Янгиликлар
“Сиз қонунни биласизми?” кўрик-танловининг ҳудудий саралаш босқичлари бўлиб ўтмоқда
Фарғона вилоятида 2016 йилда ёшларга оид давлат сиёсатини амалга оширишга қаратилган қўшимча чора-тадбирлар дастурининг ижросини таъминлаш мақсадида ўрта махсус, касб-ҳунар таълим муассасалари ўқувчиларини ҳуқуқий саводхонлигини оширишга қаратилган “Сиз қонунни биласизми?” кўрик-танловининг ҳудудий саралаш босқичи Учкўприк туманидаги 20-сон болалар мусиқа ва санъат мактабида бўлиб ўтди. 
Кўрик-танловнинг мазкур ҳудудий саралаш босқичида Қўқон шаҳар тиббиёт коллежининг “Порлоқ келажак”, Бешариқ тумани Қишлоқ хўжалиги коллежининг “Юристлар”, Бувайда тумани Автомобил йўллари касб-ҳунар коллежининг “Адолат”, Данғара тумани Саноат касб-ҳунар коллежининг “Матонат”, Учкўприк тумани Транспорт ва қурилиш коллежининг “Адолат”, Ўзбекистон тумани Қишлоқ хўжалиги коллежининг “Камолот” ҳамда Фурқат туманининг “Қалқон”жамоалари ўзаро беллашдилар.
Жамоалар танловнинг низомига асосан 4 та шарт, яъни 1-шарт жамоалар ўзларини таништириш, 2-шарт савол-жавоб, 3-шарт видеоролик ва слайд тақдимоти, 4-шарт саҳна кўриниши шартлари бўйича ўзаро беллашдилар.
Танлов якунига кўра 1-ўринни Фурқат туманининг “Қалқон” жамоаси эгаллаб, вилоят босқичида иштирок этиш ҳуқуқини қўлга киритди.
Кўрик танловда жами 250 нафар ёшлар иштирок этди. Тадбир ғолиблари вилоят Кенгашининг дипломлари билан тақдирландилар.
Шунингдек, “Сиз қонунни биласизми?” кўрик-танловининг ҳудудий саралаш босқичининг навбатдагиси Риштон Маданият уйида бўлиб ўтди.
Кўрик-танловнинг мазкур ҳудудий саралаш босқичида Риштон тумани Саноат касб-ҳунар коллежининг “Фемида” жамоаси, Олтиариқ тумани Маиший хизмат коллежининг “Баркамол авлод” жамоаси, Фарғона тумани Қишлоқ хўжалиги ва хизмат кўрсатиш касб-ҳунар коллежининг “Фемида” жамоаси, Бағдод тумани Академик лицейининг “Ёш академиклар” жамоаси, Фарғона шаҳар Тиббиёт коллежининг “Нурли келажак” жамоалари ўзаро беллашдилар.
Жамоалар танловнинг низомига асосан 4 та шарт, яъни 1-шарт жамоалар ўзларини таништириш, 2-шарт савол-жавоб, 3-шарт видеоролик ва слайд тақдимоти, 4-шарт саҳна кўриниши шартлари бўйича ўзаро беллашдилар.
Танлов якунига кўра 1-ўринни Фарғона шаҳар Тиббиёт коллежининг “Нурли келажак” жамоаси вилоят босқичида иштирок этиш ҳуқуқини қўлга киритди. Тадбир ғолиблари вилоят Кенгашининг дипломлари билан тақдирландилар.