Yangiliklar

Savol: Protsessual majburlov choralari qaysilar?
Javob: Protsessual majburlov choralari jumlasiga quyidagilar kiradi:
1)    Majbuyriy keltirish;
2)    Ogohlantirish;
3)    Sud majlisi zalidan chiqarib yuborish;
4)    Sud jarimasi.
Shaxsga nisbatan protsessual majburlov choralarining qo’llanilishi uni Fuqorolik Protsessual Kodeksida yoki sud tomonidan belgilangan tegishli majburiyatlarni bajarishdan ozod qilmaydi.

Javob berdi: Fuqorolik ishlari bo’yicha Farg’ona tumanlararo sudi sudyasi D. Sultonov

Savol: Sudda vakillik qilish mumkin bo’lmagan shaxslar kimlar?
Javob: Quydagilar sudda vakillik qilishi mumkin emas:
1)    Voyaga yetmagan shaxslar, bundan qonunda belgilangan hollar bundan mustasno;
2)    Vasiylik va homiylik belgilangan shaxslar;
3)    Sudyalar, prokurorlar, surushturuvchilar, tergovchilar, sud devoni xodimlari, bundan ular qonuniy vakil (ota-onalar,farzandlikka olganlar, vasiylik , homiylik) sifatida, shuningdek tegishli sud, prokratura, surishtiruv, va tergov organlarining vakili sifatida qatnashgan hollar bundan mustasno;
4)    Manfaatli vakolat beruvchining manfaatlariga zid bo’lgan shaxslarga huquqiy yordam ko’rsatayotgan yoki ilgari yordam ko’rsatgan shaxslar;
5)    Shu nizo bilan bog’liq mediatsiya tartib-tamoillarini amalga oshirishda mediator sifatida ishtirok etganlar, bundan qonunchilikda nazarda tutilgan va mediatorning ishtiroki yuzasidan o’zaro rozilik bo’lgan xollar mustasno;
6)    Sudya, prokuror, sud majlisi kotibi, ekspert, mutaxassis, tarjimon bilan qarindoshlik munosabatlarida bo’lgan shaxslar.

Javob berdi: Fuqorolik ishlari bo’yicha Farg’ona tumanlararo sudi sudyasi N.Nishonova

Aholi muammolarini yechishning samarali tizimini yaratish maqsadida davlat organlari rahbarlarining xalq orasiga kirishini taʼminlaydigan ommaviy sayyor qabullar oddiy odamlar hayotida muhim o‘rin tutmoqda.
Buni Oltiariq tumani "Povulg‘on" MFYda huquqni muhofaza qiluvchi organlar rahbarlari ishtirokida o'tkazilgan fuqarolarning ommaviy sayyor qabuli ham yana bir karra tasdiqladi.
Qabul jarayonida viloyat adliya boshqarmasi boshlig‘i birinchi o‘rinbosari O.Fayzullayev tomonidan fuqarolarning 18 ta turli mazmundagi murojaatlari tinglandi.
Ayrim murojaatlar bo‘yicha joyida huquqiy tushuntirishlar berildi. 3 ta masala ko‘rib chiqish va hal etish uchun ish yurituvga olindi. 15 nafariga joyida tushuntirish berildi.
Shu bilan birga tuman Davlat xizmatlari markazi xodimlari tomonidan 11 nafar fuqarolarga sayyor davlat xizmatlari ko‘rsatildi.

Farg'ona viloyat adliya boshqarmasi
Kanalga ulanish: @adliya_fargona

Boshqarma boshlig‘ining tegishli buyrug‘i bilan Djumabayeva Ug‘ilchaxon Irgashevna Quvasoy shahar adliya bo‘limi FHDY bo‘limi 1-toifali inspektori lavozimidan ozod etilib, Farg‘ona tuman adliya bo‘limi 2-son FHDY bo‘limi mudirasi lavozimiga tayinlandi.
Farg‘ona viloyat adliya boshqarmasi jamoasi xodimni yangi lavozim bilan samimiy tabriklab, kelgusi ishlarida ulkan zafarlar tilaydi.

Boshqarma boshlig‘ining tegishli buyruqlari bilan:
Toshmatova Maxbubaxon Yursunovna Huquqiy axborot sho‘basi boshlig‘i lavozimiga tayinlandi;
Imomova Shaxnoza Tavakalovna Farg‘ona tuman adliya bo‘limi 2-son FHDY bo‘limi mudirasi lavozimidan ozod etilib, Farg‘ona shahar adliya bo‘limi 1-son FHDY bo‘limi mudirasi lavozimiga tayinlandi;
Abdullayev Olloyor Mirzoxid o‘g‘li Nodavlat notijorat tashkilotlar sho‘basi bosh maslahatchisi lavozimidan ozod etilib, Nodavlat notijorat tashkilotlar sho‘basi boshlig‘i lavozimiga tayinlandi;
Mahmudova Sayyoraxon Zohidjon qizi Qo‘shtepa tuman adliya bo‘limi FHDY bo‘limi 1-toifali inspektori lavozimidan ozod etilib, Yozyovon tuman adliya bo‘limi FHDY bo‘limi mudirasi lavozimiga tayinlandi;
Maxmudova Dildora Tarielovna Toshloq tuman adliya bo‘limi FHDY bo‘limi 1-toifali inspektori lavozimidan ozod etilib, Qo‘shtepa tuman adliya bo‘limi FHDY bo‘limi mudirasi lavozimiga tayinlandi.
Farg‘ona viloyat adliya boshqarmasi jamoasi xodimlarni yangi lavozim bilan samimiy tabriklab, kelgusi ishlarida ulkan zafarlar tilaydi.

  
  Sizda ham shu holat bo‘lganmi? Fuqarolarning og‘irini yengil, mushkulini oson qilsangiz yengil tortasiz. Kasbingizdan ko‘nglingiz to‘ladi. Ishlashga ishtiyoqingiz ortadi.
Beshariq tumani adliya bo‘limi vakillari uyma-uy aholining huquqiy muammolarini o‘rganish jarayonida mana shunday bo‘ldi.
"Chorbog'turongi" MFYda yashovchi 20 yildan buyon qonuniy nikohsiz yashab kelayotgan Iqboljon Hamroqulov va Ziroatxon Jumaboyevalarning nikohi qonuniylashtirilib, nikoh sayyor tartibda rasmiylashtirildi.

Shu kunga qadar Farg‘onada 40 foizdan ortiq mahallalarda uyma-uy o‘rganishlarda 2 ming 700 dan ortiq huquqiy muammolar aniqlangan.
Meros, uy-joy hujjatlariga doir 600 ga yaqin! Nikoh, tug‘ilish, o‘limni qayd etish, yuridik fakt va shaxsga doir hujjatlarni rasmiylashtirish bo‘yicha 500 dan ortiq, mehnat munosabati, aliment, subsidiya, pensiya yoki nogironlikni belgilashga doir 400 ga yaqin, imtiyozlarni belgilash, davlat xizmatlarini ko‘rsatish, kommunal soha va boshqa yo‘nalishlarda 1200 dan ortiq huquqiy muammolar aniqlandi.
Muammolarning 78,9 foizi yoki 2 mingdan ortig'i bosqichma-bosqich huquqiy yechimini topmoqda.
Fargʻona viloyat adliya boshqarmasi

Mustaqilligimizning 33 yilligi bayramini barcha joylarda koʻtarinkilikda kutib olishga tayyorgarlik koʻrilmoqda. Mazkur hasharning oʻtkazilishi ham hududlarning obodligiga xizmat qiladi.

“Mahalla obod – yurt obod!” shiori ostida oʻtkazilayotgan umumxalq xayriya hasharida Fargʻona viloyat adliya boshqarmasi tizim xodimlari ham faol ishtirok etishmoqda.

Farg'ona viloyat adliya boshqarmasi
Kanalga ulanish: @adliya_fargona

  Fargʻona viloyat adliya boshqarmasida viloyat maʼmuriy sudi, Fargʻona tumanlararo maʼmuriy sudi sudyalari, adliya organlari xodimlari hamda mahalliy davlat hokimiyati organlari bosh yuriskonsultlari ishtirokida “Maʼmuriy sudlar faoliyati va ularning jamiyatda qonuniylikni taʼminlashdagi roli” mavzusida seminar boʻlib oʻtdi.
Tadbirda maʼmuriy sudlar tomonidan koʻrilgan ishlar, adliya organlari tomonidan maʼmuriy sudlarga jismoniy va yuridik shaxslarning manfaatida kiritilgan arizalar hamda mahalliy hokimlik organlarining qarorlarini haqiqiy emas deb topilishi bilan bogʻliq nizolar yuzasidan atroflicha fikr almashildi.
Seminar xodimlar uchun manfaatli bo‘ldi hamda sud va adliya organlari tomonidan bu kabi tadbirlarni kelgusida tez-tez oʻtkazib borish boʻyicha kelishib olindi.

Farg'ona viloyat adliya boshqarmasi
Kanalga ulanish: @adliya_fargona

Davlatimiz rahbarining  joriy yil 24-maydagi PF-80-sonli Farmoni qabul qilinmaganida mamlakatimizda fuqarolarning millionlab huquqiy muammolari minglarcha mahallalarda oʻz yechimini kutib “yotaverar” edi, nazarimizda.

Buvayda tumani adliya boʻlimi vakillari “Nayman” mahalla fuqarolari yigʻinida uyma-uy huquqiy muammolarini oʻrganish jarayonidagi  bir “epizod”ni olaylik...

Huquqiy muammo shundaki, 78 yoshli Buhalima ona Abdurazzoqova 78-yil davomida tugʻilganlik haqidagi guvohnomaga ega boʻlmagan. Tasavvur qilyapsizmi?!

Bu vaziyatda birdan sizni oʻnlab savollar oʻylantirib qoʻyadi... Fuqarolik pasporti olmaganmi? Qanday turmushga chiqdi?  Har qadamda kerak boʻladigan bu muhim hujjatsiz ona qanday muammolarni boshidan kechirdi? Yosh ona davrlarida bola puli... yordam puli... va hakazo!

Xullas, chuqur kirmoqchi emasmiz. Bu alohida mavzu! Asosiysi, onaxonning  huquqiy masalasi ijobiy yechim topdi. Masala zudlikda Adliya boʻlimi ish yurituviga olindi. Buhalima ona Abdurazzoqovaga naqd 78-yil deganda “metrika” rasmiylashtirib berildi va tantanali topshirildi.

Toʻgʻri... “adliyachilar”ga bu borada oson boʻlmaydi. Lekin bu bizning bevosita vazifamiz-ku! Muhimi,  yana bir fuqaroning ogʻirini yengil qildik...

Fargʻona viloyat adliya boshqarmasi      
Kanalga ulanish: @adliya_fargona

  Uzoq yillar bir tizimda ishlab, nafaqada bir quchoq nabiralar qurshovida umrguzaronlik qilayotgan paytda hamkasb do‘stlar, izdoshlar eshigingni qoqib hol so‘rab kelishsa ne ajab... Ayniqsa, shukrona kunda!
Marg‘ilon shahrida nafaqa gashtini surayotgan Tojixon ona Dadaxonova ham 1987-2009- yillar davomida Farg‘ona viloyat adliya boshqarmasi arxiv mudiri, Marg‘ilon shahrida FHDY mudirasi lavozimlarida samarali faoliyat ko‘rsatdi. Yuzlab shogirdlar tayyorladi. Ayni kunlarda uning shogirdlari shu tizimda faol ishlamoqda.
Bugun Farg‘ona viloyat adliya boshqarmasi vakillari uning muborak 70 yoshi bilan tabriklab xonadonida bo‘lishdi. Viloyat adliya boshqarmasi boshlig‘i tabriknomasini o‘qib eshittirishdi. Tojixon onaga ehtirom ko‘rsatildi. Adliya tizimi vakillari nomidan Tojixon onaga oilaviy tinchlik-xotirjamlik, sog‘lik-salomtlik tilaymiz.
Barcha adliya xodimlariga uzoq yillar shu sohada ishlab, yorug‘ yuz bilan nafaqa gashtini surish, ehtirom ko‘rish nasib etsin!
Farg‘ona viloyat adliya boshqarmasi