Yangiliklar

Farg‘ona viloyat adliya boshqarmasi tomonidan “Yashil makon” loyihasi doirasida keng ko‘lamli ishlar amalga oshirilmoqda
Mamlakatimizda yashil maydonlarni kengaytirish maqsadida boshlangan mazkur ezgu loyiha doirasida Quva tumanidagi "Karkidon" suv ombori hududida Farg‘ona viloyat adliya boshqarmasiga ajratilgan maydonga adliya xodimlari tomonidan ekilgan manzarali daraxtlarga ishlov berildi.

Kishilik jamiyati oʼtgan koʼp ming yillik tarixi davomida ilmiy-madaniy taraqqiyotda juda katta ilmiy-madaniy meros yaratilgan. Mazkur meros bugungi kunda turli jabxalarda insonlarning ogʼirini yengil qilib, ularning munosib xayot kechirishi va yanada taraqqiy etishida asos boʼlib xizmat qilmoqda. Biroq, tarixiy taraqqiyot davomida oʼz-oʼzini xalokatga olib boruvchi, zavolga yetaklovchi shunday illatlarni ham kashf qildiki, ushbu salbiy illatlarkoʼplab insonlarning koʼra-bila turib, xalok boʼlishiga, naslining buzilishiga yetaklamoqda.
Giyohvandlikka qarshi kurash borasidagi masalaga davlat miqyosida katta eʼtibor qaratilganini, narkomaniyaga qarshi kurashning mustahkam huquqiy bazasi yaratilganini, xavf-xatarni bartaraf etish maqsadida keng jamoatchilikning faolligiga tayanilayotganini alohida eʼtirof etish zarur. Аyniqsa, mustaqillik yillarida ushbu illatga qarshi kurash chora-tadbirlari bir necha bor kuchaytirildi.
Oʼtgan yillar davomida narkobiznesga qarshi olib borilgan ishlar mamlakatimizda giyohvandlikning oldini olish, psixatrop vositalar oldi-sotdisini bartaraf etish samaradorligini oshirishiga olib keldi.
Аvvalo, bu kabi saʼy-harakatlarning huquqiy asosini mustahkamlash uchun qator normativ-huquqiy hujjatlar, xususan, “Giyohvandlik vositalari va psixotrop moddalar toʼgʼrisida”gi hamda BMT konventsiyalarini ratifikatsiya qilish haqidagi qonunlar qabul qilindi. Bundan tashqari, Narkotik moddalarni nazorat qilish davlat komissiyasi tuzildi. Uning 2011 yil 8 iyundagi qarori bilan Narkotik moddalarning suisteʼmoli va noqonuniy aylanishiga qarshi kurash boʼyicha 2011-2015 yillarga moʼljallangan kompleks chora-tadbirlar dasturi tasdiqlandi.
Oʼzbekistonning bu yoʼnalishdagi asosiy tanlagan yoʼli transmilliy uyushgan jinoiy guruhlar narkotik vositalarni kontrabanda qilish uchun respublika hududidan foydalanishining oldini olish, giyohvandlik vositalarining qonuniy muomalasi ustidan qatʼiy nazorat oʼrnatish, giyohvandlik vostalarining noqonuniy aylanishiga qarshi kurashish samaradorligini taʼminlash, giyohvandlikka chalingan bemorlarga kafolatli tibbiy yordam koʼrsatish, shuningdek, bu sohada xalqaro hamkorlikni kengaytirishga qaratilgan.
“Giyohvandlik vositalari va psixatrop moddalar toʼgʼrisida”gi Qonun 2000 yil yanvaridan amalga kiritilishi bilan inson aql idrokiga taʼsir etuvchi moddalarni isteʼmol qiluvchi shaxslarga nisbatan munosabat oʼzgarib, insoniylik tamoyillari kuchaytirildi. Giyohvandlikka chalingan bemorlarga tibbiy va ijtimoiy yordam koʼrsatilmoqda. Ushbu qonun bilan giyohvandlikka qarshi kurashda bu illatning profilaktikasini taʼminlash choralari belgilandi. Qonunda butun davlat va jamoat tashkilotlarining giyohvandlikka qarshi kurashishi majburiyligi belgilanishi bilan birga, narkotik moddalarni propaganda qilish mutlaqo taqiqlandi.
Jinoyat kodeksida giyohvandlik vositasining noqonuniy muomalasi uchun javobgarlik belgilangan. Jinoyat qonunchiligida bu jinoyatlarga, ayniqsa, voyaga yetmaganlarni jalb qilishiga alohida hol deb qaraladi. Аyrim huquqbuzarliklar uchun maʼmuriy javobgarlik oʼrnatilgan. Jinoyat qonunchiligidan tashqari yana bir qator qonunlarimiz ham giyohvandlikka qarshi qaratilgandir.
Bulardan tashqari, respublikamiz qonunlarida salbiy holatlar, gʼayriqonuniy ishlar va jamoat uchun xavfli harakatlarga qarshi tarbiyaviy vositalarni qoʼllash kabi tadbirlar belgilangan.
Giyohvandlikka odatda, ruhan zaif, irodasi boʼsh, birovlarga taqlid qilishga moyil, oʼta xudbin kishilar beriluvchan boʼladi. Bunday shaxslar oʼz moyilliklariga qarshi kurasholmaydilar. Bora bora organizmdagi moyillik “mutlaq gʼolib” ga aylanadi. Аvval tajanglik, kayfiyat buzuqligi, xotira susayishi kabi ruhiy oʼzgarishlar, keyinchalik terlash, yurakning notekis urishi, tanglayning quruqshashi, ozish, qoʼl-oyoqda titroq paydo boʼlishi, rang siniqishi, koʼz qorachigʼining kengayishi kabi jismoniy oʼzgarishlar roʼy beradi. Bangilik odamni majruh qilib qoʼyadi.
Endi u navbatdagi kayfni surish uchun har qanday pastkashlikdan toymaydi. Sotqinlik, aldash, oʼgʼrilik uning kundalik yumushiga aylanadi. Maʼlum vaqt oʼtgach, narkotik doza bangi organizmiga “hokim”lik qila boshlaydi. Bu davrda narkotik modda dozasining ozgina oshirilishi bemorning oʼlimiga sabab boʼlishi mumkin. Qattiq nazorat ostida davolanilmasa, narkomanning hayoti xavf ostida qolishi mumkin.
Taʼkidlash lozimki, yoshlar tarbiyasi sohasidagi muammolarni qanchalik tez hal qila olsak, bu illatga qarshi samarali kurasha olamiz. Buning uchun har bir kishida ijtimoiy burch tuygʼusini tarbiyalash kerak. Bundan tashqari, bugun barcha illatlarga qarshi ayovsiz kurash ketayotganda jazolashni asosiy chora deb qaramasdan, profilaktika, yaʼni illatlarning oldini olishga koʼproq eʼtibor bermoq zarur. Jamiyatimizdagi har bir muvaffaqiyatga, har bir salbiy hodisaga barcha birdek javobgardir.
Shu oʼrinda bir mulohaza tugʼiladi. Baʼzi bir odamlar giyohvandlikka qarshi kurash huquqni muhofaza qilish organlarining vazifasi deb tushunadi. Davlatimiz tomonidan narkomaniyaga qarshi kurashishga oid topshiriqlar bundan keyin ham ushbu organlar tomonidan aniq va birday bajarilishiga shubha yoʼq. Lekin keng jamoatchilik, yoshidan, millatidan, ijtimoiy ahvolidan qatʼiy nazar, bir fikrni yaxshi anglab olishi shart. Insonlar “farzandim narkotik moddalar savdosi bilan shugʼullanmasa, uni isteʼmol qilmasa bas, bu balo menga va yaqinlarimga xavf sololmaydi” deb oʼylasa, katta xatoga yoʼl qoʼyadi. Chunki, farzandlar har qancha yaxshi tarbiyalanmasin, barkamol boʼlmasin, maktab-kollejdami, mahalladami, kafe-bardami yoki ish joyidami shu illatga chalinganlar uni ham narkomaniya domiga tortishi hech gap emas.

Jinoyat ishlari boʼyicha Soʼx tuman sudining tergov sudьyasi B.Yuldashev
Jinoyat ishlari bщyicha Uchkoʼprik tuman sudining tergov sudьyasi E.Ortiqov

Farg'ona viloyat adliya boshqarmasi rahbariyati tomonidan Rishton tumani va Marg'ilon shahrida xususiy amaliyot bilan shug‘ullanuvchi notariuslar bilan suhbatlashildi.
Suhbat davomida, notariuslarning Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risidagi Farmon ijrosi yuzasidan fikr-mulohazalari tinglandi.
Ko‘chmas mulk hamda transport vositalari oldi-sotdisida hisob-kitoblarni amalga oshirishda banklar o‘rtasidagi elektron ma’lumotlar almashinuvi tizimining afzalliklari va amaliyotdagi jarayonlari tanishilib, muhim vazifalar belgilab olindi.
Fuqarolarga naqdsiz hisob-kitoblarning afzalliklari yuzasidan tushuntirishlar berildi.

Adliya organlari xodimlari o‘rtasida 2025-yil yakunlariga ko‘ra tashkil etilgan kasbiy tanlov yakunlandi. Mazkur tanlov adliya tizimida faoliyat yuritayotgan xodimlarning bilim va ko‘nikmalarini baholash, ilg‘or tajribalarni ommalashtirish hamda eng munosib nomzodlarni aniqlashga qaratildi.
Tanlov yuqori saviyada tashkil etilib, unda respublikaning barcha hududlaridan saralab olingan ishtirokchilar qatnashdi. Ishtirokchilar 4 ta nominatsiya — eng yaxshi adliya bo‘limi xodimi, davlat xizmatlari markazi xodimi, FHDY organi xodimi hamda yuridik xizmat ko‘rsatish markazi xodimi yo‘nalishlarida bellashdilar.
Mazkur tadbir orqali tizimda fidokorona mehnat qilayotgan xodimlar e’tirof etilib, ularning faoliyatini yanada qo‘llab-quvvatlashga xizmat qilmoqda.

Qonunchilikka ko'ra, ayollarga ayrim jazolarni qo'llash bo'yicha quyidagi cheklovlar mavjud:
Xususan, jinoiy jazo tariqasida majburiy jamoat ishlari yoki axloq tuzatish ishlari homilador ayollarga, uch yoshga to'lmagan bolalari bor ayollarga nisbatan qo'llanmaydi.
Bundan tashqari, homilador ayollarga va uch yoshga to'lmagan bolalari bor ayollar ehtiyotsizlik oqibatida yoki qasddan uncha og'ir bo'lmagan jinoyat sodir etsa ularga nisbatan ozodlikdan mahrum etish tariqasidagi jazo tayinlanmaydi.
Shuningdek, homilador ayolning jinoyat sodir etishi jazoni yengillashtiruvchi holat sifatida baholanadi.

(https://lex.uz/docs/-111453)

  Uchko'prik tuman FHDY bo'limi mudirasi Manzuraxon Nortojiyeva jamiyat va davlat hayotida ko'rsatgan faolligi, tashabbuskorligi, o'zining samarali mehnati bilan oilaning shakllanishiga va farovonligi mustahkamlanishiga, onalik va bolalik muhofazasiga munosib hissa qo'shganligi munosabati bilan “Mo'tabar ayol” ko'krak nishoniga sazovor bo'ldi.
Farg'ona viloyat adliya boshqarmasi jamoasi Manzuraxon Nortojiyevani ushbu e'tirof bilan samimiy tabriklab, faoliyatida ulkan zafarlar tilaydi.

Farg‘ona viloyat adliya boshqarmasida Navro‘z bayrami munosabati bilan bayram tadbiri bo‘lib o‘tdi
Tadbirni boshqarma boshlig‘i A.Omonov ochib, barcha xodimlarni yangilanish, yasharish, go‘zallik va nafosat bayrami bilan muborakbod etdi.
Bayram tabrigidan so'ng, tizimda samarali mehnat qilayotgan, o‘ziga yuklatilgan vazifalarni o‘z vaqtida va sifatli bajarayotgan, soha rivojiga o‘z hissasini qo‘shgan xodimlarga martaba darajalari berildi.
Shu bilan birga, xodimlarga Viloyat adliya boshqarmasi boshlig‘ining faxriy yorliqlari va maxsus esdalik sovg‘alari topshirildi.
Tadbir davomida O'zbekiston Respublikasi Notarial palatasi Farg'ona viloyat hududiy boshqarmasi tomonidan ham samarali mehnat qilayotgan notariuslarning ota-onalariga faxriy yorliqlar topshirildi.

    Farg'ona viloyat adliya boshqarmasida matbuot anjumani o'tkazildi
Boshqarma tomonidan 2025-yil davomida davlat organlari va tashkilotlarida norma ijodkorligi, huquqni qo'llash amaliyoti hamda huquqiy targ'ibot bo'yicha amalga oshirilgan ishlar yuzasidan o'tkazilgan matbuot anjumanida raqamli tahlillar bilan jurnalistlar orqali keng jamoatchilik vakillariga maʼlumotlar berildi.
Jarayonlar davomida Ommaviy axborot vositalari vakillari tomonidan  yuridik va jismoniy shaxslar manfaatini ko'zlab sudlarga kiritilgan daʼvo arizalari, sohalarda o'tkazilgan nazorat tadbirlari, PF-80 son Farmon ijrosi, “E-qaror”  va  “E-huquqshunos” tizimi, Davlat xizmatlari faoliyatiga doir dolzarb savol-javoblar bo'lib o'tdi

Yoshlar uchun "Ochiq eshiklar kuni" tadbiri o‘tkazildi
Farg'ona davlat universiteti talabalari uchun viloyat adliya boshqarmasida “Ochiq eshiklar kuni" tadbiri tashkil etildi.
Yoshlar dastlab boshqarmada fuqarolarga hamda xodimlarga yaratilgan sharoitlar bilan tanishdilar. Shu bilan birga adliya organlari faoliyati haqida batafsil tushunchaga ega bo'ldilar.
Shuningdek, talabalar bilan "Korrupsiya - umr zavoli" mavzusida ochiq muloqot tashkil etildi. Unda yoshlar uchun qonunchilikda belgilangan imtiyozlar, preferensiyalar, grantlar va davlat tomonidan qo'llab-quvvatlashning boshqa turlari hamda adliya organlariga ishga kirish yuzasidan berilgan savollariga javob berildi.

“Yurt obodligi, avvalo, mahalladan boshlanadi!” shiori ostida bo‘lib o‘tayotgan umumxalq xayriya hashari uyushqoqlik bilan o‘tkazilmoqda

Farg'ona viloyat adliya boshqarmasi xodimlari ham ushbu hasharda faol qatnashishmoqdalar. Hashar davomida xizmat binolari, ko'chalar va hududlarda obodonlashtirish ishlari amalga oshirildi.

Bizni kuzatib boring:

Telegram (http://t.me/adliya_fargona)  Websayt (http://fargona.adliya.uz/)  Instagram (http://instagram.com/adliya_fargona)