Янгиликлар
27
Мажбурий ижро бюроси томонидан ассосиз қўйилган тақиқ.
Риштон тумани Оқ-ер қишлоғи, Мустақиллик кўчаси 16-уйда яшовчи фуқаро Ядгоров Исроил 2018 йилнинг 14 ноябрь куни Риштон туман адлия бўлимига ариза билан мурожаат қилиб, “Микрокредитбанк” АТБ Риштон туман филиали томонидан фуқаро Ядгоров Исроилга берилган банк пластик картасига Мажбурий ижро бюроси Риштон туман бўлими газ ва электрдан қарздорлиги борлигини асос қилиб тақиқ қўйганлигини маълум қилган.
Вахоланки, фуқаро Ядгоров Исроил ўз мурожаатида газ ва электрдан қарзи йўқлигини маълум қилиб, пластик картага қўйилган тақиқни олиб ташлашда амалий ёрдам сўраган.
Риштон туман адлия бўлими ходимлари томонидан мазкур мурожаат юзасидан “Микрокредитбанк” АТБ Риштон туман филиали ва Мажбурий ижро бюроси Риштон туман бўлимига талабнома киритган ҳолда фуқаро Ядгоров Исроилнинг банк пластик картасига қўйилган асоссиз тақиқни олиб ташланиши таъминланди.
Мурожаатида кўрсатилган муаммоли вазияти бартараф этилганлиги ва Риштон туман адлия бўлимлари фаолиятидан мамнунлиги билдирган ҳолда фуқаро Ядгоров Исроил 2018 йилнинг 28 ноябрь куни Риштон туман адлия бўлимига ташриф буюриб, ўзининг миннатдорчилик хатини тақдим қилган.