Янгиликлар
Ҳуқуқий ҳужжатлар моҳияти
Ўзбекистон Республикаси Адлия вазирлиги ва Ўзбекистон Республикаси Бош прокуратураси ҳузуридаги солиқ, валютага оид жиноятларга ва жиноий даромадларни легаллаштиришга қарши курашиш департаментининг 2009 йил 13 октябрдаги қарори билан тасдиқланган “Нотариал идоралар ва адвокатлик тузилмаларида жиноий фаолиятдан олинган даромадларни легаллаштиришга ва терроризимни молиялаштиришга қарши курашиш бўйича ички назорат Қоидалари” ижросини таъминлаш мақсадида Фарғона вилоят адлия бошқармасида нотариуслар иштирокида “Жиноий фаолиятдан олинган даромадларни легаллаштириш ва терроризмни молиялаштиришга қарши курашишда ички назорат тизимини ташкил этиш тартиби” мавзусида семинар ўтказилди.
Семинарда Ўзбекистон Республикаси Бош прокуратураси ҳузуридаги солиқ, валютага оид жиноятларга ва жиноий даромадларни легаллаштиришга қарши курашиш департаменти Фарғона вилоят бошқармаси, Фарғона вилоят давлат солиқ бошқармаси масъул ходимлари ва вилоятдаги барча давлат нотариал идораларининг нотариуслари иштирок этди.
Тадбир давомида нотариуслар ўз фаолиятларида эътибор беришлари лозим бўлган ҳолатлар ва жиноий фаолиятдан олинган даромадларни легаллаштириш ва терроризмни молиялаштиришга қарши курашиш ҳар бир ходимнинг вазифаси эканлиги алоҳида таъкидлашди.