ўз вақтида тўланишига доир қўшимча чора-тадбирлар тўғрисида”ги 88-сонли қарорлари ижроси ахволи маълумотлар олиш йўли билан таҳлил қилинди.
Фарғона тумани Фермер, дехқон хўжаликлари ва томорқа эгалари кенгаши билан фуқаро А.Б.М ўртасида тузилган меҳнат шартномасига ҳамда Ўзбекистон Республикаси Меҳнат кодексининг 154, 161-моддалари талабларига зид равишда, қарздор томонидан фуқаро А.Б.Мга жами 4 174 282 (тўрт миллион бир юз етмиш тўрт минг икки юз саксон икки)сўм иш ҳақлари берилмасдан келинаётганлиги, шунингдек Фарғона тумани Фермер, дехқон хўжаликлари ва томорқа эгалари кенгашида муқаддам ишлаб келган 4 нафар ишчи-ходимларидан жами ҳисобланган 25 309 562 (йигирма беш миллион уч юз тўққиз минг беш юз олтмиш икки)сўм  иш ҳақлари берилмасдан келинаётганлиги аниқланган.
Мазкур ҳолат юзасидан, Фарғона туман адлия бўлими томонидан ўрганишда тўпланган ҳужжатларга асосан фуқаро А.Б.М ҳамда Фарғона тумани Фермер, дехқон хўжаликлари ва томорқа эгалари кенгашида муқаддам ишлаб келган 4 нафар ишчи-ходимларининг манфаатларини кўзлаб, Фуқаролик ишлари бўйича Фарғона туманлараро судига даъво аризалари киритиш орқали, ҳисобланган, лекин тўланмаган иш ҳақи ва унга тенглаштирилган тўловларни ундириш юзасидан суд буйруғи чиқарилиши таъминланди.

Фарғона туман адлия бўлими катта маслаҳатчиси
Анваров Акмалжон Адҳамжон ўғли

01
Бола ҳуқуқлари адлия ҳимоясида

             Бола ҳуқуқлари адлия ҳимоясида  
Фуқаро “А.А” туман адлия бўлимига мурожаат этиб, унда қонунни билмаганлиги ва турмуш ўртоғи “Ш.А” алдаганлиги сабаб никохларини тегишли тартибда ФХДЁ бўлимида расмийлаштирмаганлиги, турмушлари давомида 09.09.2019 йил куни фарзандли бўлганлигини, бироқ фарзанди туғилганидан сўнг муросалари келишмасдан ўзаро ажрашиб кетганлигини, ҳозирда иқтисодий қийналаётганлигини билдириб, фарзандини  оталигини белгилаш юзасидан амалий ёрдам беришликни сўради.
    Ушбу мурожаат бўлим томонидан белгиланган тартибда ўрганиб чиқилиб, ариза асосли деб топиб судга оталикни белгилаш масаласида фуқаро “А.А” ни манфаатини кўзлаб даъво ариза киритилди. Натижада адлия бўлимининг даъвоси фуқаролик ишлари бўйича судда  қаноатлантирилиб, 09.09.2019 йил куни туғилган болани оталиги белгиланиб боланинг ҳуқуқ ва манфаатлари тикланди.

Бувайда туман адлия бўлими бошлиғи                                                                            
У.Назиров

27
Фуқаронинг 4 йиллик иш даври пенсия тайинлашда иш стажига қўшилди

   Фуқаронинг 4 йиллик иш даври пенсия тайинлашда иш стажига қўшилди  
Бувайда туман адлия бўлимига фуқаро Бувайда туманида яшовчи фуқаро С.Ш томонидан  БТПЖ Бувайда туман бўлимининг 09.01.2020 йил кунги қароридан норози бўлиб ёзган мурожаати қонун талаблари асосида ўрганиб чиқилди.
Унга кўра, фуқаро манфаатини кўзлаб Бувайда туман маъмурий судига Бувайда туман Бюджетдан ташқари пенсия жамғармаси бўлимига нисбатан “4 йиллик иш даврини  пенсия тайинлашда иш стажига қўшиб хисоблаш тўғрисида” шикоят ариза киритилди ва мазкур шикоят Бувайда туман маъмурий суди ҳал қилув қарорига асосан қаноатлантирилди.
Натижада, Бувайда туман Бюджетдан ташқари пенсия жамғармаси бўлими зиммасига манфаатдор шахс С.Шга нисбатан 03.12.1991 йилдан 26.04.1995 йилга қадар ишлаган иш даврини пенсия тайинлашда иш стажига қўшиш мажбурияти юклатилди. Фуқарога  01.08. 2019 йил кунидан 331342 сўм 80 тийин миқдорида ёшга доир пенсия тайинланди.


25
Адлия аралашгач, электр таъминоти учун асоссиз хисобланган 11 миллион сўм қарздорлик суммаси бекор қилинди.

Адлия аралашгач, электр таъминоти учун асоссиз хисобланган 11 миллион сўм қарздорлик суммаси бекор қилинди.
“Р. А” фермер хўжалиги Бувайда туман адлия бўлимига ариза билан мурожаат этиб, туман электр таъминоти корхонаси томонидан фермер хўжалиги 2017 йилдан бошлаб хеч қандай энергия истеъмол қилмаган бўлса-да, ноқонуний равишда ва хеч қандай асоссиз, 2018 йил сентябрь, октябрь ойлари учун 9 986 384.70 сўм қарздорлик хисоблаб, хўжаликнинг “Агробанк АТБ Бувайда филиали” даги мавжуд хисоб рақамига 20.09.2019 йил куни № 628715-сонли тўлов талабномасига асосан 11 936 449.52 сўмга нисбатан инкассо топшириқномаси қўйган ва шу асосда фермер хўжалигидан ЭТК филиал фойдасига дебитор қарздорлик ва олдиндан тўлов суммалари ундириб келиниб, хозирги кунга қадар 2 000 000 сўм ноқонуний ундирилган. Бўлим мазкур мурожаатни тегишли тартибда ўрганиб чиқиб ноқонуний хужжатни бекор қилиш учун Иқтисодий ишлар бўйича Қўқон туманлараро судига даъво ариза киритди ва суднинг хал қилув қарори билан адлия бўлимининг даъвоси қаноатлантирилди, хўжаликнинг Агробанк Бувайда филиалидаги хисоб рақамига 20.09.2019 йил кунги № 628715-сонли тўлов талабномасига асосан қўйилган инкассо топшириқномаси ижро этиш мумкин эмас деб топилди.

Бувайда тумани адлия
бўлими бошлиғи У.Назиров

21
Медиация соҳасидаги муносабатларни тартибга солиниши.

  Маълумки, 2018 йил 3 июлда “Медиация тўғрисида”ги Қонун қабул қилинган бўлиб, ушбу Қонуннинг амал қилиши фуқаролик ҳуқуқий муносабатлардан, тадбиркорлик фаолиятини амалга ошириш муносабати билан келиб чиқадиган низоларга, якка меҳнат низоларига ва оилавий ҳуқуқий муносабатлардан келиб чиқадиган низоларга татбиқ этилиши белгиланди.
  Қонунга асосан, медиация - бу келиб чиққан низони тарафлар ўзаро мақбул қарорга эришиши учун уларнинг ихтиёрий розилиги асосида медиатор яъни медиацияни амалга ошириш учун тарафлар томонидан жалб этиладиган шахс кўмагида ҳал қилиш усул бўлиб, медиаторнинг фаолияти профессионал яъни ўз фаолиятини Ўзбекистон Республикаси Адлия вазирлиги томонидан тасдиқланадиган медиаторларни тайёрлаш дастури бўйича махсус ўқув курсидан ўтган, шунингдек профессионал медиаторлар реестрига киритилган шахс ёки нопрофессионал асосда яъни фаолиятини йигирма беш ёшга тўлган ва медиатор вазифаларини бажаришга розилик берган шахс амалга ошириши мумкин.
  Махфийлик, ихтиёрийлик, тарафларнинг ҳамкорлиги ва тенг ҳуқуқлилиги, медиаторнинг мустақиллиги ва холислиги медиация институтининг асосий принциплари этиб белгиланди.
  Қонунга кўра медиация тарафлари медиаторни ихтиёрий равишда танлайди ва ундан медиациянинг исталган босқичида воз кечиши мумкин.
  Қонунга асосан, қуйидагилар медиатор бўлиши мумкин эмас, яъни:
давлат вазифаларини бажариш учун ваколат берилган ёки унга тенглаштирилган шахс;
муомала лаёқати чекланган ёки муомалага лаёқатсиз деб топилганлиги тўғрисида суднинг қонуний кучга кирган ҳал қилув қарори мавжуд бўлган шахс;
судланганлик ҳолати тугалланмаган ёки судланганлиги олиб ташланмаган шахс;
ўзига нисбатан жиноий таъқиб амалга оширилаётган шахс.
  Бундан ташқари қонун билан медиаторнинг фаолияти тадбиркорлик фаолияти ҳисобланмаслиги белгиланди.
  Профессионал асосдаги медиаторнинг фаолияти ҳақ эвазига ёки текин амалга оширилиши мумкинлиги ҳамда Нопрофессионал асосдаги медиаторнинг фаолияти текин амалга оширилиши белглаб қўйилди.
  Шунингдек, медиация тарафларнинг хоҳиш-истаги асосида суддан ташқари тартибда, низони суд тартибида кўриш жараёнида, суд ҳужжатини қабул қилиш учун суд алоҳида хонага киргунига қадар, ҳакамлик судида кўриш жараёнида қўлланилиши ҳам мумкин.
  Медиация тартиб-таомилини амалга ошириш натижалари бўйича тарафлар келиб чиққан низо хусусида ўзаро мақбул қарорга эришган тақдирда, тарафлар ўртасида ёзма шаклда медиатив келишув тузилади ҳамда медиация тартиб-таомилини амалга ошириш чоғида давлат органининг бевосита аралашуви тақиқланади.
  Бундан ташқари, суд муҳокамаси жараёнида, низони ваколатли давлат органида кўриш жараёнида медиация тартиб-таомилини амалга ошириш чоғида тарафлар томонидан эришилган медиатив келишув тегишли иш қайси суд ёки ваколатли давлат органининг иш юритувида турган бўлса, дарҳол ўша судга ёки ваколатли давлат органига юборилади.
  Шуни алоҳида таъкидлаш лозимки, қонунга кўра, низо медиатив келишув билан медиация тартибида ҳал қилинган тақдирда, тўланган давлат божи қайтарилиши лозим.
  Хулоса қилиб айтганда, мазкур қонунинг қабул қилиниши натижасида медиация соҳасидаги муносабатлар тартибга солиниб, агар Ўзбекистон Республикасининг халқаро шартномасида Ўзбекистон Республикасининг медиация тўғрисидаги қонун ҳужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади.


Марғилон шаҳар
адлия бўлими бошлиғи
А.Мамадалиев    

20
Медациянинг - афзалликлари

Ўзбекистон Республикасида бугунги кунда Инсон ҳуқуқларини ҳимоя қилиш энг асосий омиллардан бири бўлиб ҳисобланмоқда.
         Шу омилларнинг давомчиси сифатида, Ўзбекистон Республикасида Қонунчилик палатаси томонидан 2018 йил 12 июнда қабул қилинган
Сенат томонидан 2018 йил 28 июнда маъқулланган “Медиация тўғрисида”ги Қонуни қабул қилинди.
         Қонуннинг амал қилиши фуқаролик ҳуқуқий муносабатлардан, шу жумладан тадбиркорлик фаолиятини амалга ошириш муносабати билан келиб чиқадиган низоларга, шунингдек якка меҳнат низоларига ва оилавий ҳуқуқий муносабатлардан келиб чиқадиган низоларга медиацияни қўллаш билан боғлиқ муносабатларга нисбатан қўлланилади.
         Медиация - келиб чиққан низони тарафлар ўзаро мақбул қарорга эришиши учун уларнинг ихтиёрий розилиги асосида медиатор кўмагида ҳал қилиш усули, медиатор — медиацияни амалга ошириш учун тарафлар томонидан жалб этиладиган шахс, медиатив келишув — медиацияни қўллаш натижасида медиация тарафлари томонидан эришилган келишув, медиация тартиб-таомилини амалга ошириш тўғрисидаги келишув — тарафларнинг тузилган пайтдан эътиборан медиация тартиб-таомили амалга ошириладиган келишуви, медиацияни қўллаш тўғрисидаги келишув — низо келиб чиққунига қадар ёки у келиб чиққанидан сўнг тарафларнинг низони медиация тартиб-таомилини амалга оширган ҳолда ҳал этиш зарурлиги тўғрисида тузилган келишувлар ушбу қонуннинг асосий тушунчалари этиб белгилаб қўйилди.
         Медиация махфийлик, ихтиёрийлик, тарафларнинг ҳамкорлиги ва тенг ҳуқуқлилиги, медиаторнинг мустақиллиги ва холислиги принциплари асосида амалга оширилади.
         Махфийлик ўзи тушунчасига тўхталадиган бўлсак, медиация иштирокчилари медиация жараёнида ўзларига маълум бўлиб қолган маълумотларни уларни тақдим этган медиация тарафининг, унинг ҳуқуқий ворисининг ёки вакилининг ёзма розилигисиз ошкор қилишга ҳақли эмаслиги қаътий этиб белгилаб қўйилди.
         Медиация тартиб-таомилини амалга оширишда медиатор мустақил этиб белгилаб қўйилди.
         Медиация тартиб-таомилини амалга оширишда медиаторнинг фаолиятига бирор-бир тарзда аралашишга йўл қўйиллиги мазкур қонун билан мустахкамлаб қўйилди.
         Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари томонидан Профессионал медиаторлар реестри юритилади, ушбу реестр уларнинг расмий веб-сайтларида, шунингдек Ўзбекистон Республикаси Адлия вазирлигининг расмий
веб-сайтида жойлаштирилиб борилади.
         Хулоса қилиб ўтиладиган бўлсак, ушбу қонун билан фуқаролар ўртасидаги ўзаро низолар судгача бўлган тартибда ҳал этилса, фуқароларнинг ўзаро сарсон бўлишларнинг олди олинади ҳамда фуқароларнинг бузилган ҳуқуқларини тез фурсатларда ҳал этилишига олиб келади.
  Тошлоқ туман адлия
бўлими бошлиғи А.Каримов