Янгиликлар

“Сиз қонунни биласизми?”: вилоят босқичи якунланди

Ўзбекистон Республикаси Президентининг 2014 йил 6 февралдаги“Ўзбекистон Республикасидаёшларга оид давлат сиёсатини амалга оширишга қаратилган қўшимча чора-тадбирлар тўғрисида”ги қарори ижросини таминлаш мақсадида ўрта махсус, касб-ҳунар таълим муассасалари ўқувчиларининг ҳуқуқий саводхонлигини оширишга қаратилган “Сиз қонунни биласизми?” кўрик-танловининг вилоят босқичи бўлиб ўтди.

Кўрик-танловнинг вилоят босқичида ФарДУ қошидаги академик лицейининг “Қалқон”, Қувасой ҳизмат кўрсатиш ва сервис касб-ҳунар коллежининг “Фемида”, Марғилон иқтисодиёт касб-ҳунар коллежининг “Ал-хидоя”, Қўқон педагогика коллежининг “Қалқон”, Бешариқ қишлоқ хўжалиги касб-ҳунар коллежининг “Ҳидоя”, Бувайда агросаноат касб-ҳунар коллежининг “Адолат”, Данғара иқсодиёт касб-ҳунар коллежи “Матонат”, Ёзёвон қишлоқ хўжалик касб-ҳунар коллежининг “Адолат”, Қува иқсодиёт касб-ҳунар коллежининг “Адолат”, Қўштепа транспорт ва йўл қурулиш касб-ҳунар коллежининг “Шижоат Нур”, Олтариқ саноат касб-ҳунар коллежининг “Парламент”, Риштон саноат касб-ҳунар коллежининг “Турон юлдузлар”, Тошлоқ агросаноат касб-ҳунар коллежининг “Адолат”, Ўзбекистон тумани қишлоқ хўжали касб-ҳунар коллежининг “Камолот”, Учкўприк қурилиш касб-ҳунар коллежининг “Адвакатлар”, Фарғона туман ижтимоий-иқсодий касб-ҳунар коллежининг “Фемида” жамоалари ўзаро беллашдилар.

Жамоалар танловнинг низомига асосан 5 та шарт, яъни 1-шарт жамоалар ўзларини таништириш, 2-шарт савол-жавоб, 3-шарт видео ролик ва слайд тақдимоти, 4-шарт “Уй вазифаси” саҳна кўриниши, 5-шарт “Ёшларга оид қонунчилик - ёшлар нигоҳида” мавзусидаги шартлари бўйича ўзаро беллашдилар.

Танлов якунига кўра, 1-ўринни 119 балл билан Қувасой шаҳрининг “Фемида” жамоаси эгаллаб, Республика босқичида иштирок этиш ҳуқуқини қўлга киритди. Шунингдек, 109 балл билан Марғилон иқтисодиёт касб-ҳунар коллежининг “Ал-хидоя” жамоаси “Энг зукко сардор”, “Энг яхши саҳна кўриниши”, 108 балл билан Қўштепа транспорт ва йўл қурулиш касб-ҳунар коллежининг “Шижоат Нур” жамоаси “Энг билимдон жамоа”, 96 балл билан Фарғона ФДУ қошидаги академик лицейининг “Қалқон” жамоаси “Энг ёш ҳуқуқшунос”, Олтариқ саноат касб-ҳунар коллежининг “Парламент” жамоаси “Энг намунали жамоа”, 85 балл билан Учкўприк қурилиш касб-ҳунар коллежининг “Адвакатлар” жамоаси “Фахрий ёрлиқ” билан тақдирландилар.

Кўрик танловда жами 550 нафар ёшлар иштирок этди. Тадбир ғолиблари вилоят Кенгашининг диплом ва фахрий ёрлиқлари билан тақдирландилар.