Yangiliklar

  Юридик хизмат фаолияти Ўзбекистон Республикаси Президентининг 2017 йил 19 январдаги “Юридик хизмат фаолиятини тубдан такомиллаштириш чора-тадбирлари тўғрисида”ги қарори ва бошқа норматив-ҳуқуқий ҳужжатлар асосида тартибга солинган.
  Мазкур қарор билан адлия органларига юклатилган вазифалар ижросини таъминлаш мақсадида 2018 йил давомида адлия органлари томонидан давлат органлари ва ташкилотларида ўтказилган ўрганишлар натижасида аниқланган қонунбузилиш ҳолатлари, қонунбузилиш ҳолатларига сабаб бўлувчи омиллар, уларни бартараф этишда юридик хизмат ходимларининг роли юзасидан семинар ўтказилди. Семинарда юридик хизмат ходимларига юклатилган вазифалар ва уларнинг ижроси юзасидан фикрлар алмашинди ва келгусидаги фаолият бўйича тушунтиришлар берилди.

  Жорий йилнинг 5 март куни Фарғона вилоят адлия бошқармаси ташаббуси билан вилоятдаги барча шаҳар ва туманлар Давлат хизмати марказлари апостил бўйича давлат хизматини кўрсатиш учун маъсул бўлган ходимлари иштирокида ўқув-семинар машғулоти ўтказилди. Унда Ўзбекистон Республикаси Вазирлар Маҳкамасининг 2019 йил 15 февралдаги 134-сон қарори билан тасдиқланган “Адлия органлари ва муассасаларидан ҳамда фуқаролик ҳолати далолатномаларини қайд этиш органларидан чиқадиган расмий ҳужжатларга апостиль қўйиш бўйича давлат хизмати кўрсатишнинг” Маъмурий регламенти мазмун-моҳияти ва аҳамияти батафсил ва атрофлича етказилди.

   Жорий йилнинг 2 март куни Фарғона вилоят адлия бошқармасининг мажлислар залида вилоятдаги барча ДНИ нотариуслари ва ходимлари иштирокида йиғилиш ўтказилди. Унда жисмоний ва юридик шахсланинг мурожаатларини кўриб чиқишда, улар билан иш жараёнида мулоқот қилганда Ўзбекистон Республикаси адлия вазирининг 2018 йил 7 июндаги 185-ум-сонли буйруғи билан тасдиқланган “Ўзбекистон Республикаси Адлия вазирлиги ходимларининг Одоб-аҳлоқ қоидалари” талаблари, нотариал ҳаракатларни расмийлаштиришда Вазирлар Маҳкамасининг 1994 йил 3 ноябрдаги “Давлат божи ставкалари тўғрисида”ги 533-сон қарори талаблари, ички меҳнат тартиб қоидалари ҳамда коррупция ва таъмагирликка йўл қўймаслик юзасидан нотариуслар ва ходимлар яна бир бор огоҳлантирилди. Тизим ходимларига халқни рози қилиш шиори асосида иш фаолиятларини юритишлари яна бир бор уқтирилди.

   Фарғона вилоят божхона бошқармасида ходимлар ва уларнинг ота-оналари иштирокида семинар ўтказилди.
Ўтказилган семинарда “Коррупцияга қарши курашиш тўғрисида”ги Ўзбекистон Республикаси Қонуни ҳамда божхона ходимлари олдида турган вазифалар, улар фаолияти самарадорлигини ошириш юзасидан зарур тушунчалар берилди ва уларни қизиқтирган саволларига жавоблар берилди.

  Фарғона шаҳар адлия бўлими ташаббуси билан Фарғона вилоят адлия бошқармаси бошлиғининг биринчи ўринбосари А.Таджибаев раҳбарлигида “Фарғонаазот” АЖнинг 350 нафар ишчи ходимлари билан учрашув ўтказилди. Учрашувга адвокатлар, нотариуслар, давлат органи ва ташкилотлари масъул ходимлари жалб этилди.
Учрашув давомида иштирокчиларга янги қабул қилинган норматив-ҳуқуқий ҳужжатлар мазмун-моҳияти ва аҳамияти етказилди. Шунингдек, учрашув давомида 35 нафар фуқаронинг мурожаатига жойнинг ўзида ҳуқуқий тушунтиришлар берилиб, 48 та мурожаат қабул қилиниб, тегишли тартибда ижрога қаратилди.

  Фарғона вилоят адлия бошқармаси ташаббуси билан жорий йилнинг 9 февраль куни вилоятдаги ДНИ нотариуслари ва фуқаролик ишлари бўйича туман (шаҳар) суди судьялари иштирокида семинар ўтказилди. Унда мерос, олди-сотди ва бошқа амалиётда учраётган муаммолар юзасидан фикр алмашиб, бир хил амалиётни қўллаш масалалари муҳокама қилинди.

Фарғона вилоятидаги туман (шаҳар) адлия бўлимларига 2018 йил давомида келиб тушган мурожаатлар ва уларнинг кўриб
чиқилишиюзасидан ўтказилган умумлаштириш
МАЪЛУМОТИ
2019 йил 31 январь                        Фарғона шаҳар

Фарғона вилоят адлия бошқармаси Ташкилий назорат таҳлил ишлари бўлими томонидан вилоятдаги туман (шаҳар) адлия бўлимларига (кейинги ўринларда “адлия бўлимлари” деб юритилади) 2018 йил давомидамурожаатлар келиб тушиши ва уларнинг кўриб чиқилиши ҳолати таҳлил қилиб чиқилди. Таҳлил адлия бўлимлари томонидан тақдим этилган маълумотлар асосида ўтказилди.
Келиб тушган шикоятлар бўйича:
Адлия бўлимларига 2018 йил давомида жами 1878 та шикоятлар келиб тушган.  Келиб тушган шикоятларнинг 79 таси (4,2%) адлия бошқармаси орқали юборилган.
Фарғона тумани (188 та), Марғилон шаҳри (180 та), Боғдод тумани (171) адлия бўлимлари шикоятларни бошқа бўлимларга нисбатан кўпқабул қилган.
Энг оз миқдордаги шикоятларни Бувайда тумани (16 та), Риштон тумани (29 та), Фарғона шаҳар (39 та) адлия бўлимлари қабул қилган.
Ўтган йил давомида адлия бўлимлари томонидан 1809 та (96,3%) шикоятлар ҳал этилган. 769 та шикоятлар (40,9%) жойига чиқиш йўли билан ўрганилган. Шунингдек, 14 та шикоят мутахассислар жалб қилиш механизми орқали ҳал этилган.
2018 йилда 1537 та (81,8%) шикоятлар қаноатлантирилишга эришилган.Хусусан, Боғдод тумани адлия бўлими томонидан 171 та (бўлимга келиб тушган шикоятларнинг 100 %), Олтиариқ тумани адлия бўлими томонидан 155 та (бўлимга келиб тушган шикоятларнинг 100 %), Фарғона тумани адлия бўлими томонидан 139 та (бўлимга келиб тушган мурожаатларнинг 73,9 %), Бешариқ тумани адлия бўлими томонидан 137 та (бўлимга келиб тушган шикоятларнинг 93,1%) шикоятлар қаноатлантирилганлигини алоҳида таъкидлаш мумкин.
272 та (14,4%) шикоятларга ҳуқуқий тушунтириш берилган. Ҳуқуқий тушунтириш берилган шикоятларнинг 50 таси Учкўприк тумани (18,3 %),
50 таси Марғилон шаҳар (18,3 %), 43 таси Фарғона тумани (15,8%) адлия бўлимларига тўғри келади.  
Ўтган йилда келиб тушган 61 та (3,2%) шикоятлар тааллуқлилиги бўйича кўриб чиқишлик учун бошқа ташкилотларга юборилган. Тааллуқлилиги бўйича кўриб чиқишлик учун юборилган шикоятларнинг
24 таси Қувасой шаҳар (39,3%), 13 таси Фурқат тумани (21,3%) адлия бўлимлари томонидан бошқа ташкилотларга юборилган.
2018 йил мобайнида 8 та шикоят кўрмасдан қолдирилган. Шундан 2 та мурожаат аноним деб топилган бўлса, 1 та ҳолатда мурожаат қилувчининг ваколатини тасдиқловчи ҳужжати бўлмаганлиги боис шикоят кўрмасдан қолдирилган.
Шикоятларни кўриб чиқиш натижалари бўйича адлия бўлимлари томонидан жами 85 та тақдимнома киритилган. Киритилган тақдимномаларнинг кўп қисми асосан Олтиариқ тумани (13 та - 15,2%), Қува тумани (12 та – 14,1%), Ўзбекистон тумани (12 та – 14,1%) адлия бўлимларига тўғри келган.
Бувайда, Данғара, Риштон туманлари ва Қувасой шаҳар адлия бўлимлари томонидан шикоятларни кўриб чиқиш натижаси бўйича умуман тақдимнома киритилмаганлигини қайд этиш ўринли.
Шикоятларни кўриб чиқиш натижалари бўйича адлия бўлимлари томонидан судларга жами 1 089 610 000 сўмлик 618 та даъво аризалари (шунингдек аризалар) киритилиши таъминланган.Киритилган даъво аризаларининг 96 таси (15,5%) Боғдод тумани, 94 таси (15,2%) Фарғона тумани, 85 таси (13,7%) Олтиариқ туман адлия бўлимлари томонидан киритилган бўлса, Бувайда ва Риштон туман адлия бўлимлари томонидан бу борада даъво аризалари умуман киритилмаганлигини қайд этиш мумкин.
Шунингдек, шикоятлариннг қаноатлантирилиши натижасида вилоят бўйича жами 20 та маъмурий жавобгарликка тортиш юзасидан таклифлар берилган. Шундан 4 таси тўғридан-тўғри маъмурий ҳуқуқбузарлик тўғрисида баённома тузиш йўли билан расмийлаштирилган. Таклифларнинг 7 таси (35%) Олтиариқ туман, 6 таси (30 %)Ёзёвон туман адлия бўлимлари томонидан киритилган.
Марғилон шаҳар ва Олтиариқ туман адлия бўлимлари томонидан шикоятларни кўриб чиқилиши натижаси бўйича 1 тадан (вилоят бўйича 2 та) жиноий жавобгарликка тортиш юзасидан таклифлар киритилган.
Бундан ташқари, кўрсатилган даврда адлия бўлимлари томонидан 47 та бошқа турдаги таъсир чоралари қўлланилган.
Киритилган барча таъсир чоралари асосида вилоятда жами 50 нафар шахслар интизомий жавобгарликкка тортилган. Шундан 2 нафари билан меҳнат шартномаси бекор қилинган. 2018 йил якуни ҳолатига 9 нафар шахслар маъмурий жавобгарликка тортилган. Давлат органлари ва ташкилотлари томонидан қабул қилинган 4 та ҳужжат бекор қилинган ёки ижроси тўхтатилган. 2018 йил якуни ҳолатига 570 082 000 сўм миқдордаги сумма ундирилишига эришилган.
Келиб тушган шикоятлар хусусиятлари бўйича таҳлил қилинганида қуйидагилар маълум бўлди.
737 та (39,2%) шикоят меҳнат низолари юзасидан (шундан 448 таси ойлик иш ҳақи олиш масаласида бўлган), 159 та (8,4%) шикоят ижтимоий ҳимояга доир қонунлар ижроси юзасидан, 101 та (5,3%) шикоят таълимга доир қонун ҳужжатлари ижроси юзасидан, 59 та (3,1%) шикоят банклар фаолиятига оид қонун ҳужжатлари ижроси юзасидан, 50 та (2,6%) шикоят уй-жойга доир қонун ҳужжатлари ижроси юзасидан, 47 та (2,5%) шикоят коммунал тўловлар юзасидан келиб тушган.
Ўз навбатида қаноатлантирилган шикоятларнинг хусусияти ҳам умумий келиб тушган шикоятлар хусусиятига мутаносиб равишда кўрсатгичга эга бўлган. Хусусан, жами қаноатлантирилган шикоятларнинг 716 таси (46,5%) меҳнат низоларига оид, 137 та (8,9%) шикоят ижтимоий ҳимояга доир қонунлар ижросига оид, 87 та (5,6%) шикоят таълимга доир қонун ҳужжатлари ижросига оид, 35 та (2,2%) шикоят коммунал тўловлар борасида, 32 та (2,08%) шикоят уй-жойга оид қонунлар ижроси, 30 та (1,9%) шикоят банклар фаолиятига билан боғлиқ қонун ҳужжатлари ижросига оид бўлган.
Адлия бўлимларига келиб тушган аризалар таҳлили
2018 йил давомида адлия бўлимларига жами 1244 та аризалар келиб тушган. Аризаларнинг 72 тасини адлия бошқармасидан юборилган аризалар ташкил этади. 1089 та аризалар ҳал этилиб, шундан 821 та ариза қаноатлантирилган, 268 та аризага ҳуқуқий тушунтириш берилган, 148 та ариза тааллуқлилиги бўйича ҳал этишлик учунг бошқа идораларга юборилган, 7 та ариза кўрмасдан қолдирилган.
Келиб тушган аризаларнинг 158 таси қонун ҳужжатларига тушунтириш бериш борасида, 11 таси кадрларга оид масалада, 40 таси нотариатга оид,
1033 таси бошқа масалада келиб тушган.

  Ўзбекистон Республикаси Президентининг “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги ПФ-5618-сонли Фармони ижросини таъминлаш мақсадида Адлия вазирининг 2019 йил 24 январ кунги “Ҳуқуқий тарғибот тадбирларини ташкил қилиш тўғрисида” ги буйруғига асосан аҳолининг кенг қатлами орасида ҳуқуқий тарғибот тадбирларини ташкил қилиш, шунингдек  давлат органлари ва ташкилотлари ходимларининг ҳуқуқий онги ва маданиятини юксалтириш, соҳага доир қонун ҳужжатларидан уларнинг хабардорлик даражасини ўрганиш ва таҳлил қилиш ҳамда ушбу қонун хужжатларининг мазмун-моҳиятини тушунтириш мақсадида тузилган Республика ишчи гуруҳи томонидан Марғилон шаҳар Эркин Воҳидов номли ижтимоий фанлар йўналишидаги истеъдодли ёшлар мактаб-интернатида шаҳарда яшовчи пенсионерлар, уй бекалари, банд бўлмаган бошқа аҳоли қатламлари иштирокида очиқ мулоқот ўтказилди.

  Адлия вазирининг буйруғига асосан аҳолининг кенг қатлами орасида ҳуқуқий тарғибот тадбирларини ташкил қилиш, шунингдек  давлат органлари ва ташкилотлари ходимларининг ҳуқуқий онги ва маданиятини юксалтириш, соҳага доир қонун ҳужжатларидан уларнинг хабардорлик даражасини ўрганиш ва таҳлил қилиш ҳамда ушбу қонун хужжатларининг мазмун-моҳиятини тушунтириш мақсадида тузилган Республика ишчи гуруҳи томонидан жорий йилнинг 30 январь куни куннинг биринчи яримида Қўқон шаҳар тадбирколар марказида ёшлар ва тадбиркорлар билан учрашув ташкил этилди.

  Адлия вазирининг буйруғига асосан аҳолининг кенг қатлами орасида ҳуқуқий тарғибот тадбирларини ташкил қилиш, шунингдек  давлат органлари ва ташкилотлари ходимларининг ҳуқуқий онги ва маданиятини юксалтириш, соҳага доир қонун ҳужжатларидан уларнинг хабардорлик даражасини ўрганиш ва таҳлил қилиш ҳамда ушбу қонун хужжатларининг мазмун-моҳиятини тушунтириш мақсадида тузилган Республика ишчи гуруҳи томонидан жорий йилнинг 30 январь куни куннинг иккинчи яримида Данғара тумани Маданият уйида ёшлар ва тадбиркорлар билан учрашув ташкил этилди.