Yangiliklar
Shaharsozlik hujjatlarini ekspertizadan o‘tkazish tartiblari takomillashtiriladi
O‘zbekiston Respublikasi Vazirlar Mahkamasining 2021 yil 17 sentyabrdagi 579-son “Shaharsozlik hujjatlarini ekspertizadan o‘tkazish tartibotlarini takomillashtirish chora-tadbirlari to‘g‘risida” qarori qabul qilindi.
Qarorga muvofiq, 2021 yil 1 oktyabrdan shaharsozlik hujjatlari ekspertizasini amalga oshirishda:
- shaharsozlik hujjatlari “Shaffof qurilish” milliy axborot tizimi orqali ko‘rib chiqiladi;
- davlat mablag‘lari, davlat kafolatiga olingan tashqi investisiya mablag‘lari hisobiga amalga oshiriladigan ishlarning loyiha hujjatlari “Shaharsozlik hujjatlari ekspertizasi” DUK yoki uning hududiy filiallari tomonidan ko‘rib chiqiladi;
- boshqa manbalar hisobidan moliyalashtiriladigan ob'yektlar loyiha hujjatlari akkreditasiya qilingan yuridik shaxslar, “Shaharsozlik hujjatlari ekspertizasi” DUK yoki uning hududiy filiallari tomonidan ko‘rib chiqiladi;
- ijobiy ekspertiza xulosalari “Ekspertiza xulosalarining yagona reestri”ga kiritilgan taqdirda haqiqiy deb tan olinadi;
- ekspertizadan o‘tkazganlik uchun xizmatlar haqini tabaqalashtirilgan tartibda hisoblash tizimi joriy etiladi;
- loyiha hujjatlarini ko‘rib chiquvchi ekspert – mutaxassislarni attestasiyadan o‘tkazish va ularni sertifikatlash tizimi yo‘lga qo‘yiladi.
Qaror bilan Ob'yektlarni qurish, rekonstruksiya qilish, mukammal va joriy ta'mirlash bo‘yicha shaharsozlik va loyiha hujjatlarining loyihaviy yechimlarini shaharsozlik hujjatlariga muvofiqligi yuzasidan ekspertizadan o‘tkazish tartibi to‘g‘risidagi nizom tasdiqlandi.
Nizomga muvofiq, quyidagi ob'yektlarning loyiha hujjatlarini ekspertizadan o‘tkazish majburiy emas:
▪ mavsumiy ishlar uchun vaqtincha va maishiy binolar;
▪ 300 kub metrdan ortiq bo‘lmagan alohida qurilayotgan kichik hajmdagi ob'yektlar;
▪ ikki qavatdan yuqori bo‘lmagan (sokolni hisobga olmagan holda) balandligi yer yuzidan 12 metrdan va (yoki) umumiy maydoni 500 kvadrat metrdan ortiq bo‘lmagan yakka tartibdagi uy-joylar;
▪ joriy ta'mirlanadigan binolar, inshootlar.
Furqat tuman adliya
bo‘limi bosh maslahatchsisi
S.Dexqonov
Oʻzbekiston Respublikasi Prezidenti tomonidan 2021-yil 23-noyabrda “Meva-sabzavotchilik va uzumchilikda oilaviy tadbirkorlikni rivojlantirish, qishloq hoʻjaligi ishlab chiqarishida dehqon xoʻjaliklarining ulushini oshirish chora-tadbirlari toʻgʻrisida” PQ-20-son qaror (keyingi oʻrinlarda Qaror deb yuritiladi) qabul qilindi.
Qaror bilan aholining daromad topishga qaratilgan tadbirkorlik tashabbuslarini moliyaviy qoʻllab-quvvatlash, aholiga agrar tarmoqda oʻz biznesini tashkil etishga koʻmaklashish, qishloq xoʻjaligi mahsulotlarini yetishtirishda dehqon xoʻjaliklarining ulushini oshirish va qishloq xoʻjaligini diversifikatsiyalash orqali oziq-ovqat xavfsizligini taʼminlash maqsadida Qoraqalpogʻiston Respublikasi va viloyatlarda fermer xoʻjaliklari va klasterlar foydalanishidagi past hosilli paxta va gʻalladan qisqartirilgan 200 ming gektar ekin maydonlarini 2022-2025-yillarda bosqichma-bosqich zaxiraga qaytarilishi, zaxiraga qaytarilgan yer maydonlarini dehqon xoʻjaligi tashkil etgan holda sabzavotchilik, poliz, dukkakli, moyli ekinlar, kartoshka yetishtirish kabi loyihalarni amalga oshirish uchun fuqarolarga 0,10 gektardan 1 gektargacha boʻlgan oʻlchamlarda ochiq elektron tanlov orqali 10 yilga ijaraga berilishi belgilandi.
Qarorda qishloq xoʻjaligi maqsadlari, shu jumladan dehqon xoʻjaligini yuritish uchun yer uchastkalarini ijaraga berish boʻyicha materiallarni toʻplash, koʻrib chiqish, ularni vakolatli organlar va tashkilotlar bilan kelishish “E-IJARA” axborot tizimi orqali amalga oshirilishi;
qishloq xoʻjaligi maqsadlari, shu jumladan dehqon xoʻjaligini yuritish uchun yer uchastkalari “E-AUKSION” elektron savdo platformasida ochiq elektron tanlov oʻtkazish orqali ijaraga berilishi;
dehqon xoʻjaligi yuritish uchun yer uchastkalarini ochiq elektron tanlov orqali ijaraga berishda oʻz tomorqasida meva-sabzavotchilik, poliz mahsulotlarini yetishtirish va uzumchilikda yaxshi natijalarga erishgan, ushbu sohalardan birida tayanch mutaxassislikka ega boʻlgan fuqarolarga, “Temir daftar”, “Ayollar daftari” va “Yoshlar daftari”da roʻyxatda turgan ehtiyojmand oilalarga alohida ustuvorlik berilishi nazarda tutilgan.
Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari Qishloq xoʻjaligi vazirligi va Kadastr agentligi bilan birgalikda tumanlar (shaharlar) hisobidagi boʻsh turgan va zaxiradagi qishloq xoʻjaligiga moʻljallangan yer uchastkalarining davlat mulki sifatida davlat roʻyxatidan oʻtkazilishini;
mazkur koʻrsatilgan yer maydonlari tegishli yildagi hosil yigʻib olingandan keyin tuman (shahar) hokimliklarining zaxirasiga belgilangan tartibda qaytarilishi va davlat mulki sifatida davlat roʻyxatidan oʻtkazilishini;
zaxiraga olingan yer uchastkalarini davlat mulki sifatida davlat roʻyxatidan oʻtkazish ishlari tuman (shahar) hokimliklari buyurtmasiga asosan amalga oshirilishini hamda tuman (shahar) mahalliy byudjet mablagʻlari hisobidan moliyalashtirilishini;
davlat mulki sifatida davlat roʻyxatidan oʻtkazilgan yer maydonlarining
0,10 gektardan 1 gektargacha boʻlgan hajmlarda lotlarga ajratilib, bir oy ichida ochiq elektron tanlovga qoʻyilishini;
yer toʻgʻrisidagi qonunchilik va ijara shartnomasi talablari bajarilmaganda, jumladan ijaraga berilgan yer uchastkasidan oqilona foydalanilmaganda yerga boʻlgan huquq Yer kodeksi va “Dehqon xoʻjaligi toʻgʻrisida”gi Qonunga asosan bekor qilinishi haqida dehqon xoʻjaliklari orasida tushuntirish ishlari olib borilishini taʼminlashi koʻrsatib oʻtilgan.
Qarorga koʻra kredit mablagʻlari “Har bir oila — tadbirkor” dasturi shartlari asosida tijorat banklari tomonidan dehqon va fermer xoʻjaliklari, qishloq xoʻjaligi mahsulotlari yetishtiruvchi boshqa korxonalarga yer maydonida kichik intensiv bogʻdorchilik, uzumchilik, sabzavotchilikni rivojlantirish, poliz, dukkakli, moyli ekinlar va kartoshka yetishtirish uchun quyidagi shartlarda taqdim etilishi belgilandi:
har bir loyiha milliy valyutada 100 million soʻmdan oshmagan miqdorda yillik
14 foiz stavkada moliyalashtiriladi;
kreditlar kichik intensiv bogʻdorchilik va uzumchilikka 3 yilgacha imtiyozli davr bilan 7 yildan koʻp boʻlmagan muddatga, poliz, dukkakli, moyli ekinlar, kartoshka yetishtirish va sabzavotchilikka 6 oygacha imtiyozli davr bilan 2 yilgacha muddatga ajratiladi;
kredit taʼminoti sifatida kreditning qaytmaslik xataridan sugʻurta qilish polisi taqdim etiladi;
kreditlar dehqon xoʻjaliklariga yangi joriy etilayotgan hokim yordamchilarining yozma tavsiyasiga asosan ajratiladi.
Fayzullo Mamajonov,
adliya boshqarmasi Inson huquqlarini
himoya qilish boʻlimi boshligʻi
1.Fargʼona viloyat gimnastika ixtisoslashtirilgan bolalar-oʼsmirlar sport maktabi yuriskonsulti Fargʻona shahar, S.Temur koʻchasi, 104-uy Tel: 73-226-69-33
2. Fargʻona viloyati Maktabgacha taʼlim boshqarmasi yuriskonsulti
Manzil: Fargʻona shahar, Nurafshon koʻchasi, 15-uy Tel: 73-241-40-32
3. Fargʻona viloyati Sanitariya-Epidemilogik osoyishtalik va jamoat salomatligi xizmati boshqarmasi bosh yuriskonsulti va yuristkonsult (2 ta vakant)
Manzil: Fargʻona shahar, A.Navoiy koʻchasi, 17/A-uy Tel: 90 581-13-74
4. Qoʻqon shahar hokimligi bosh yuriskonsulti
Manzil: Qoʻqon shahar, Istambul koʻchasi, 1-uy Tel: 73-542-35-77
5. Byudjetdan tashqari pensiya jamg‘armasi Farg‘ona viloyati boshqarmasi bosh yuriskonsult va yuristkonsulti (2 ta vakant)
Manzil: Fargʻona shahar, Marg‘iloniy koʻchasi, 115-uy Tel: 73-226-43-36
6. Farg‘ona davlat universiteti akademik litseyi yuriskonsulti
Manzil: Fargʻona shahar, Quvasoy koʻchasi, 17-uy Tel: 73-226-43-36
7. Inkassatsiya xizmati DUK Fargʻona viloyat boshqarmasi katta yuriskonsulti
Manzil: Fargʻona shahar, E’tiqod ko‘chasi, 44-uy Tel: 73-244-15-14, 73-244-65-04
8. Farg‘ona viloyati O‘rmon xo‘jaligi boshqarmasi yuriskonsulti
Manzil: Fargʻona shahar, Istirohat ko‘chasi, 70-uy Tel: 73-244-68-11, 73-244-68-25
9. Qo‘qon davlat O‘rmon xo‘jaligi boshqarmasi yuriskonsulti
Manzil: Qo‘qon shahar, Adrasbof ko‘chasi, 9-uy Tel: 73-542-49-86
10. Boʻsh turgan obyektlardan samarali foydalanishni tashkil etish markazining Fargʻona viloyat hududiy boshqarmasi yuriskonsulti
Manzil: Fargʻona shahar, B.Marg‘loniy ko‘chasi, 105A-uy Tel: 73-244-56-30
11. Sharqiy harbiy okrug moddiy-texnik taʼminot bazasi yuriskonsulti
Manzil: Fargʻona shahar, Farobiy ko’chasi 68-uy, Tel: 73-241-97-77
12. Fargʻona viloyat Ekologiya va atrof-muhitni muhofaza qilish boshqarmasi yuriskonsulti
Manzil: Fargʻona shahar, Sakkokiy ko‘chasi, 39/41-uy Tel: 73-244-62-19, 73-244-61-80
13. Farg‘ona viloyat tarixi va madaniyati davlat muzeyi yuriskonsulti
Manzil: Fargʻona shahar, Sakkokiy ko‘chasi, 39/41-uy Tel: 73-244-62-19, 73-244-61-80
14. Qo‘qon erkin iqtisodiy zona direksiyasi DUK yuriskonsult
Manzil: Qo‘qon shahar, Qo‘qonboy qishlog‘i,
15. Soʼx-Oqtepa irrigatsiya tizimi boshqarmasi yuriskonsult, Manzil:Qoʼqon shahar, I.Buxoriy koʼchasi 5-uy Tel:73-542-21-28
Oʻzbekiston Respublikasi Prezidentining 2017-yil 19-yanvardagi “Yuridik xizmat 2faoliyatini tubdan takomillashtirish chora-tadbirlari toʻgʻrisida”gi
PQ-2733-son qarori 3-bandi oltinchi xatboshisiga muvofiq davlat organlari va tashkilotlarining yuridik xizmatlari xodimlarini lavozimga tayinlash va lavozimdan ozod etish masalalari majburiy tartibda adliya organlari bilan kelishilishi belgilangan.
“Yuridik xizmat xodimini lavozimga tayinlash va ozod qilish masalalarini adliya organlari bilan kelishish tartibi toʻgʻrisida”gi nizomga (roʻyxat raqami
2864, 2017-yil 28-fevral) muvofiq davlat organlari va tashkilotlari nomzodni lavozimga tayinlash masalasini kelishish uchun tegishli adliya organiga quyidagi hujjatlarni taqdim etadi:
davlat organi va tashkiloti rahbarining nomzodni lavozimga tavsiya etish toʻgʻrisidagi taqdimnomasi;
Ushbu Nizom 1 va 2-ilovalariga muvofiq shakldagi nomzodning anketasi
va yaqin qarindoshlari haqidagi maʼlumot;
ish beruvchi davlat organi va tashkilotining muhri bilan asliga toʻgʻriligi tasdiqlangan nomzodning oliy yuridik maʼlumoti toʻgʻrisidagi diplomining nusxasi (yoki oliy yuridik maʼlumoti toʻgʻrisidagi diplomdan koʻchirma — Oʻzbekiston Respublikasi oliy taʼlim muassasalarini davlat granti boʻyicha oʻqib tugatganlar uchun);
ish beruvchi davlat organi va tashkilotining muhri bilan asliga toʻgʻriligi tasdiqlangan Toshkent davlat yuridik universiteti huzuridagi Yuridik kadrlarni xalqaro standartlar boʻyicha professional oʻqitish markazida yuridik mutaxassislik boʻyicha qayta tayyorlash kurslarini tamomlaganlik toʻgʻrisidagi diplomdan nusxa — oliy yuridik maʼlumot toʻgʻrisida diplomga ega boʻlmaganlar uchun;
nomzod mehnat daftarchasining belgilangan tartibda tasdiqlangan nusxasi yoxud undan koʻchirma, agar mavjud boʻlsa.
Agar nomzod xorijda taʼlim olgan boʻlsa ish beruvchi davlat organi va tashkilotining muhri bilan asliga toʻgʻriligi tasdiqlangan xorijda oʻqishni tamomlaganlik toʻgʻrisidagi hujjat va ushbu hujjatning Oʻzbekiston Respublikasidagi hujjatga ekvivalent deb topilganligi toʻgʻrisida vakolatli davlat organi tomonidan berilgan guvohnomaning nusxalari taqdim etiladi.
Yuridik xizmat xodimi lavozimiga kelishish uchun bir yoki undan ortiq nomzodlar tavsiya etilganda, mazkur hujjatlar har bir nomzod uchun alohida taqdim etiladi. Davlat organlari va tashkilotlari tomonidan taqdim etilgan hujjatlar qaytarib berilmaydi.
Yuridik xizmat xodimini lavozimga tayinlashni kelishish masalasini koʻrib chiqishda nomzod bilan suhbat oʻtkaziladi. Suhbat adliya organlarida tashkil etiladigan komissiyalar tomonidan oʻtkaziladi.
Qoʻshimcha maʼlumot olish uchun bevosita Fargʻona viloyat adliya boshqarmasiga murojaat qilishingiz mumkin.
Tel: (73) 241-75-46
(73) 226-47-49
Fargʻona viloyat adliya boshqarmasi tomonidan Quva tumanida faoliyat koʻrsatuvchi fermer xoʻjaliklari rahbarlarining murojaatlari koʻrib chiqildi.
Aniqlanishicha, Quva tuman davlat soliq inspeksiyasi kiritgan daʼvo arizalari yuzasidan Fargʻona tumanlararo iqtisodiy sudining hal qiluv qarorlariga asosan Quva tumanida faoliyat koʻrsatuvchi 21 ta fermer xoʻjaliklariga nisbatan jami 7 mlrd 760 mln 788 ming soʻmlik moliyaviy jarimalar qoʻllanilgan.
Fargʻona viloyat adliya boshqarmasi tomonidan fermer xoʻjaliklariga nisbatan moliyaviy jarimalar qoʻllash haqidagi hal qiluv qarorlarini bekor qilish yuzasidan huquqiy yordam koʻrsatildi.
Natijada 21 ta fermer xoʻjaliklariga nisbatan qoʻllanilgan jami
7 mlrd 760 mln 788 ming soʻmlik moliyaviy jarimalar qoʻllash haqidagi sudning hal qiluv qarorlari bekor qilindi, shuningdek fermer xoʻjaliklarining bankdagi hisobvaraqlariga taqdim etilgan inkasso topshiriqnomalari chaqirib olindi.
Fermer xoʻjaliklarining buzilgan huquqlari tiklanishiga erishildi.
Fargʻona viloyati adliya boshqarmasi Inson huquqlarini himoya qilish boʻlimi boshligʻi Fayzullo Mamajonov
Fargʼona viloyat adliya boshqarmasi tomonidan Sh.Аbdulxaevning murojaati koʼrib chiqildi.
Аniqlanishicha, Fargʼona viloyat xalq taʼlimi boshqarmasi boshligʼining buyrugʼiga asosan Buvayda tuman xalq taʼlimi boʼlimi mudiri oʼrinbosari Аbdulxaev Shukrullo Qambarali oʼgʼli bilan tuzilgan mehnat shartnomasi bekor qilingan.
Аdliya boshqarmasi tomonidan Sh.Аbdulxaevning manfaatini koʼzlab Fuqarolik ishlari boʼyicha Fargʼona tumanlararo sudiga “Ishga tiklash, majburiy progul vaqti uchun ish haqi undirish va maʼnaviy zararni undirish haqida” daʼvo ariza kiritildi.
Sudning 2021 yil 12 oktyabrdagi hal qiluv qaroriga asosan Аbdulxaev Shukrullo Qambarali oʼgʼlini oʼzi ishlab kelgan lavozimga ishga tiklash, majburiy progulda boʼlgan kunlari uchun 7 814 765 soʼm ish haqi hamda maʼnaviy zarar uchun 2 000 000 soʼm undirilishi belgilandi.
Fargʼona viloyati adliya boshqarmasi Inson huquqlarini himoya qilish boʼlimi boshligʼi Fayzullo Mamajonov
Vazirlar Mahkamasining 655-son qarori bilan Oliy harbiylashtirilgan ta’lim muassasalari to‘g‘risidagi nizom tasdiqlandi.
Nizomga ko‘ra, oliy harbiylashtirilgan ta’lim muassasalari quyidagilar hisoblanadi:
Ichki ishlar vazirligi akademiyasi;
Davlat bojxona qo‘mitasining Bojxona instituti.
Mazkur ta’lim muassasalarida bakalavriat ta’lim yo‘nalishlari va magistratura mutaxassisliklari bo‘yicha kadrlar tayyorlanadi.
Ta’lim oluvchilarni mutaxassislik fanlari bo‘yicha chuqurlashtirilgan va kasbga yo‘naltirilgan holda o‘qitish, ularning intellektual jihatdan kamol topishini va ma’naviy rivojlanishini ta’minlash hamda ularni yuksak vatanparvarlik ruhida tarbiyalash, yuqori malakali mutaxassis kadrlarni tayyorlash, qayta tayyorlash va ularning malakasini oshirish ta’lim muassasalari faoliyatining maqsadi hisoblanadi.
Oliy harbiylashtirilgan bakalavriat ta’lim yo‘nalishida o‘qitish kunduzgi, masofaviy va sirtqi (maxsus sirtqi) ta’lim shakllarida amalga oshiriladi. Kunduzgi ta’lim shaklida o‘qish kamida 3 yil davom etadi.
Shuningdek bakalavriat ta’lim yo‘nalishida o‘qitish kunduzgi, masofaviy va sirtqi (maxsus sirtqi) ta’lim shakllarida amalga oshirilishi joriy etiladi.
Bakalavriat ta’lim yo‘nalishining kunduzgi ta’lim shaklida o‘qish kamida uch yil davom etadi. Bakalavriatda ishlab chiqarishdan ajralmagan holda (masofaviy), sirtqi ta’lim jarayonining davom etish muddati oliy ma’lumotga ega bo‘lmagan xodimlar uchun kamida to‘rt yil, oliy ma’lumotga ega xodimlar uchun uch yil etib belgilanadi.
Nizomga asosan kursant - ta’lim muassasalarining bakalavriat ta’lim yo‘nalishi kunduzgi ta’lim shakliga belgilangan tartibda o‘qishga qabul qilingan shaxs;
tinglovchi - ta’lim muassasalari bakalavriat ta’lim yo‘nalishining sirtqi ta’lim shakliga va magistratura bosqichiga o‘qishga qabul qilingan shaxs;
xodim - O‘zbekiston Respublikasida mudofaa, xavfsizlik va huquqni muhofaza qilish faoliyati sohasida xizmat olib borayotgan xodimlar va harbiy xizmatchilar hisoblanadi.
Nizom bilan endilikda kursantlar 1-bosqich ta’lim muddati yakunlanganidan so‘ng muddatli harbiy xizmatni o‘tagan hisoblanadi va ularga harbiy guvohnoma beriladi.
Magistratura mutaxassisliklarida o‘qitish kunduzgi yoki masofaviy ta’lim shakllarida amalga oshirilib, o‘qish davomiyligi kamida 1 yilni tashkil etadi.
Bundan tashqari ta’lim muassasalari boshqaruv sohasiga mutaxassis kadrlarni maqsadli tayyorlash uchun 2 bosqichli (ikki yillik) magistraturani tashkil etishi mumkin. Bunda bitiruvchilarga ilmiy va pedagogik faoliyat bilan shug‘ullanish imkoniyati beriladi.
Ta’lim muassasalari bitiruvchilariga diplom bilan birga vakolatli davlat organi tomonidan tasdiqlanadigan namunadagi ko‘krak nishoni beriladi.
Ijtimoiy-iqtisodiy sohada
huquqni qo‘llash amaliyotini
o‘rganish bo‘limi katta maslahatchisi
O.Qo‘chqorov
Oʻzbekiston Respublikasi Vazirlar Mahkamasining 2021-yil 21-oktyabrdagi 654-son qarori bilan Kam taʼminlangan oilalarni “Ijtimoiy himoya yagona reyestri” axborot tizimi orqali aniqlash, ularga kam taʼminlangan oilalar bolalari uchun nafaqa va moddiy yordam tayinlash va toʻlash tartibi toʻgʻrisidagi nizom (keyingi oʻrinlarda Nizom deb yuritiladi) tasdiqlandi.
Nizomga koʻra, oilani kam taʼminlangan deb eʼtirof etish hamda ularga bolalar nafaqasi va moddiy yordamni tayinlash va toʻlash toʻgʻrisidagi qarorlar “Yagona reyestr” ATda shakllantiriladi va qabul qilinadi.
Oila: 2021-yilning 1-sentyabridan — oilaning har bir aʼzosiga jami bir oylik oʻrtacha daromad 440 ming soʻmdan oshmaganda;
2022-yildan boshlab — oilaning har bir aʼzosiga jami bir oylik oʻrtacha daromad minimal isteʼmol xarajatlari miqdoridan oshmaganda kam taʼminlangan deb eʼtirof etiladi.
Bolalar nafaqasi va moddiy yordam ushbu Nizomda belgilangan tartibda oila aʼzolarining taqdim etgan arizalariga asosan “Yagona reyestr” AT orqali kam taʼminlangan oila deb eʼtirof etilgandan soʻng tayinlanadi.
Bolalar nafaqasi yoki moddiy yordam tayinlash uchun ariza zarur hujjatlar bilan birga bevosita ariza beruvchining doimiy yoki vaqtincha yashash manzilidagi fuqarolarning oʻzini oʻzi boshqarish organiga taqdim etiladi va roʻyxatga olinadi.
Oilani kam taʼminlangan deb eʼtirof etish va unga bolalar nafaqasi yoki moddiy yordamni tayinlash uchun arizalar fuqarolarning oʻzini oʻzi boshqarish organiga oila ushbu nafaqa yoki moddiy yordam olishni istayotgan oydan oldingi oyning
16-sanasiga qadar taqdim etiladi. Bunda yuqorida koʻrsatib oʻtilgan muddatdan keyin berilgan arizalar belgilangan tartibda keyingi oyda koʻrib chiqiladi.
Oilani kam taʼminlangan deb eʼtirof etish va unga bolalar nafaqasi yoki moddiy yordam tayinlash toʻgʻrisida qabul qilingan arizalar Pensiya jamgʻarmasi boʻlimining masʼul xodimlari tomonidan har kuni, biroq ariza berilgan oyning 26-sanasiga qadar “Yagona reyestr” ATga kiritiladi.
Oilani kam taʼminlangan oila deb eʼtirof etish va unga bolalar nafaqasi yoki moddiy yordamni tayinlash yoxud tayinlashni rad etish “Yagona reyestr” AT orqali avtomatlashtirilgan tarzda amalga oshiriladi.
Oilani kam taʼminlangan deb eʼtirof etish va unga tegishli ravishda bolalar nafaqasi yoki moddiy yordamni tayinlash rad etish Nizom asosida amalga oshiriladi.
Mazkur bandda koʻrsatilgan mezonlar asosida bolalar nafaqasi yoki moddiy yordam tayinlash rad etilganda, ariza beruvchiga xabar “Yagona reyestr” AT orqali rad etish sabablari koʻrsatilgan holda elektron shaklda (arizada koʻrsatilgan elektron manziliga yoki SMS-xabarlar orqali mobil telefon raqamiga) yuboriladi.
Ariza beruvchi ushbu Nizomning 6, 19 va 31-bandlarida koʻrsatilgan mezonlarga mos boʻlgan hollarda “Yagona reyestr” ATda bolalar nafaqasi yoki moddiy yordam tayinlash toʻgʻrisidagi qaror avtomatik tarzda shakllantiriladi.
Bunda ariza beruvchiga “Yagona reyestr” AT orqali bolalar nafaqasi yoki moddiy yordam tayinlash toʻgʻrisida elektron xabar (arizada koʻrsatilgan elektron manzilga yoki SMS-xabarlar xizmati orqali mobil telefon raqamiga) yuboriladi.
Toʻlovning oʻtgan oyida olinmagan bolalar nafaqasi yoki moddiy yordam summasi toʻlovning joriy oyi toʻlov roʻyxatlariga kiritiladi hamda tayinlangan, biroq oʻz vaqtida olinmay qolgan toʻlovlar oʻtgan davrlarda hisoblangan miqdorlarda butun davr uchun, biroq bolalar nafaqasi yoki moddiy yordamni olish muddati tugaganidan keyin uch oydan ortiq boʻlmagan muddatda bir yoʻla toʻlanadi.
Bolalar nafaqasi yoki moddiy yordam toʻlovi oyning 4-sanasidan 27-sanasiga qadar amalga oshiriladi.
Ijtimoiy-iqtisodiy sohada huquqni qoʻllash
amaliyotini oʻrganish boʻlimi boshligʻi vazifasini
bajaruvchi Fayzullo Mamajonov
Vazirlar Mahkamasining “Аholini asosiy turdagi oziq-ovqat mahsulotlari bilan kafolatli taʼminlash va ichki bozorda narxlar barqarorligini saqlashga doir qo‘shimcha chora-tadbirlar to‘g‘risida”gi qarori qabul qilindi.
Qarorga ko‘ra, 2022-yil 1-maygacha:
bananlar, shu jumladan plantaynlar (yangi yoki quritilgan);
yangi yoki quritilgan finikilar, anjir, ananaslar, avokado, guayyava, mango va mangostan yoki garsiniya;
yangi yoki quritilgan sitrus mevalar;
yangi papaya;
yangi olma, nok va behi;
kivi bojxona bojidan ozod qilindi.
Shuningdek, qaror bilan oziq-ovqat mahsulotlarini import qilishda tadbirkorlik subyektlarini aylanma mablag‘lari bilan ta’minlash maqsadida Tiklanish va taraqqiyot jamg‘armasi 32,8 mln AQSh dollari ekvivalentida milliy valyutada hamda Moliya vazirligi 200 mlrd so‘m miqdordagi mablag‘lari ajratildi.
Kreditlar tijorat banklari tomonidan tadbirkorlik subyektlariga likvidli garov ta’minoti asosida o‘simlik yog‘i, kartoshka, go‘sht (mol, qo‘y, parranda go‘shti), muzlatilgan baliq importi uchun yillik 4 foizlik stavkada ajratiladi.