Yangiliklar

Mamlakatimizning barcha tuman va shaharlarida yuridik xizmat koʻrsatish markazlari faoliyatining yoʻlga qoʻyilishi bugungi kunda oʻz samarasini beryapti. Bugun ularning tashkil etilganiga bir yil toʻldi.

Yuridik xizmat koʻrsatiladigan davlat idoralarining markazlarga yuboriladigan hujjatlar loyihalarini huquqiy ekspertizadan oʻtkazish va qabul qilish jarayonlarini elektron shaklga oʻtkazuvchi “E-huquqshunos” elektron tizimi yaratildi. Natijada ish yurituvi toʻliq raqamlashtirildi.

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining tizimida 1 ming 56 ta shtat birliklarida davlat organlari va tashkilotlariga sifatli va malakali yuridik xizmat koʻrsatish markazlari tashkil etildi.

Markazlarning 2021-yil 1-oktyabrdan faoliyatini boshlashi natijasida dastlab Moliya, Xalq taʼlimi, Maktabgacha taʼlim, Madaniyat, Sanitariya-epidemiologik osoyishtalik va jamoat salomatligi, Davlat oʻrmon xoʻjaligi, Byudjetdan tashqari pensiya jamgʻarmasi, Irrigatsiya, Qurilish, Veterinariya va chorvachilikni rivojlantirish boʻlimlariga hamda Tibbiyot birlashmasi va Obodonlashtirish boshqarmalariga “E-huquqshunos” elektron tizimi orqali yuridik xizmat koʻrsatilishi yoʻlga qoʻyildi.

Joriy yil 1-avgustdan esa boshlab bosqichma-bosqich Markazlar tomonidan respublikaning barcha tuman va shaharlarida mahalla va nuroniylarni qoʻllab-quvvatlash, qishloq xoʻjaligi, turizm va madaniy meros, sportni rivojlantirish, oila va xotin-qizlar boʻlimlari, davlat soliq inspeksiyasi, aholi bandligiga koʻmaklashish markazi, davlat umumiy oʻrta taʼlim maktablari, davlat maktabgacha taʼlim tashkilotlari, davlat koʻp tarmoqli markaziy va oilaviy poliklinikalarni yuridik xizmat bilan taʼminlash belgilandi.

Fargʻona viloyatidagi tuman (shahar) yuridik xizmat koʻrsatish markazlariga hozirgi kunga qadar jami 130 mingdan ortiq mehnat munosabatlariga oid buyruq va mehnat shartnomalari loyihalari Markazlarga huquqiy ekspertizadan oʻtkazish uchun kelib tushgan. Bu esa oʻz navbatida yuridik tusdagi hujjatlarning qariyb 70 foizini tashkil etadi.

Maʼlumot oʻrnida aytish mumkinki, hozirgi kunda Fargʻona viloyatda 19 ta tuman va shahar yuridik xizmat koʻrsatish markazlari faoliyati yoʻlga qoʻyilgan. Xususan, bugungi kunga qadar “E-huquqshunos” elektron tizimi orqali 233 mingdan ortiq yuridik tusdagi hujjatlar Markazlarga huquqiy ekspertizadan oʻtkazish uchun kelib tushgan boʻlib, shundan 216 ming 912 tasiga ijobiy, 2 ming 500 tasiga salbiy xulosalar berilgan. 13 ming 737 tasida mavjud kamchiliklar sababli rad etilgan.

Fargʻona viloyat adliya boshqarmasi tadbirlar  zalida 1-oktabr – Oʻqituvchi va murabbiylar kuni munosabati bilan bayram tadbiri boʻlib oʻtdi. Eʼtiborli jihati shundaki, ushbu tadbirga adliya tizimida faoliyat olib borayotgan xodimlarning ustozlari taklif etildi.
Tadbir avvalida, Fargʻona viloyat adliya boshqarmasiga kichik sayohat uyushtirildi. Moʻtabar  ustozlarning  shogirdlari qanday sharoitlarda mehnat faoliyatini olib borayotganligi bilan tanishtirildi. Ustoz Siddiq Moʻmin kichik press-tur jarayonida Adliya boshqarmasi  maʼnaviyat  xonasida joylashgan   kutubxonaga oʻzining  “Tillashish va dillashish” kitobini oʻz dastxati bilan sovgʻa qildi.
Shundan  soʻng,  koʻzda tutilgan  asosiy tadbirlar boshlandi.
Jarayonda  viloyat adliya boshqarmasi boshligʻi Abdumannop Buriyev soʻz olib, xozirda nuroniylik gashtini surayotgan va ayni paytda faoliyatini davom ettirayotgan   oʻqituvchilarga salohiyatli shogirdlar tarbiyalab berganliklari uchun   boshqarma nomidan oʻzining samimiy tilaklarini izhor qildi.
-Soʻnggi davrlarda yuridik odob-ahloq qoidalari, kasb etikasi tizimda zaruriy ehtiyojga aylandi, -deydi Fargʻona viloyat adliya boshqarmasi boshligʻi Abdumannop Buriyev. -Xodimlarning  mana shu kasb  anʼanalariga amal qilishlarida   maktabdagi  boshlangʻich  fundamental taʼlim-tarbiya asosiy rolni oʻynamoqda. Shuning uchun ham ularga minnatdorlik  sifatida tadbirda alohida ustozlarga ehtirom koʻrsatmoqdamiz.
Keng jamoatchilik faol  vakillaridan biri taniqli ijodkor, filologiya fanlari doktori, professor Siddiq Moʻmin oʻz  chiqishida ustozlik maqomi,uning   qadri va qimmati haqida oʻz  fikrlarini bildirdi. Hayotiy tajribalaridan oʻrtoqlashdi.  
Samarali faoliyati va fidoyiligi bilan hamkasblariga ibrat namunasi boʻlgan  bu ustozlar  munosib taqdirlandi.Ularga yuksak hurmat-ehtirom koʻrsatildi.

        X A B A R
Xususiy amaliyot bilan shugʻullanuvchi notariuslar litsenziyalarining toʻxtatilganligi haqida
Oʻzbekiston Respublikasi “Notariat toʻgʻrisida”gi Qonunining
15 prim 2-moddasiga muvofiq Fargʻona viloyat adliya boshqarmasi huzuridagi malaka komissiyasining 2022-yil 20-sentabrdagi boʻlib oʻtgan 10-son majlisi bayonnomasiga asosan:
Oltiariq tumanida xususiy notarial faoliyat bilan shugʼullanuvchi notarius Zufarov Nodirbek Maripjonovichninglitsenziyasi (litsenziya FA 0067, 21.04.2020-y), 2022-yil 21-sentabr kunidan 2022-yil 21-oktabr kuniga qadar 1 oy muddatga;
O’zbekiston tumanida xususiy notarial faoliyat bilan shugʼullanuvchi notarius Kuchkarova Marufatxon Xalimovnaninglitsenziyasi (litsenziya FA 0052, 21.04.2020-y) 2022-yil 21-sentabr kunidan 2022-yil 21-oktabr kuniga qadar 1 oy muddatga;
Qoʻqon shahrida xususiy notarial faoliyat bilan shugʼullanuvchi notarius Atadjanova Dilnoza Xaydarovnaning litsenziyasi (litsenziya FA 0011, 21.04.2020-y) 2022-yil 21-sentabr kunidan 2022-yil 21-oktabr kuniga qadar 1 oy muddatga;
Uchko’prik tumanida xususiy notarial faoliyat bilan shugʼullanuvchi notarius Axmadaliyev Muxsin Malikovichning litsenziaysi (litsenziya FA 0049, 21.04.2020-y) amal qilish muddati va notariuslik 2022-yil 21-sentabr kunidan 2022-yil 5-oktabr kuniga qadar 15 kun muddatga toʻxtatilganligi maʼlum qilinadi.
  Biz ijtimoiy tarmoqlarda: telegram (https://t.me/adliya_fargona) I facebook ([https://www.facebook.com/.../www.../groups/707837036273804)) I Instagram (https://www.instagram.com/adliya_fargona/) I YouTube

Joriy yilning 17-sentabr kuni Fargʻona shahar adliya boʻlimi davalat xizmatlari markazi tomonidan Oʻzbekiston Respublikasi Prezidentining “Nogironligi boʻlgan shaxslarni har tomonlama qoʻllab-quvvatlash, ularning bandligiga koʻmaklashish hamda ijtimoiy faolligini yanada oshirishga oid qoʻshimcha chora-tadbirlar toʻgʻrisida”gi qaroriga asosan nogironligi boʻlgan yoshlarni ijtimoiy qoʻllab-quvvatlash boʻyicha davlat xizmatlarini koʻrsatish tartibi, davlat xizmatlari koʻrsatish boʻyicha maʼmuriy reglamentningmazmun mohiyatini tushuntirish boʻyicha Fargʻona shahar imkoniyatlari cheklangan shaxslar uchun ixtisoslashtirilgan kasb-hunar maktabida nogironligi bor bolalarning ota-onalari va oʻqituvchilari ishtirokida targʻibot tadbiri oʻtkazildi. Tadbir davomida davlat xizmatlari olish boʻyicha batafsil maʼlumotlar yetkazilib, ishtirokchilarni qiziqtirgan savollarga javob berildi.
      Biz ijtimoiy tarmoqlarda: telegram (https://t.me/adliya_fargona) I facebook

  Fargʼona viloyat adliya boshqarmasiga "BARAKA SAVDO KREDIT" mas’uliyati cheklangan jamiyati shikoyat ariza bilan murojaat etib, ularga tegishli boʼlgan "BARAKA" (savdo) xizmat koʼrsatish belgisidan noqonuniy foydalanayotganlik holati yuzasidan tegishli chora koʼrishni soʼragan.
  Baraka” (savdo) xizmat koʼrsatish belgisi "BARAKA SAVDO KREDIT" mas’uliyati cheklangan jamiyat rahbari  J.Shodmonovga mulk huquqi asosida tegishli (Oʼzbekiston Republikasida MGU-45050-sonli guvohnoma bilan  05.05.2031 yilga qadar muhofazaga olingan).
  Oʼrganishda maʼlum boʼlishicha, "BARAKA" (savdo) xizmat koʼrsatish belgisidan ikkita tadbirkorlik subyektlari tomonidan noqonuniy foydalanilayotganligi oʼz tasdigʼini topdi va holat yuzasidan Fargʼona viloyati adliya boshqarmasi tomonidan  "TY" va "UA"larga nisbatan ogohnoma huquqiy taʼsir chorasi qoʼllanilib, oʼzgaga tegishli "BARAKA" xizmat koʼrsatish belgisi olib tashlandi va huquqbuzarlik bartaraf etildi.
  Darhaqiqat, xizmat koʼrsatish belgisi nafaqat milliy balki xalqaro tizimda ham huquqiy himoya qilingan boʼlib, huquq egasiga tegishli boʼlgan mutloq huquq va uni hurmat qilishi har birimizning majburiyatimiz ekanligini unutmaylik

Fargʼona viloyati adliya boshqarmasida Oʼzbekiston Respublikasi Notarial palatasi raisi D.Аshurov ishtirokida notariuslar tomonidan yoʼl qoʼyilayotgan xato va kamchiliklarni muhokama qilish, shuningdek, notariuslar faoliyatida vujudga kelayotgan muammolarni aniqlash va notariat sohasini takomillashtirish boʼyicha takliflar ishlab chiqish yuzasidan seminar oʼtkazildi.
Bugungi kunda jami Fargʼona viloyatida 99 nafar notarius faoliyat yuritmoqda. Xususan, 2020 yilda 9 nafar, 2021 yilda 19 nafar va 2022 yilning shu davriga qadar 9 nafar oliy malaka imtixonini muvaffaqiyatli topshirgan nomzodga boshqarma tomonidan litsenziya rasmiyalshtirilib berildi.
Natijada hududlarda notariuslar soni belgilangan eng kam sonidan oshish foizi Fargʼona viloyatida 19 foizni tashkil qilib, bu koʼrsatkich Respublikada birinchi oʼrin hisoblanadi.
Bundan tashqari, Fargʼona viloyatida 2020-2022 yillar davomida jami
53 nafar stajor roʼyxatdan oʼtib, 33 nafari belgilangan muddatda stajirovkani tugatgan, shundan 19nafari oliy malaka imtixoniga hujjat topshirib, 14 nafari notarius maqomiga ega boʼlgan.
Shu bilan birga, 2020-2022 yillar davomida viloyatda xususiy amaliyot bilan shugʼullanuvchi notariuslarning jami 10 nafar yordamchilari oliy malaka imtihoniga hujjat topshirib, barchasi notarius maqomiga ega boʼlgan.
Bu shu narsadan dalolat beradiki, Fargʼona viloyatida notariuslar orasida ustoz-shogird anʼanasi toʼgʼri va samarali yoʼlga qoʼyilgan.
Shuningdek, 2021 yilning 1 sentyabrь kuniga qadar viloyatdagi xususiy amaliyot bilan shugʼullanuvchi notariuslar tomonidan jami 300 604 ta notarial harakat rasmiylashtirilgan boʼlsa, 2022 yilning shu davriga qadar 376 343 ta notarial harakatlar rasmiylashtirilgan. Bu esa oʼtgan yilga nisbatan notarial harakatlar soni 25% foizga koʼpayganini koʼrsatadi va natijada amalga oshirilgan notarial harakatlar soni boʼyicha Respublikada ikkinchi oʼrin hisoblanadi.

     Блогерларнинг қандай ҳуқуқлари бор? Мажбуриятлари-чи?
Адлия вазирлиги муҳим саволларга тушунтириш беради
   https://bit.ly/3RRNctO

каналга уланиш
https://t.me/huquqiyaxborot

Qimmatli qogʻozlar bilan operatsiyalarni amalga oshirish huquqini olish uchun jismoniy shaxslarni attestatsiyadan oʻtkazish xizmati haqida bilasizmi?

Davlat xizmati davlat xizmatlari markazi yoki YAIDXP orqali koʻrsatiladi.

Sertifikati talabgorlarga besh yil amal qilish muddati bilan beriladi.

Shunindek, qarorda talabgorlar 2 turdagi malaka sertifikatidan birini olishlari mumkinligi belgilandi:

Endilikda malaka sertifikatini olish uchun faqat soʻrovnoma toʻldirish kifoya va tegishli hujjatlar vakolatli organ tomonidan tegishli davlat organlari va tashkilotlaridan mustaqil ravishda, shu jumladan, “Elektron hukumat” tizimi idoralararo integratsiyalashuv platformasi orqali soʻrab olinadi.

I toifali malaka sertifikatini olish uchun talabgorlar uchun 2 bosqichda amalga oshiriladi va test sinovi 90 ta savoldan iborat boʻladi.
II toifali malaka sertifikatini olish uchun talabgor uchun 1 bosqichda amalga oshiriladi va test savollari qimmatli qogʻozlar bilan operatsiyalarni amalga oshirishdagi umumiy bilim saviyasi va koʻnikmasini aniqlashga qaratilgan 60 ta savolni oʻz ichiga oladi.

Davlat xizmati koʻrsatilganligi uchun bazaviy hisoblash miqdorining bir baravari miqdorida yigʻim undiriladi.

Malaka sertifikatini berish boʻyicha attestatsiyadan vakolatli organ tomonidan har oyning birinchi payshanba kunida oʻtkaziladi.

Vakolatli organ tomonidan malaka sertifikatini berish toʻgʻrisida qaror qabul qilganda QR-kod qoʻyilgan malaka sertifikati rasmiylashtirib beriladi.

Eslatma!

Moliya-iqtisod, huquqshunoslik sohasi bo‘yicha imtiyozli diplomga ega oliy ta’lim muassasasi bitiruvchilari hamda CFA Institute, ACI, ACCA xalqaro tashkilotlari sertifikatiga ega talabgorlar attestatsiyadan o‘tmay va belgilangan yig‘imni to‘lamasdan ham II toifali malaka sertifikatini olishlari mumkin.

Farg‘ona viloyat adliya boshqarmasi boshlig‘i Abdumannop Buriyev O‘zbekiston tumanidagi 10-umumta’lim maktabining “Birinchi qo‘ng‘iroq” tadbirida ishtirok etdi.
Tadbirda so‘z olgan adliya boshqarmasi rahbari o‘quvchilarni bilimlar kuni hamda ilk qo‘ng‘iroq tadbiri bilan qutlab, kelajakda o‘quvchilarga yuksak parvozlar tiladi.
Ma’ruza davomida 2021-2022 o‘quv yilida maktabning 30 nafar sobiq bitiruvchilarining 80 foizi nufuzli oliy o‘quv yurtlariga yuqori ballar bilan kira olgani katta yutuq ekanligi, bunda maktabda faoliyat olib borayotgan yuqori salohiyatli pedagoglar mehnatlari muhim ahamiyat kasb etgani e’tirof etildi.
Adliya boshqarmasi rahbari shuningdek, maktabning 11-sinf o‘quvchilariga "Mustaqillik darsi" o‘tib, mustaqillik yillarida sud-huquq va ta’lim tizimida amalga oshirilgan islohotlar bilan o‘quvchilarni tanishtirdi.

Milliy tiklanishdan milliy yuksalish sari jadal odimlayotgan, el aziz, inson aziz bo‘lgan Vatanimizning ushbu qutlug‘ bayrami yurtimizga, elimizga tinchlik-omonlik, shodlik va farovonlik, fayzu baraka olib kelsin.
Mustaqilligimiz abadiy bo‘lsin!
Hurmat bilan,
Fargona viloyati adliya boshkarmasi jamoasi