Yangiliklar

Ўзбекистон Республикаси Президентининг 2019 йил 9 январдаги ПФ-5618-сон Фармони билан тасдиқланган Жамиятда ҳуқуқий маданиятни юксалтириш концепциясини 2019 йилда самарали амалга ошириш бўйича “Йўл харитаси”нинг 20-банди ижросини таъминлаш мақсадида жорий йилнинг 18 июнь куни Фарғона вилоят адлия бошқармаси ҳамда Фарғона шаҳар адлия бўлими томонидан юридик коллеж ўқувчиларидан иборат кўнгиллилар гуруҳини жалб этган ҳолда “Street law” (оддий ҳуқуқ) лойиҳаси аҳоли гавжум жойларда, жумладан, бозорларда, савдо комплексларда, марказий хиёбонларда ўтказилди.
      Мазкур лойиҳа давомида “Тамаки ва алкоголь соғлиқ учун зарар”, “Йўл қоидаси – умр фойдаси”, “Ҳурматли харидор унутманг!” каби 500 дан зиёд турли хил мавзулар доирасида тайёрланган флаер ва буклетлар ва бошқа турдаги тарқатма материаллар тарқатилиб, ҳуқуқий тушунчалар берилди.
Шунингдек, лойиҳа доирасида Фарғона шаҳар марказий ҳиёбонида Фуқароларнинг ҳуқуқий онги ва ҳуқуқий маданияти даражасини аниқлаш бўйича сўровномалар ўтказилди.

Товар хом ашё биржасига аукцион орқали   31500000 минг сумга 9 дона автомашинага газ балон урнатиб бериш хизмати  18 июн куни 4994614-сонли лот оркали  жойлаштирилган тугаш муддати 24 июн 2019 йил

            ЎҚИШГА  МАРҲАМАТ !
         Ўзбекистон Республикаси Адлия вазирлигининг Фарғона вилояти юридик коллежи 2019-2020 ўқув йили учун умумий ўрта маълумот (11-синф) ва ўрта махсус касб-ҳунар маълумотига эга бўлган абитуриентларни тўлов-контракт  асосида танлов бўйича ўқишга қабул қилади.

             Ўқиш муддати 2 йил.
         Ҳужжатларни қабул қилиш муддати  1-20 июнь !!!
Ўқишга қабул қилиш бўйича танловлар ёзма имтиҳон шаклида 1 июлдан               10 июлгача бўлган муддатда “Ҳуқуқшунослик” ва “Она тили ва адабиёти” фанлари бўйича ўтказилади.
Мутахассисликлар:
1.Давлат хизматлари бўйича юрист
2.Кадрлар масалалари бўйича юрист
3.Аграр секторда юрист
4.Шартномавий масалалар бўйича юрист
5.Нотариат бўйича юрист
6.Ижро иши бўйича юрист

Қуйидаги ҳужжатлар тақдим этилиши лозим:

1.    Юридик коллежи директори номига ариза;
2.    Паспорт нусхаси;
3.    Умумий ўрта таълим (11-синф негизида)  ёки ўрта махсус, касб-ҳунар таълими муассасасини тугатганлиги ҳақидаги ҳужжатнинг асли ва нусхаси, иловаси билан;
4.    3.5 х 4.5 см ўлчамли 6 дона рангли фотосурат (оқ фонда).
      
Фуқаролик шахсини тасдиқловчи хужжат (паспорт) асли шахсан кўрсатилади.
  
  Ҳужжатлар бевосита Фарғона вилояти юридик коллежи биносида соат  8-00 дан  18-00 қадар қабул қилинади. Дам олиш куни якшанба.


         Юридик коллежини аъло баҳоларга тамомлаган битирувчилар ҳудудий Адлия органининг йўлланмаси бўйича кириш тест синовларисиз якка тартибдаги суҳбат ўтказиш орқали Тошкент давлат юридик университетига ўқишга қабул қилинади.
                        
        МУРОЖААТ УЧУН ТЕЛЕФОНЛАР:
                                73-226-45-52;    73-226-41-26
    Манзил: Фарғона шаҳар, А.Навоий кўчаси, 18-уй.
Мўлжал: Дўстлик мехмонхонаси
Эслатма: Абитуриентлар 11-синф ёки коллеж (лицей) битирувчилари бўлиши шарт!!!

                                         Ўқиш тўлов(контракт) асосида амалга оширилади!!!

Учкўприк тумани, Олмурод қишлоғида яшовчи фуқаро Каримов Мадаминжон туман Электр таъминоти корхонаси томонидан асоссиз электр энергияси учун 1629301 сўм қарздорлик ҳисобланганлиги, натижада Мажбурий ижро бюроси томонидан хонадони тармоқдан узиб қўйилганлиги, ҳар икки идора ўртасида сарсон бўлиб, мурожаатлари ижобий ҳал этилмаганлигини билдириб, Учкўприк туман адлия бўлимига асоссиз ҳисобланган 1629301 сўм қарздорликни бекор қилишда амалий ёрдам беришни сўраб мурожаат қилган.
Бўлим томонидан мурожаат ўрганиб чиқилиб, фуқаро Каримов Мадаминжон манфаатларини кўзлаб Фуқаролик ишлари бўйича Қўқон туманлараро судига Электр таъминоти корхонаси ҳаракатларини қонунга ҳилоф деб топиб, фуқаро Каримов Мадаминжондан 1629301 сўм қарздорликни ҳисобдан чиқариш бўйича даъво аризаси киритилди. Даъво аризаси судда кўрилиб, Фуқаролик ишлари бўйича Қўқон туманлараро суднинг 22.04.2019 йилдаги ҳал қилув қарорига асосан даъво қаноатлантирилиб, Каримов Мадаминжондан 1629301 сўм қарздорликни ҳисобдан чиқариш мажбурияти юклатилди. Фуқаронинг бузилган ҳуқуқлари тикланиб, электр тармоғига бепул уланиши таъминланди.

“15 май – Халқаро оила куни” муносабати билан вилоятимизнинг барча ҳудудларида турли маърифий-ҳуқуқий тадбирлар ўтказилмоқда.  Хусусан, бугун вилоят адлия бошқармаси томонидан Фарғона тумани “Янгиобод” МФЙ, Ғорбува кўчаси 33-хонадонда яшовчи фуқаролар Иброхимов Қудратилло ота ва Иброхимова Тожиби онанинг “Олтин тўй” тадбири ўтказилди. Тадбирда маҳалладаги узоқ йиллар бирга яшаган намунали оила вакиллари, ёш келин-куёвлар, турмуш қуриш остонасида турган  йигит ва қизлар, шунингдек, “Ўзбекистон кўзи ожизлар жамияти” аъзолари ва  тумандаги 56-ўрта таълим мактаби ўқувчилари ҳамда ОАВ вакиллари иштирок этдилар. Тадбирга келган барча меҳмонлар Иброхимов Қудратилло ота ва Иброхимова Тожиби онанинг “Олтин тўй”лари билан самимий табриклашди. Шунингдек, тадбир давомида Иброхимов Қудратилло отага  бепул ҳуқуқий хизмат кўрсатиш мақсадида Фарғона шаҳар 9-сон давлат нотариал идораси нотариуси томонидан сайёр нотариал ҳаракат амалга оширилди. Шу билан бирга, байрам дастури доирасида фуқароларга адлия ходимлари томонидан ҳуқуқий маслаҳатлар ҳам берилди. Тадбир қатнашчилари Иброхимовлар оиласининг тарихи, бирга босиб ўтган умр йўли бўйича маълумотларни қизиқиш билан тингладилар ва ёш оилалар, шунингдек турмуш қуриш остонасида бўлган ёшлар ўзлари учун ҳаётий билимга эга бўлиб қайтишди. Фарғона вилоят Адлия бошқармаси томонидан Иброхимов Қудратилло ота ва Иброхимова Тожиби онага “Олтин тўй” табриги ва эсдалик совғалари топширилди.

    Жорий йилнинг 8 май куни Фарғона вилоят адлия бошқармаси томонидан Иккинчи жаҳон уруши қатнашчилари ҳолидан хабар олиш мақсадида уруш ва меҳнат фронти қатнашчилари истиқомат қилаётган хонадонларга байрамона ташрифлар уюуштирилди. Мазкур ташрифлар давомида Иккинчи жаҳон уруши қатнашчилари ва меҳнат фронти фахрийларига алоҳида эътибор кўрсатилиб, вилоят адлия бошқармаси томонидан уларга бўлган чуқур ҳурмат намунаси сифатида уларни шарафлаш мақсадида ўша давр шукуҳини ўзида акс эттирган куй қўшиқлар куйланган холда харбий ва миллий либосларда кириб борилди, шунингдек бошқарманинг эсдалик совғалари тақдим этилди. Иккинчи жаҳон уруши қатнашчилари ва меҳнат фронти фахрийлари билан учрашувлар айниқса, унда иштирок этган юридик коллеж талабаларида чуқур таассурот қолдирди ва улар фахрийларимиз кўрсатган жасорат учун ўз миннатдорчиликларини билдиришди.

Cавол:
Эшитишимча, ўқитувчилар автомобилни кредитга олса бир қанча қулайликлар бор экан. Педагог ходимлар учун автомобилни кредитга олиш шартларини ва тартибини тушунтириб берсангиз.
Жавоб:
Ўқитувчилар учун автокредит ажратиш тартиби Президентимизнинг 2018 йил 14 августдаги “Ёшларни маънавий-ахлоқий ва жисмоний баркамол этиб тарбиялаш, уларга таълим-тарбия бериш тизимини сифат жиҳатидан янги босқичга кўтариш чора-тадбирлари тўгрисида”ги Қарорида белгиланган.
Унга кўра, Халқ таълими вазирлиги томонидан тақдим этилган рўйхат бўйича халқ таълими тизимидаги педагог-ходимларга истеъмол кредитлари, шу жумладан, автотранспорт воситалари сотиб олиш учун қуйидаги шартларда кредитлар бериш тартиби ўрнатилган:
кредитни бериш муддати — 1 йил, имтиёзли давр билан 5 йил муддатга;
дастлабки бадал суммаси — сотиб олинаётган автотранспорт воситаси қийматининг 25 фоизи;
кредит учун фоиз ставкаси — Марказий банкнинг қайта молиялаштириш ставкасидан кўп бўлмаган миқдорда.
  Cавол:
Ҳозир айрим сабабларга кўра Тошкентда яшаяпман. Доимий пропискам йўқ, вақтинча рўйхатга қўйилганман. Фарзандим 1-синфга чиқиши керак, мактаб маъмурияти томонидан прописка сўрашяпти, шу тўғрими?
Жавоб:
Нотўғри. “Умумий ўрта таълим тўғрисида”ги низомга мувофиқ болаларни умумтаълим муассасасининг 1-синфига қабул қилиш учун ота-онасининг доимий пропискада бўлиши шарт эмас.
Хусусан, низомга мувофиқ болаларни умумтаълим муассасасининг
1- синфига қабул қилиш учун уларнинг ота-оналари томонидан қуйидаги ҳужжатлар топширилади:
ота-оналар томонидан умумтаълим муассасаси директори номига ариза;
ота-оналарнинг фуқаролик паспорти (фуқаролиги бўлмаган шахсларнинг Ўзбекистон Республикасида яшаш гувоҳномаси) нусхаси (доимий пропискаси ёки турган жойи бўйича ҳисобга олинганлиги ҳақидаги қайд ёзуви кўрсатилган ҳолда);
боланинг туғилганлик ҳақидаги гувоҳномаси нусхаси;
боланинг соғлиги тўғрисида тиббий маълумотнома;
боланинг 3,5 х 4,5 см ҳажмдаги 4 дона рангли фотосурати.
  Cавол:
Уйимизнинг ҳужжатларини йўқотиб қўйдик, уй ҳужжатларини қайтадан расмийлаштириш учун нима қилишимиз керак?
Жавоб:
Кўчмас мулк объектларига кадастр йиғмажилдини тайёрлаш қоидаларига кўра (рўйхат рақами: 2725) кадастр йиғмажилди йўқолган ёки яроқсиз ҳолга келганда унинг эгасини аризасига мувофиқ Қорақалпоғистон Республикаси, вилоятлар ва Тошкент шаҳри ер тузиш ва кўчмас мулк кадастри давлат корхонасининг тегишли туман (шаҳар)даги филиали архивида сақланаётган кадастр йиғмажилдининг мулк эгасига тегишли қисмларидан нусха олинади.
Ушбу нусхалардан иборат кадастр йиғмажилдининг ҳар бирларига туман (шаҳар) ер тузиш ва кўчмас мулк кадастри давлат корхонаси раҳбари томонидан “аслига тўғри”, деган ёзув киритилади ва имзоланади ҳамда ариза келиб тушган кундан бошлаб икки иш куни ичида эгасига топширилади.
  Cавол:
Бобом менга бор мулкини мерос қилиб васият қолдирди. Васият бўйича
бор мол-мулк менга ўтадими ёки бобомнинг фарзандлари даъво қилиши мумкинми?
Жавоб:
Фуқаролик кодексига асосан фуқаронинг ўзига тегишли мол-мулкни ёки бу мол-мулкка нисбатан ҳуқуқини вафот этган тақдирда тасарруф этиш хусусидаги хоҳиш-иродаси васият, деб эътироф қилинади. Васиятнома ёзма шаклда тузилиши лозим.
Мерос қолдирувчининг вояга етмаган ёки меҳнатга қобилиятсиз болалари, шу жумладан, фарзандликка олган болалари, шунингдек, меҳнатга қобилиятсиз эри (хотини) ва ота-онаси, шу жумладан, уни фарзандликка олганлар, васиятноманинг мазмунидан қатъи назар, қонун бўйича ворис бўлганларида улардан ҳар бирига тегиши лозим бўлган улушнинг камида ярмини (мажбурий улуш) мерос қилиб оладилар.
Мажбурий улуш олиш ҳуқуқига эга бўлган меросхўр бирон-бир асос бўйича меросдан оладиган ҳамма нарса, шу жумладан, оддий уй жиҳозлари ва рўзғор буюмларидан иборат мол-мулкнинг қиймати ҳам, бундай меросхўр фойдасига қилинган васият мажбуриятининг қиймати ҳам мажбурий улушга қўшилади.
Меросдан мажбурий улуш олиш ҳуқуқига эга бўлган меросхўр учун васиятномада белгиланган ҳар қандай чеклашлар ва шартлар унга тегадиган мероснинг мажбурий улушдан ортиқча қисмига нисбатангина ҳақиқий ҳисобланади.
  Cавол:
Мен яшаб турган уй марҳум отамнинг номида. Уйда онам ва мен оилам билан яшаймиз, биз оилада 4 фарзандмиз. Ака-опаларимнинг уй жойлари бор, фарзандлар ўртасида уй масаласида ҳеч қандай низо йўқ. Уй қонуний кимнинг номига расмийлаштирилади? Шу масалада маълумот берсангиз.
Жавоб:
Сиз Фуқаролик кодексига асосан биринчи навбатдаги ворислар жумласига кирасиз. Мерос очилгандан сўнг нотариус меросхўрнинг илтимосига кўра унга меросга бўлган ҳуқуқи тўғрисида гувоҳнома беради. Мерос фуқаронинг ўлими ёки унинг суд томонидан вафот этган, деб эълон қилиниши оқибатида очилади.
Мерос очилган жойдаги нотариус меросхўрнинг илтимосига кўра унга меросга бўлган ҳуқуқи тўғрисида гувоҳнома бериши шарт. Меросга бўлган ҳуқуқ тўғрисидаги гувоҳнома мерос очилган кундан эътиборан олти ой ўтганидан кейин берилади. Нотариуслар томонидан нотариал ҳаракатларни амалга ошириш тартиби тўғрисидаги йўриқномага асосан уй, квартира, уйнинг ёки квартиранинг бир қисмини бошқа шахсга ўтказиш бўйича битимларни нотариал тасдиқлашда нотариуслар бу мулклар мулкдорга тегишлилигини текширади, меросга бўлган ҳуқуқ тўғрисидаги гувоҳнома мулкни бошқа шахсга ўтказаётганда мулк ҳуқуқини тасдиқловчи ҳужжат бўлиб хизмат қилади.

Фарғона шаҳар адлия бўлими томонидан шаҳардаги маҳалла фуқаролар йиғинлари ходимлари иштирокида семинар ташкил этилди.
Ўтказилган семинарда “Фуқаролар йиғини раиси (оқсоқоли) сайлови тўғрисида”ги Ўзбекистон Республикаси Қонунининг моҳияти ва аҳамияти, сайловни ўтказиш тартиби семинар иштирокчиларига тушунтирилди.

  Cавол:
Бир ҳафтага оилавий дам олишга кетмоқчиман. Ўша кунлари фарзандим боғчага бормайди. Боғчага борилмаган кун учун пул тўлашим шартми?
Жавоб:
Ота-оналардан бирининг ишдан (ўқишдан) бўш вақти даврида ёки бошқа сабабларга кўра бола боғчага келмаган ҳолларда жорий ой учун тўланиши лозим бўлган тўлов миқдори у келмаган кунлар учун ҳисобланган тўлов суммасига камайтирилади.
Тўловни камайтириш учун ота-оналардан бири сабаби кўрсатилган ҳолда мактабгача таълим муассасаси раҳбарияти номига олдиндан ариза (билдиришнома) ёзиши шарт.
Бунда боланинг бир йилда кўпи билан 60 кундан ортиқ бўлмаган муддатгача мактабгача таълим муассасасига келмаслигига рухсат берилади.
Демак, мактабгача таълим муассасаси олдиндан ёзма огоҳлантирилган бўлса, бола боғчага бормаган кунлари учун пул тўланмайди.
  Cавол:
Қўшним ярим тунда телевизор овозини баланд қилиб кўриб, бизни дам олишга қўймайди. Эътироз қилсак, ўзимни уйим, ҳоҳлаган ишимни қиламан дейди. Бундай ҳолатларда фуқароларга жавобгарлик борми?
Жавоб:
Албатта, маъмурий жавобгарлик мавжуд. Тунги вақтда соат 23:00дан 06:00гача фуқароларнинг осойиштилиги ва нормал дам олишини бузиш, яъни:
Баланд овоз билан қўшиқ айтиш;
Мусиқа чалиш;
Товуш сингналлари бериш;
Хонадонларда, турар жойларнинг йўлаклари ва эшикларида, кўчаларда овози баланд қилиб қўйилган телевизорлар, радиоприёмниклар, магнитафонлар ва овоз чиқарувчи бошқа аппаратуралардан фойдаланиш;
Турар жой биноларида ва уларнинг ташқарисида жуда зарур бўлмаган ҳолда шовқин чиқарувчи ишлар қилиш, шунингдек, маиший шовқинга қарши курашиш талабларини бузувчи бошқа ҳаракатларни содир этиш фуқароларга энг кам иш ҳақининг учдан бир қисми (67 минг 576 сўм), мансабдор шахсларга эса энг кам иш ҳақининг учдан бир қисмидан (67 минг 576 сўм) иккидан бир қисмигача (101 минг 365 сўм) маъмурий жарима солишга сабаб бўлади.
  Cавол:
Яқинда янги уй сотиб олдим, лекин бу уйга ҳали ҳеч ким пропискага қўйилмаган. Шу ҳолатда сув ва канализация учун тўловларни қай тартибда тўлайман?
Жавоб:
Вазирлар Маҳкамасининг 2014 йил 15 июлдаги 194-сон қарори билан тасдиқланган Кўп квартирали уйларда иссиқлик таъминоти хизматлари кўрсатиш қоидаларига кўра фуқаролар пропискадан ўтказилмаган хонадонларда, сувни ҳисобга олиш асбоби мавжуд бўлмаганда, ичимлик сув ва канализация хизматлари учун тўловлар қуйидагича амапга оширилади:
бир ва икки хонали уйларда — бир киши ҳисобидан;
уч хонали уйларда — икки киши ҳисобидан;
тўрт хонали уйларда — уч киши ҳисобида;
беш хонали уйларда — тўрт киши ҳисобидан.
  Cавол:
Фоторадарга тушдим, жарима тўлаш ҳақида қарорни беришди. Лекин уни тўлашга ҳозир маблағим йўқ, бу тўловни қанча муддатда амалга оширсам бўлади?
Жавоб:
Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқномага (рўйхат рақами: 2240) кўра, махсус автоматлаштирилган фото ва видео қайд этиш техника воситалари орқали қайд этилган маъмурий ҳуқуқбузарлик учун солинган жаримани ҳуқуқбузар жарима солиш тўғрисидаги қарор чиқарилган кундан бошлаб олтмиш кундан кечиктирмай, бундай қарор хусусида шикоят берилган ёки протест билдирилган тақдирда эса, шикоят ёки протест қаноатлантирилмаганлиги тўғрисида хабар берилган кундан эътиборан ўттиз кундан кечиктирмай тўлаши лозим.
  Cавол:
Баъзи вақтларда фарзандимизни дам олиш кунлари ҳам боғчага бериш зарурати туғилади. Бу ҳақда қонунчиликда қандайдир тартиб белгиланганми?
Жавоб:
Ҳа, белгиланган. “Давлат мактабгача таълим муассасаларида қўшимча пуллик таълим-тарбия хизматлари кўрсатиш фаолиятини ташкил этиш тартиби тўғрисида”ги низомга (рўйхат рақами: 3123) мувофиқ мактабгача таълим муассасалари томонидан қуйидагилар бўйича қўшимча пуллик хизматлар кўрсатилиши мумкин:
дам олиш кунлари ва мактабгача таълим муассасасида иш куни якунлангандан кейин болани парваришлаш, унга қараб туриш, уни ўқитиш;
ўқув дастурдан ташқари спорт-соғломлаштириш (каратэ, таэк- вондо, сузиш, шахмат, шашка, гимнастика, массаж ва бошқалар) тўгараклари,
бадиий-эстетик (хор, рақс, тасвирий санъат ва ҳоказолар) тўгараклар, фанлар бўйича тўгараклар (чет тиллари, математика, ақлий арифметика, мантиқ, информатика ва бошқалар).
Мазкур ҳужжатга кўра, қўшимча хизматларнинг нархлар прейскуранти мактабгача таълим муассасаси раҳбари томонидан тасдиқланади.
Мактабгача таълим муассасасида ташкил этилган қўшимча хизмат кўрсатувчи гуруҳларга 3 ёшдан 7 ёшгача бўлган болалар қабул қилиниши мумкин.
Бунинг учун фарзанди қўшимча хизмат кўрсатувчи гуруҳларда тарбияланишини истаган ота-оналар ёки уларнинг ўрнини босувчи шахслар тегишли мактабгача таълим муассасасига ариза билан мурожаат қилади ҳамда улар ўртасида шартнома тузилади.

Фарғона вилоятидаги туман (шаҳар) адлия бўлимларига 2019 йил
I чораги давомида келиб тушган мурожаатлар ва уларнинг кўриб
чиқилиши юзасидан ўтказилган таҳлилий умумлаштириш
МАЪЛУМОТИ
2019 йил 18 апрель                        Фарғона шаҳар

Фарғона вилоят адлия бошқармаси Ташкилий назорат таҳлил ишлари бўлими томонидан вилоятдаги туман (шаҳар) адлия бўлимларига (кейинги ўринларда “адлия бўлимлари” деб юритилади) 2019 йил I чораги давомида мурожаатлар келиб тушиши ва уларнинг кўриб чиқилиши ҳолати таҳлил қилиб чиқилди. Таҳлил адлия бўлимлари томонидан тақдим этилган маълумотлар асосида ўтказилди.
Келиб тушган шикоятлар бўйича:
Адлия бўлимларига 2019 йил I чораги давомида жами 625 та шикоятлар келиб тушган. Келиб тушган шикоятларнинг 12 таси (1,9%) адлия бошқармаси орқали юборилган.
Олтиариқ (78 та), Ёзёвон (55 та), Ўзбекистон тумани (53 та) адлия бўлимлари шикоятларни бошқа бўлимларга нисбатан кўп қабул қилган.
    Энг оз миқдордаги шикоятларни Бувайда (13 та), Бағдод (13 та), Данғара туман (15 та) адлия бўлимлари қабул қилган.
Ўтган чорак давомида адлия бўлимлари томонидан 540 та (86,4%) шикоятлар ҳал этилган. 210 та шикоятлар (38,8%) жойига чиқиш йўли билан ўрганилган. Шунингдек, 5 та шикоят мутахассислар жалб қилиш механизми орқали ҳал этилган.
2019 йил I чораги давомида 445 та (71,2%) шикоятлар қаноатлантирилишга эришилган. Хусусан, Сўх тумани адлия бўлими томонидан 19 та (ҳал этилган шикоятларнинг 100 %), Қўқон шаҳар адлия бўлими томонидан 34 та ( ҳал этилган шикоятларнинг 97.1 %), Қўштепа тумани адлия бўлими томонидан 26 та (ҳал этилган шикоятларнинг 96,2%), Бешариқ тумани адлия бўлими томонидан 18 та (ҳал этилган шикоятларнинг 94,7%), Қува тумани адлия бўлими томонидан 31 та (ҳал этилган шикоятларнинг 93,9%), Фурқат тумани адлия бўлими томонидан 43 та (ҳал этилган шикоятларнинг 93,4%), Олтиариқ тумани адлия бўлими томонидан
66 та (ҳал этилган шикоятларнинг 85,7%)  шикоятлар қаноатлантирилганлигини алоҳида таъкидлаш мумкин.
2019 йил I чораги давомида 94 та (17,2%) шикоятларга ҳуқуқий тушунтириш берилган. Ҳуқуқий тушунтириш берилган шикоятларнинг 22 таси Фарғона шаҳар (23,4 %), 11 таси Олтиариқ туман (11,7 %), 9 таси Марғилон шаҳар (9,5%) адлия бўлимларига тўғри келади.  
2019 йил I чораги давомида келиб тушган 23 та (4,2%) шикоятлар тааллуқлилиги бўйича кўриб чиқишлик учун бошқа ташкилотларга юборилган. Тааллуқлилиги бўйича кўриб чиқишлик учун юборилган шикоятларнинг 9 таси Ўзбекистон туман (39,1%), 8 таси Фарғона шаҳар (34,7%) адлия бўлимлари томонидан бошқа ташкилотларга юборилган.
2019 йил I чорак ҳолатига 62 та шикоят хисобот охирига қолдиқ бўлиб ўтган. Қолдиқ бўлиб ўтган шикоятларнинг 18 таси Ёзёвон туман (29 %),
10 таси Тошлоқ туман (16,1%), 8 таси Данғара туман (12,9%) адлия бўлимларига тегишли хисобланади.
Шикоятларни кўриб чиқиш натижалари бўйича адлия бўлимлари томонидан жами 53 та тақдимнома киритилган. Киритилган тақдимномаларнинг кўп қисми асосан Фарғона тумани (10 та - 18,8%), Қўштепа тумани (9 та – 16,9%) адлия бўлимларига тўғри келган.
Бешариқ, Бувайда, Данғара, Тошлоқ туман ва Марғилон шаҳар адлия бўлимлари томонидан шикоятларни кўриб чиқиш натижаси бўйича умуман тақдимнома киритилмаганлигини қайд этиш ўринли.
Шикоятларни кўриб чиқиш натижалари бўйича адлия бўлимлари томонидан судларга жами 191 655 300 сўмлик 139 та даъво аризалари (шунингдек аризалар) киритилиши таъминланган. Киритилган даъво аризаларининг 29 таси (20,8%) Қўқон шаҳар, 23 таси (16,5%) Фарғона тумани, 17 таси (12,2%) Ёзёвон туман адлия бўлимлари томонидан киритилган бўлса, Бувайда ва Данғара туман адлия бўлимлари томонидан бу борада даъво аризалари умуман киритилмаганлигини қайд этиш мумкин.
Шунингдек, шикоятлариннг қаноатлантирилиши натижасида вилоят бўйича жами 12 та маъмурий жавобгарликка тортиш юзасидан таклифлар берилган. Таклифларнинг 5 таси (41.6%) Фарғона туман, 2 таси (12.2 %) Ўзбекистон туман, 2 таси (12.2 %) Олтиариқ туман, 2 таси (12.2 %) Марғилон шаҳар, 1 таси (8.3 %) Фарғона шаҳар адлия бўлимлари томонидан киритилган.
Шикоятлариннг қаноатлантирилиши натижаси бўйича бошқа ҳудудий адлия бўлимлари томонидан маъмурий жавобгарликка тортиш юзасидан таклифлар киритилмаган.
Бундан ташқари, кўрсатилган даврда адлия бўлимлари томонидан
131 та бошқа турдаги таъсир чоралари қўлланилган.
Киритилган барча таъсир чоралари асосида вилоятда жами 20 нафар шахслар интизомий жавобгарликкка тортилган. Шундан 2 нафари билан меҳнат шартномаси бекор қилинган. 2019 йил 1 чорак якуни ҳолатига
4 нафар шахслар маъмурий жавобгарликка тортилган. Давлат органлари ва ташкилотлари томонидан қабул қилинган 1 та ҳужжат бекор қилинган ёки ижроси тўхтатилган. 2019 йил 1 чорак якуни ҳолатига 223 668 100 сўм миқдордаги сумма ундирилишига эришилган.



Келиб тушган шикоятлар хусусиятлари бўйича таҳлил қилинганида қуйидагилар маълум бўлди.
196 та (31,3%) шикоят меҳнат низолари юзасидан (шундан 127 таси ойлик иш ҳақи олиш масаласида бўлган), 63 та (10,1%) ерга доир қонун ҳужжатлари ижроси юзасидан, 52 та (8,3%) шикоят таълимга доир қонун ҳужжатлари ижроси юзасидан, 50 та (8%) шикоят ижтимоий ҳимояга доир қонунлар ижроси юзасидан, 33 та (5,2%) шикоят коммунал тўловлар юзасидан, 23 та (3,6%) шикоят уй-жойга доир қонун ҳужжатлари ижроси юзасидан келиб тушган.
Ўз навбатида қаноатлантирилган шикоятларнинг хусусияти ҳам умумий келиб тушган шикоятлар хусусиятига мутаносиб равишда кўрсатгичга эга бўлган. Хусусан, жами қаноатлантирилган шикоятларнинг 175 таси (39,3%) меҳнат низоларига оид, 52 таси (11,6%) ерга доир қонун ҳужжатларига оид, 33 таси (7,4%) коммунал тўловларга оид, 32 таси (7,1%) шикоят ижтимоий ҳимояга доир қонунлар ижросига оид, 29 таси (6,5%) таълимга оид қонун ҳужжатларининг ижросига оид бўлган.
Адлия бўлимларига келиб тушган аризалар таҳлили
Келиб тушган аризалар бўйича:
Адлия бўлимларига 2019 йил I чораги давомида жами  521 та аризалар келиб тушган. Келиб тушган аризаларнинг 5 таси (0,9%) адлия бошқармаси орқали юборилган.
Сўх (90 та), Бешариқ (86 та), Бағдод (40 та), Бувайда тумани (39 та) адлия бўлимлари аризаларни бошқа бўлимларга нисбатан кўп қабул қилган.
    Энг оз миқдордаги аризаларни Марғилон (4 та), Ёзёвон (8 та), Фарғона шаҳар (11 та) адлия бўлимлари қабул қилган.
    Фурқат туман адлия бўлими томонидан 2019 йилнинг 1 чораги давомида бўлим иш юритувига бирорта хам ариза қабул қилинмаган.
Ўтган чорак давомида адлия бўлимлари томонидан 423 та (81,1%) шикоятлар ҳал этилган. Шунингдек, Риштон туман адлия бўлими томонидан 1 та ариза мутахассис жалб қилиш механизми орқали ҳал этилган.
2019 йил I чораги давомида 343 та (81 %) аризалар қаноатлантирилишга эришилган. Хусусан, Бағдод тумани адлия бўлими томонидан 39 та (ҳал этилган аризаларнинг 100 %), Қувасой шаҳар адлия бўлими томонидан 28 та (ҳал этилган аризаларнинг 100 %), Бешариқ тумани адлия бўлими томонидан 83 та (ҳал этилган аризаларнинг 97,6%) аризалар қаноатлантирилганлигини алоҳида таъкидлаш мумкин.
Ўз навбатида, ўтган чорак якунига кўра Фарғона шаҳар, Фарғона, Ўзбекистон, Тошлоқ, Риштон туман адлия бўлимлари томонидан аризаларни қаноатлантириш борасида амалга оширган ишлари етарли даражада деб баҳолаб бўлмайди.
2019 йил I чораги давомида 78 та (18,4%) аризаларга ҳуқуқий тушунтириш берилган. Ҳуқуқий тушунтириш берилган аризаларнинг 17 таси Риштон (21,7 %), 11 таси Фарғона (14,1 %) туман адлия бўлимларига тўғри келади.
2019 йил I чорак якуний ҳолатига 59 та аризаларнинг хисобот охирига қолдиқ бўлиб ўтган. Қолдиқ бўлиб ўтган аризаларнинг 30 таси Бувайда туман (50.8 %), 13 таси Фарғона туман (22%) адлия бўлимларига тегишли хисобланади.
Келиб тушган аризалар хусусиятлари бўйича таҳлил қилинганида қуйидагилар маълум бўлди.
2019 йил I чораги давомида 96 та (18,4%) ариза қонун ҳужжатларига тушунтириш бериш юзасидан, 1 та (0,1%) кадрлар масаласига доир, 16 та (3%) нотариатга доир қонун ҳужжатлари ижроси юзасидан, 408 та (78.3%) ариза бошқа масалалар юзасидан келиб тушган.
Ўз навбатида қаноатлантирилган аризаларнинг хусусияти ҳам умумий келиб тушган аризалар хусусиятига мутаносиб равишда кўрсатгичга эга бўлган. Хусусан, жами қаноатлантирилган аризаларнинг 82 та (23,9%) ариза қонун ҳужжатларига тушунтириш бериш юзасидан, 1 таси (0,2%) кадрлар масаласига доир, 15 таси (4.3%) нотариатга доир қонун ҳужжатлари ижроси юзасидан, 245 таси (71.4%) ариза бошқа масалаларга оид бўлган.