Янгиликлар
Ҳуқуқий саводхонлик
Фарғона вилоятида Ўзбекистон Республикаси Президентининг 2014 йил 6 февралдаги “Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида”ги қарори ижросини таъминлаш мақсадида ўрта махсус, касб-ҳунар таълим муассасалари ўқувчиларининг ҳуқуқий саводхонлигини оширишга қаратилган “Сиз қонунни биласизми?” кўрик-танловининг вилоят босқичи бўлиб ўтди.
Танловнинг ҳудудий босқичларида ғолиб бўлган Қўқон шаҳридаги тиббиёт коллежининг “Адолат”, Фарғона шаҳридаги 1-таянч тиббиёт коллежининг “Нурли келажак”, Қўштепа туманидаги транспорт ва йўл қурилиш касб-ҳунар коллежининг “Шижоат нур”, Учкўприк туманидаги транспорт касб-ҳунар коллежининг “Адолат” жамоалари иштирок этдилар.
Кўрик-танлов якуний натижаларига кўра, 1-ўринни Фарғона шаҳар 1- таянч тиббиёт коллежининг “Нурли келажак” жамоаси қўлга киритиб, танловнинг Республика босқичига йўлланма олди. Шунингдек, танловнинг 2-ўрни Қўқон шаҳрининг “Адолат” жамоасига, 3-ўрни Қўштепа туманининг “Шижоат нур” жамоаларига насиб этди.
Танлов ғолиблари ташкилотчиларнинг эсдалик совғалари ва дипломлари билан тақдирландилар.
Фарғона вилоят адлия бошқармаси Тарғибот ва ҳуқуқий маърифат бўлими