Yangiliklar

Joriy yilning 26-avgust kuni boshqarmaning majlislar zalida Oʻzbekiston Respublikasi Oliy Majlisi Qonunchilik palatasi deputati D.R.Mamadjanova hamda Viloyat prokuraturasi, sudi, IIB, Bojxona boshqarmasi vakillari, Advokatlar palatasi va advokatlar ishtirokida “Davlat hisobidan yuridik yordam toʻgʻrisida”gi Qonun loyihasini takomillashtirish muhokamasi boʻlib oʻtdi.
Mazkur tadbirda Qonun loyihasini takomillashtirish yuzasidan bir qator takliflar berildi. Xususan, mazkur loyihada koʻrsatilgan advokatlarga haq toʻlashda yoʻnalishalarning murakkabligiga qarab toʻlovlar ajratilishi, kam taʻminlangan oilalarga sudlarga daʻvo arizalar kiritishda davlat boji va pochta harajatlarini bekor qilinishi hamda kam taʻminlangan oilalarga emas balki barcha fuqarolarga davlat hisobidan malakali yuridik yordam koʻrsatish lozimligi takliflari bildirdi.

Anklav hududdagi 100 dan ortiq fuqarolar doimiy “propiska”ga qoʻyildi
Aholi murojaatlarini inobatga olib, joriy yilning 24-avgust kuni Fargʻona viloyati Adliya boshqarmasi tashabbusi bilan toʻrt tarafi qoʻshni Qirgʻiziston chegaralari bilan oʻralgan, Rishton tumanining eng olis, anklav hamda ogʻir hududi hisoblangan “Choʻngʻara” mahalla fuqarolar yigʻinida tuman adliya boʻlimi, ichki ishlar boʻlimining Migratsiya va fuqarolikni rasmiylashtirish boʻlimi, davlat xizmatlari markazi, tuman xalq qabulxonasi, Xalq deputatlari tuman kengashi deputatlari, kadastr boʻlimi, tibbiyot birlashmasi, tibbiy-ijtimoiy xizmatlarni rivojlantirish boʻlimi, 108-sonli Rishton tumanlararo TIEK rahbar xodimlari ishtirokida sayyor qabul oʻtkazildi.
Sayyor qabul davomida 100 dan ortiq fuqarolar oʻzlarining muammolari bilan ishtirok etdilar.
Sayyor qabul davomida 100 nafardan ortiq fuqarolarni doimiy yashash uchun roʻyhatga qoʻyilishi taʼminlandi, 30 nafar fuqaroga horijga chiqish biometrik pasportlar topshirilishi, 15 nafar fuqarolarga fuqarolik pasporti rasmiylashtirish uchun hujjatlar rasmiylashtirildi.
Shuningdek, davlat xizmatlari markazi tomonidan koʻchma mobil avtobus orqali 20 dan ortiq xizmatlar koʻrsatildi.
Taʼkidlash joizki, fuqarolardan kelib tushgan murojaatlarning aksariyati joyida ijobiy hal qilindi, muddat va mablagʻ talab etiladigan murojaatlarning ijrosi nazoratga olindi.
Tuman adliya boʻlimi yuridik markazi tomonidan ushbu qizil hududga kiritilgan m.f.y.dagi umumtaʼlim maktabi va davlat maktabgacha taʼlim muassasini “E-huquqshunos” tizimi orqali hujjat aylanish tizimi toʻliq ishga tushirilishi taʼminlandi.

Юридик техникумларга қабул давом этмоқда. Охирги муддат – 20 август
Хабарингиз бор, республикамизда 14 та юридик техникум ташкил этилган.
Уларда қуйидаги мутахассисликлар бўйича кадрлар тайёрланади:
▫️ давлат ҳуқуқий фаолият;
▫️ юридик хизмат;
▫️ суд-ҳуқуқий фаолият.
Юридик техникумларга умумий ўрта таълим (11-синфни) ёки ўрта махсус, касб-ҳунар таълими муассасасини битирганлар ҳужжат топшириши мумкин.
Ўқишга кириш учун ҳужжатлар Ягона интерактив давлат хизматлари портали (my.gov.uz) ёки Давлат тест марказининг расмий веб-сайти (my.dtm.uz) орқали онлайн қабул қилинади.
Ҳужжатларни қабул қилиш 20 августгача (шу куни ҳам) бўлиб ўтади.
Юридик техникумларга Ўзбекистон фуқароларини қабул қилиш ДТМ томонидан ўтказиладиган тест синовлари орқали амалга оширилади.
Чет эл фуқаролари юридик техникумлар томонидан ташкил этиладиган суҳбат натижасида қабул қилинади.
Абитуриентлар ўқишга давлат буюртмаси, тўлов-контракт, шу жумладан, табақалаштирилган тўлов-контракт асосида қабул қилинади.
Ўқиш муддати 2 йилни ташкил этади.
Каналга уланиш
https://t.me/huquqiyaxborot

Joriy yilning 16-avgust kuni Fargʻona viloyati adliya boshqarmasi, Davlat xizmatlarini rivojlantirish agentligi Fargʻona filiali, Bandlik va mehnat munosabatlari boshqarmasi, Fargʻona davlat universiteti mutaxassislari hamda tuman (shahar) adliya boʻlimlari rahbarlaridan iborat ishchi guruh tomonidan Qoʻqon, Margʻilon shaharlari va Dangʻara tumani hokimiyatida tumanlarda faoliyat yuritayotgan davlat organlari va tashkilotlari rahbarlari, oʻrinbosarlari, kadrlar boʻlimi xodimlariga yangi qonunning mazmun-mohiyati, davlat fuqarolik xizmatchilariga nazarda tutilayotgan talablar, yaratilayotgan imkoniyatlar, davlat xizmatiga ishga qabul qilishda joriy etilayotgan shaffoflik prinsiplari xususida batafsil maʼlumot berib, ishtirokchilarni qiziqtirgan savollariga javob berdilar. Targʻibot tadbirlari davom etmoqda.
   Biz ijtimoiy tarmoqlarda: telegram (https://t.me/adliya_fargona) I facebook ([https://www.facebook.com/.../www.../groups/707837036273804)) I Instagram (https://www.instagram.com/adliya_fargona/) I YouTube

Акция доирасида қуйидагилар режалаштирилган:
аҳоли ва тадбиркорларнинг мулк ҳуқуқлари бўйича маълумотларни ОАВ ва ижтимоий тармоқлар орқали кенг ёритиш;
сайёр қабуллар ва бошқа тадбирлар ташкил этиш;
мурожаатларни ўрганиш ва таҳлил қилиш натижаси юзасидан аҳоли ва тадбиркорларнинг бузилган ҳуқуқларини тиклаш бўйича амалий чоралар кўриш;
қонунчиликни такомиллаштириш юзасидан таклифлар ишлаб чиқиш.
Каналга уланиш
https://t.me/huquqiyaxborot

Fargʻona viloyat adliya boshqarmasi aholining turli qatlamlari bilan toʻgʻridan-toʻgʻri muloqotni kengaytirish, mavjud dolzarb muammolarni aniqlash, ularni bartaraf etish maqsadida jismoniy va yuridik shaxslar vakillari bilan sayyor tarzdagi ommaviy qabullar tashkil etib kelmoqda.
Jumladan, bugun – 12-avgust kuni Buvayda tumanining “Yashnarobod” MFY fuqarolari ishtirokida jismoniy va yuridik shaxslar uchun sayyor qabul oʻtkazildi. Unda adliya boshqarmasi vakillari bilan birgalikda “Madad” nodavlat notijorat tashkiloti, davlat xizmatlari markazi, yuridik xizmat koʻrsatish markazi masʼul xodimlari ishtirok etdi.
Qabul avvalida Fargʻona viloyati adliya boshqarmasi boshligʻi oʻrinbosari Sh.Xolmatov aholiga “Huquqbuzarliklar profilaktikasi toʻgʻrisida”gi, “Oʻzbekiston Respublikasining Referendumi toʻgʻrisida”gi Qonunlarning mazmuni va ahamiyatini mahalla fuqarolariga tushuntirdi.
Bundan tashqari, Yashnarobod MFY hududida jinoyatchilikning oldini olish maqsadida mahalla fuqarolariga Oʻzbekiston Respublikasining “Huquqbuzarliklar profilaktikasi toʻgʻrisida”gi Qonunda nazarda tutilgan maqsadlar haqida fikr yuritdi va fuqarolarning bu borada faol fuqarolik pozitsiyasini namoyish etishga chaqirdi.
Targʻibot tadbirlaridan soʻng tashkil etilgan sayyor qabulda 28 nafar fuqaroning murojaatlari tinglandi. Ularning 18 tasiga huquqiy tushuntirish berildi. Murojaatlarning 10 tasi Buvayda tuman adliya boʻlimi ish yurituviga koʻrib chiqishlik uchun berildi.
Murojaatlar sohalar boʻyicha tahlil qilinganda, ularning 12 tasi bolalar nafaqasini olish, 4 tasi sud tomonidan belgilangan alimentlarni undirish, 3 tasi ish bilan taʼminlash va 2 tasi subsidiya olish masalasida murojaat yoʻllagan. Qabul davomida kelib tushgan murojaatlarning 10 tasi ijroga qaratildi.
  Biz ijtimoiy tarmoqlarda: telegram (https://t.me/adliya_fargona) I facebook ([https://www.facebook.com/.../www.../groups/707837036273804)) I Instagram (https://www.instagram.com/adliya_fargona/) I YouTube

"Ochiq adliya" dasturi doirasida Fargʻona viloyat adliya boshqarmasi tomonidan 2022-yilning 6 oyi davomida amalga oshirilgan ishlar sarhisobiga bagʻishlangan matbuot anjumani oʻtkazildi. Matbuot anjumanida Adliya vazirilining jamoatchilik bilan aloqalar boʻlimi boshligʻi Sevara Urinbayeva, bosma va elektron OAV vakillari, jurnalist, bloger, veb-sayt adminlari, mahalliy davlat hokimiyati organlari va viloyatdagi boshqarma, tashkilot va muassasalarning axborot xizmatlari rahbarlari katnashdilar.
Anjuman avvalida OAV vakillari hamda ijtimoiy tarmoq faollari bilan birgalikda Fargʻona tumaniga press-tur uyushtirildi. Tadbir davomida S.Urinbayeva tomonidan OAV vakillariga adliya tizimida amalga oshirilayotgan islohotlar, jamoatchilik oldida ochiqlik va shaffoflikni taʼminlashga qaratilgan chora-tadbirlar haqida tushuntirishlar berildi.
Gap shundaki, ayni kunlarda tuman adliya boʻlimi, FHDY, davlat xizmatlari markazi hamda yuridik markazlar fuqarolarga qulaylik yaratish maqsadida bir binoda joylashtirilmoqda. Fargʻona tumani adliya boʻlimida fuqarolarga yaratilgan imkoniyatlar va sharoitlar haqida jamoatchilik vakillariga tushuntirishlar berildi.
Qayta rekonstruksiya qilinib foydalanishga topshirilgan viloyat adliya boshqarmasi binosida press-tur davom etdi. Ommaviy axborot vositalari va ijtimoiy tarmoq foydalanuvchilar binoda xodimlar uchun yaratilgan sharoitlar bilan tanishdi.
    Biz ijtimoiy tarmoqlarda: telegram (https://t.me/adliya_fargona) I facebook ([https://www.facebook.com/groups/707837036273804](https://www.facebook.com/groups/707837036273804)) I Instagram (https://www.instagram.com/adliya_fargona/) I YouTube

Farg'ona viloyat adliya boshqarmasida “Oyning eng yaxshi xodimi” aniqlandi.
An'anaga ko‘ra, Adliya boshqarmasi jamoasi orasidan eng yaxshi xodimni aniqlab, rag‘batlantirib bormoqda. Boshqarma tizimda 2022-yil iyul oyining “Eng yaxshi xodimi” deya Qo'qon shahar adliya bo'limi Inson huquqlarini himoya qilish va huquqni qo‘llash amaliyotini o‘rganish bo‘linmasi yetakchi maslahatchisi Meliqoʻziyev Otaqoʻzi Ikromjon oʻgʻli topildi.
Farg'ona viloyat adliya boshqarmasi jamoasi Meliqoʻziyev Otaqoʻzi Ikromjon oʻgʻlini ushbu e'tirof bilan samimiy muborakbod etadi va uning kelgusidagi ishlarida omad va zafarlar tilaydi.

1 avgustdan qonunchilikda nimalar oʻzgaradi?
▪️ Davlat organlari va tashkilotlarida Ochiqlik indeksi joriy etiladi (http://old.lex.uz/docs/6066512);
▪️ Nogironligi boʻlgan yoshlarga BHMning 50 baravarigacha boʻlgan miqdorda subsidiya ajratish (http://old.lex.uz/docs/6076304) uchun ariza qabul qilish boshlanadi;
▪️ Jismoniy shaxsni identifikatsiyalashning Mobil-ID tizimi joriy etiladi (http://old.lex.uz/docs/5971599);
▪️ Oilaviy poliklinikalarning ish samaradorligini baholash reyting tizimi joriy qilinadi (http://old.lex.uz/docs/5979130);
▪️ Haydovchilik guvohnomasini rasmiylashtirish (http://old.lex.uz/docs/5409456)uchun barcha hujjatlar faqat YAIDXP orqali qabul qilinadi;
▪️ Nogironligi boʻlgan shaxslarni (http://old.lex.uz/docs/5745300) hisobga olishning yangi tizimi joriy etiladi;
▪️ «Elektron surishtiruv va dastlabki tergov (http://old.lex.uz/docs/5840465)» yagona axborot tizimi toʻliq versiyada ishga tushadi;
▪️ Yuridik xizmat koʻrsatiladigan (http://old.lex.uz/docs/5914991) tuman davlat tashkilotlarining roʻyxati kengayadi.
♻️ Biz ijtimoiy tarmoqlarda: telegram (https://t.me/adliya_fargona) I facebook (https://www.facebook.com/groups/707837036273804) I instagram (https://www.instagram.com/adliya_fargona/) I YouTube

Joriy yilning 29-iyul kuni Fargʻona viloyati mahalliy kengashi deputatlarining navbatdagi yigʻilishi boʻlib oʻtib, unda viloyat adliya boshqarmasi boshligʻi oʻrinbosari Sh.Xolmatov tomonidan yangi tahrirdagi “Maʼmuriy tartib-taomillar toʻgʻrisida”gi Oʻzbekiston Respublikasining Qonuning mazmun-mohiyati, qonunga kiritilayotgan oʻzgartirishlar boʻyicha maʼruza qilindi.
♻️ Biz ijtimoiy tarmoqlarda: telegram (https://t.me/adliya_fargona) I facebook (https://www.facebook.com/groups/707837036273804) I instagram (https://www.instagram.com/adliya_fargona/) I YouTube