Yangiliklar

Farg'ona viloyat adliya boshqarmasida “Oyning eng yaxshi xodimi” aniqlandi
Har oyda adliya boshqarmasi tarkibiy bo‘linmalari hamda tuman (shahar) adliya bo‘limlari xodimlari orasidan eng yaxshi xodimni aniqlab, rag‘batlantirib borilmoqda.
Bu safargi tanlovda 2024-yil dekabr oyining "eng yaxshi xodimi” deb, Quvasoy shahar adliya bo'limi Davlat xizmatlari markazi sho‘ba boshlig‘i RAXMANQULOV SHERZODJON TURSUNALIYEVICH topildi.
Farg‘ona viloyat adliya boshqarmasi jamoasi Sh.Raxmanqulovni ushbu e’tirof bilan samimiy muborakbod etadi va uning kelgusidagi ishlarida omad va zafarlar tilaydi!
Farg'ona viloyat adliya boshqarmasi

    Quva tuman adliya bo'limi tomonidan tumandagi "Toshxovuz" MFYda "Huquqiy targ'ibot kuni" tadbiri o'tkazildi.
"Toshxovuz" MFYda yashovchi fuqarolarning huquqiy muammolarini aniqlash hamda ularga huquqiy tushuntirishlar berish, aholining huquqiy madaniyatini oshirish maqsadida o'tkazilgan ushbu “Huquqiy targ'ibot kuni” tadbirlari davomida mahalliy aholi vakillari bilan suhbatlashildi.
Uyma -uy yurish orqali aholining kundalik muammolari o'rganildi hamda zarur tushuntirish va huquqiy maslahatlar berildi.

   Farg'ona viloyat adliya boshqarmasi

Farg'ona viloyati Mudofaa ishlari boshqarmasi huzuridagi chaqiriluvchilarni harbiy texnika mutaxassisliklari bo'yicha tayyorlash markazi "Chavandozlik" yo'nalishida "Konstitutsiyada mudofaa va xavfsizlik masalalari" mavzusida davra suhbati bo'lib o'tdi.
Tadbir davomida yoshlarga Konstitutsiyaning yaratilish tarixi, mazmun-mohiyati, asosiy qonunimizda aks etgan normalar, inson va fuqarolarning burchlari, shuningdek tashqi siyosat to‘g‘risida batafsil tushunchalar berildi.
Tadbir so'ngida chaqiriluvchilar o‘zlarini qiziqtirgan barcha savollarga javob oldilar.
Farg'ona viloyat adliya boshqarmasi

756 million so'm qarzdorlik adliya aralashuvi bilan bartaraf etildi
Marg'ilon shahar obodonlashtirish boshqarmasi zimmasiga shahar elektr tarmoqlari korxonasi tomonidan 756 million so'm qarzdorlik qo'yilgan edi.
Marg'ilon shahar adliya bo'limining obodonlashtirish boshqarmasi manfaatlarini himoya qilish yuzasidan kiritgan appelyatsiya shikoyati sudda ko'rib chiqildi va mazkur qarzdorlik asossiz deb topildi.

Farg'ona viloyat adliya boshqarmasi

Baʼzida fuqarolik hujjatlariga beeʼtibor bo‘lamiz. Vaqtlar o‘tgach, ularning naqadar muhim ekanligini anglab yetamiz. Ayniqsa, farzandlar voyaga yetib borayotganida...
Beshariq tumanining “Obod” mahalla fuqarolari yig‘ini, “Obodon” ko‘chasida yashovchi oilada ham shunday bo‘ldi.
Sanjarbek Odilov ayoli Jumagul Abdurahimova bilan doimiy safarlarda bo‘lgani uchun, 2021-yilda ularning qizi Surxondaryoda tug‘ildi. Ular safar mashaqqatlari bilan chaqaloqning “metrika”siga beeʼtibor bo‘lishdi. Keyinroq qolgan ishga qor yog‘di...
Beshariq tumani FHDY bo‘limi adliya vakillari bilan birgalikda mahallabay huquqiy muammolarni o‘rganish davomida bu oilaning ushbu masalasiga ijobiy yechim topishdi.
Sayyor tartibda qizaloqqa tug‘ilganlik haqidagi guvohnoma tantanali topshirildi.

    "Zakovat" intellektual o‘yini aqlni charxlab, shaxsni yana yangidan yangi bilimlar olishga undaydigan o'yin.
Farg‘ona viloyat Adliya boshqarmasi tizimidagi xodimlar ishtirokida Yangi yil bayramiga bag'ishlangan "Zakovat" o‘yini ham juda qiziqarli tarzda bo‘lib o‘tdi.
Qizg‘in va ko‘tarinki ruhda o‘tgan ushbu o‘yinda
Rishton tuman adliya bo'limining "Rishton" jamoasi 1-o‘rinni,
Farg‘ona viloyat adliya boshqarmasining "Boshqarma" jamoasi 2-o‘rinni,
O'zbekiston tuman adliya bo'limining "O'zbekiston" jamoasi 3-o‘rinni egalladi.
G‘oliblikni qo‘lga kiritgan xodimlarimizni muborakbod etamiz! Kelayotgan yangi 2025-yil barchaga muborak bo'lsin!

Farg'ona viloyat adliya boshqarmasi

Boshqarma boshlig‘ining tegishli buyrug‘i bilan Jumaboyeva Feruza Adxamovna Farg‘ona shahar adliya bo‘limi yuridik xizmat ko‘rsatish markazi bosh yuriskonsulti lavozimidan ozod etilib, Farg‘ona viloyat adliya boshqarmasi huzuridagi idoraviy notarial arxiv mudirasi lavozimiga tayinlandi.
Farg‘ona viloyat adliya boshqarmasi jamoasi xodimni yangi lavozim bilan samimiy tabriklab, kelgusi ishlarida ulkan zafarlar tilaydi.

Farg‘ona viloyatidagi huquqni muhofaza qiluvchi idoralar rahbarlarining navbatdagi ommaviy sayyor qabuli Furqat tumanidagi 12-son musiqa va san'at maktabi binosida o‘tkazildi.
Sayyor qabulda tegishli boshqarma va tashkilotlar masʼullari qatnashib, jismoniy va yuridik shaxslarning murojaatlari o‘rganildi.
Qabul davomida viloyat adliya boshqarmasi boshlig'i o'rinbosari K.Mashrapov tomonidan 15 nafardan ortiq fuqarolarning murojaatlari tinglanib,  tegishli huquqiy tushuntirishlar berildi. Hal etish uchun vaqt talab etiladigan murojaatlar ish yurituviga olindi.

Farg'ona viloyat adliya boshqarmasi

"Huquqiy mahalla" loyihasi doirasida "Mo'yan" MFY yoshlari Milliy gvardiya faoliyati bilan tanishdi
Xususan, mazkur loyiha davomida mahalla hududida joylashgan 7-umumta'lim maktabining 10-11-sinf o‘quvchilari hamda  probatsiya nazoratidagi yoshlarning boʻsh vaqtini mazmunli oʻtkazish va ularda  vatanparvarlik tuyg'usini yanada oshirish maqsadida Milliy gvardiyaning Farg'ona viloyati boshqarmasida amaliy seminar tadbiri tashkil etildi.
Farg'ona viloyat adliya boshqarmasi