Yangiliklar

Adliya vakillari Quva tumani “Guliston” mahalla fuqarolari yigʻinida uyma-uy yurib 1025 ta xonadonda aholining huquqiy muammolarini oʻrganmoqda
“Guliston” MFY da 5306 ta aholi istiqomat qiladi. Yigʻin tarkibidagi “Mezon”, “Mardlik”, “Yangisoy”, “Turkiston” koʻchalarida yashovchi fuqarolar asosan, koʻchatchilik, bogʻdorchilik va mirishkorlikning sirini olgan.
Ayni kunlarda Fargʻona viloyat adliya boshqarmasi hamda tuman adliya boʻlimi bilan hamkorlikda xonadonlardagi aholi bilan suhbatlashib, yillar davomida ularni oʻylantirib kelayotgan huquqiy muammolar oʻrganilmoqda.

Farg'ona viloyat adliya boshqarmasi

  Qo‘qon shahrida huquqni muhofaza qiluvchi va sud organlari rahbarlari ishtirokida fuqarolarning ommaviy sayyor qabuli o‘tkazildi.
Qabul jarayonida viloyat adliya boshqarmasi boshlig‘i A.Buriyev tomonidan fuqarolarning kadastr hujjatlarini rasmiylashtirish, advokatning hatti-harakatlari yuzasidan, fuqarolik holati hujjatlari, tadbirkorlik faoliyati bilan shug‘ullanish, oylik ustama to‘lovlarni undirish kabi masalalar yuzasidan 20 ta murojaatlar tinglandi.
Ayrim murojaatlar bo‘yicha joyida huquqiy tushuntirishlar berildi. 18 ta murojaatlar ko‘rib chiqish va hal etish uchun ish yurituvga olindi.

Farg'ona viloyat adliya boshqarmasi
Kanalga ulanish: @adliya_fargona

  O‘zbekiston Respublikasi Prezidentining 2024-yil 24-maydagi PF-80-sonli Farmoni ijrosi yuzasidan Qo‘qon shahar adliya bolimi Davlat xizmatlari markazi xodimlari tomonidan Qo‘qon shahar Nurafshon MFYdagi 9223-harbiy qismda targ‘ibot tadbirlari tashkil etildi.
Tadbir davomida harbiy qismda faoliyat yurituvchi xodimlarga qonunchilikdagi yangiliklar hamda harbiy xizmatchilarga qonunchiligimizda nazarda tutilgan imtiyozlar to‘g‘risida ma’lumotlar berildi.
Shu bilan birga harbiylar va ularning oila a’zolariga 12 xildagi 150 dan ortiq sayyor davlat xizmatlari ko‘rsatildi, davlat xizmatlari ko‘rsatilishiga oid ularni qiziqtirgan savollar yuzasidan huquqiy maslahatlar berildi.

Farg'ona viloyat adliya boshqarmasi
Kanalga ulanish: @adliya_fargona

   O'zbekiston Respublikasi Prezidentining 11.09.2023-yildagi ""O‘ZBEKISTON — 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida"gi PQ-300-son qaroriga asosan FHDY organlarida “Yosh kelin-kuyovlar maktabi” faoliyatini olib borish va ularning maxsus kurslardan to‘liq o‘tishini ta’minlash vazifasi belgilangan.
Ushbu vazifalar ijrosi yuzasidan Toshloq tumani FHDY bo'limi tomonidan tuman hokimligi va diniy soha vakillari ishtirokida "Oilaviy-huquqiy munosabatlar" mavzusida o'quv seminari tashkil etildi.
Seminar davomida yoshlarni oilaviy hayotga tayyorlash, zamonaviy namunali oilani shakllantirish, yosh oilalarni qoʻllab-quvvatlash, ular oʻrtasidagi ajrim holatlarining oldini olish masalalarida huquqiy tushuntirishlar berildi.
Shuningdek, o'quv kursi yakunida 50 nafardan ortiq yosh kelin-kuyovlarga "Yosh kelin-kuyovlar maktabi” kursini tamomlaganligi to'g'risida sertifikatlar topshirildi.

Farg'ona viloyat adliya boshqarmasi
Kanalga ulanish: @adliya_fargona

  Adliya organlari tizimida mehnat faoliyatini olib borayotgan 30 yoshgacha bo‘lgan xodimlarni qo‘llab-quvvatlash va rag‘batlantirish, ularning ijtimoiy-siyosiy faolligini yuksaltirish hamda faoliyatda tashabbuskorlik va yuqori natijalarga erishishga intilish samaradorligini oshirish maqsadida joriy yilning 29-iyun kuni Adliya vazirligida "Yilning eng faol yosh xodimi" tanlovi bo‘lib o‘tdi.
Mazkur tanlovda Farg‘ona viloyat adliya boshqarmasi Inson huquqlarini himoya qilish sho‘basi bosh maslahatchisi Usmonov Baxtiyorbek Avazbekovich ishtirok etib, faxrli II-o‘rinni egallab, vazirlik tomonidan munosib taqdirlandi.
Adliya boshqarmasi jamoasi nomidan B.Usmonovni ushbu e'tirof bilan muborakbod etamiz hamda kelgusi ishlarida ulkan zafarlar tilaymiz.
Farg'ona viloyat adliya boshqarmasi
Kanalga ulanish: @adliya_fargona

  O‘zbekiston Respublikasi Adliya vaziri o‘rinbosari X.Meliyev Farg‘ona viloyat Davlat kadastrlari palatasi Farg‘ona shahar filialida bo‘lib xodimlar bilan suhbatlashdi.
Suhbat jarayonida "Uzkard", "Davreystr" tizimlarida ishlash jarayonida yuzaga kelayotgan ayrim muammolar va ularning yechimlari muhokama qilindi.
Shu bilan birga vazir o‘rinbosari tomonidan Vazirlar Mahkamasining 2020-yil 2-sentabrdagi "Kadastr sohasida ayrim davlat xizmatlari ko‘rsatishning ma’muriy reglamentlarini tasdiqlash to‘g‘risida"gi 535-son qarori ijrosi yuzasidan xodimlarga tavsiya va ko‘rsatmalar berdi.

Farg'ona viloyat adliya boshqarmasi
Kanalga ulanish: @adliya_fargona

  Farg‘ona viloyati adliya boshqarmasi hamda Bag‘dod tuman adliya bo‘limi xodimlari tomonidan O‘zbekiston Respublikasi Prezidentining 2024-yil 24-maydagi PF-80-son Farmoni ijrosi yuzasidan Bag‘dod tumanidagi “Bordon”, "Cheksaroy", "Chekxitoy" MFYlarda uyma-uy yurish orqali 1500 ga yaqin xonadonlarga kirib borildi.
Mahallalarda aholi muammolarini o‘rganish jarayonida aholining kadastr hujjatlarini rasmiylashtirish, nogironligi bo‘lgan shaxslarga imtiyozlar, bolalar nafaqasi, o‘z-o‘zini band qilish, ish bilan ta'minlash, soliq sohasi, tadbirkorlik faoliyatini boshlash kabi muammolar aniqlandi.
O‘rganish davomida 400 dan ortiq murojaatlarga joyida huquqiy tushuntirishlar berildi. Shuningdek, ayrim masalalar ko‘rib chiqish uchun ish yurituviga olindi.

Farg'ona viloyat adliya boshqarmasi
Kanalga ulanish: @adliya_fargona

  Yozyovon tuman 1-son kasb-hunar maktabida Farg‘ona viloyati huquqni muhofaza qilish organlari rahbarlarining sayyor qabuli bo‘lib o‘tdi. Sayyor qabulda adliya boshqarmasi boshlig‘i A.Buriyev tomonidan 40 dan ortiq fuqarolarning masala va muammolari o‘rganildi.
Sayyor qabul davomida 23 ta fuqaroga huquqiy tushuntirish berildi. 22 ta murojaatlar qo‘shimcha o‘rganilishi lozim bo‘lganligi sababli ish yurituviga olindi. 5 ta murojaat joyida hal etildi.
Jumladan, Yozyovon tumani “Mustahkam do‘stlik” MFY da yashovchi fuqaro T.Usuvaliyev sudga davo arizasi kiritish yuzasidan, “Bahor” MFY da yashovchi R.Mamatov subsidiya asosida uy-joy olish masalasida murojaat qildi.
“Navro‘z” MFY da yashovchi fuqaro R.Xoshimova uy-joy sharoitini yaxshilash masalasida murojaat yo‘lladi. Sayyor qabuldan so‘ng uning oilaviy sharoiti va ijtimoiy holati adliya hamda soliq boshqarmasi boshliqlari tomonidan xonadoniga borib o‘rganildi. Adliya hamda soliq boshqarmasi ko‘magi va homiyligi bilan ushbu xonadonning yashash sharoitlari yaxshilanadigan bo‘ldi.

Farg‘ona viloyat adliya boshqarmasi

Ayni kunlarda Dang'ara tumanida adliya organlari tomonidan 1 ming 397 nafar turli toifadagi yoshlar otaliqqa olingan. Ayni paytda ularning muammolari atroflicha o‘rganilib, ular bilan aniq mezonlar asosida manzilli ishlar tashkillanmoqda.
Jumladan, bugun Dang'ara tumanining “Taypoq” MFY dagi 26 nafar yoshlarning masalalari mahallabay tarzda o‘rganildi. Jarayonlar davomida yashash sharoiti og‘ir va ijtimoiy og‘ir ahvolga tushib qolgan ikki nafar fuqaroga o‘zini o‘zi band qilishi uchun tikuv mashinasi va avtomashina ustachiligi bilan shug‘ullanishi uchun jihozlar to‘plami homiylik mablag‘lari asosida olib beriladigan bo‘ldi.

Farg‘ona viloyat adliya boshqarmasi

Farg‘ona viloyat adliya boshqarmasida o'tkazilgan matbuot anjumanida boshqarma boshlig‘i Abdumannop Buriyev, masʼul xodimlar va ommaviy axborot vositalari vakillari ishtirok etdi.
O‘zbekiston Respublikasi Prezidentining 2024-yil 24-maydagi “Maʼmuriy islohotlar doirasida adliya organlari va muassasalarining masʼuliyatini yana-da oshirish hamda ixcham boshqaruv tizimini shakllantirish to‘g‘risida”gi PF-80-sonli Farmoniga asosan adliya organlarining qo‘shimcha faoliyat yo‘nalishlari belgilandi.
Anjumanda, avvalo, boshqarma boshlig‘i yangi Farmonning mazmun-mohiyati, unda belgilangan muhim vazifalar, amalga oshirilishi zarur bo‘lgan chora-tadbirlar haqida ishtirokchilarga maʼlumot berdi.
Taʼkidlandiki, bu muhim hujjat fuqarolarning huquq va erkinliklariga so‘zsiz rioya etilishini taʼminlash, ularga ko‘rsatilayotgan davlat va huquqiy xizmatlar ko‘lamini kengaytirishda adliya organlari va muassasalarining masʼuliyatini yanada oshirish maqsadida qabul qilindi.
Unga ko‘ra, Adliya vazirligining qo‘shimcha 4 ta yangi faoliyat yo‘nalishlari belgilandi. Endilikda aholining kundalik hayotida uchraydigan huquqiy muammolar muntazam ravishda aniqlanib, tahlil qilib boriladi va bartaraf etiladi. Joylarda aniqlangan tizimli muammolarni bartaraf etishga qaratilgan qonunchilik hujjatlari loyihalari ishlab chiqiladi. Fuqarolarga huquqiy masalalar bo‘yicha birlamchi bepul yuridik yordam ko‘rsatib boriladi.
Matbuot anjumani davomida OAV vakillari bu Farmon asosida adliya organlariga yuklanayotgan yangi vazifalar, "Online-mahalli" platformasi, unda huquqiy masalalarga oid muammolarni hal etish mexanizmlari borasida savollariga javob oldilar.

Farg'ona viloyat adliya boshqarmasi
Kanalga ulanish: @adliya_fargona