Yangiliklar

  Фарғона вилояти адлия бошқармаси ташаббуси билан вилоят ДСИда вилоят  прокуратураси масъул ходимлари иштирокида Ўзбекистон Республикасининг “Коррупцияга қарши курашиш тўғрисида”ги Қонунининг 17-моддасига асосан ДСИ ходимларининг коррупцияга қарши курашиш соҳасидаги ҳуқуқий саводхонлигини, шу жумладан ҳуқуқий билимлари ошириш мақсадида давра суҳбати ташкил этилди.

   Фарғона вилоят адлия бошқармаси томонидан “8-декабрь – Ўзбекистон Республикаси Конституцияси қабул қилинганлигининг 26 йиллиги”  муносабати билан байрам тадбири ўтказилди. Унда бошқарма марказий аппарати, нотариуслар, туман (шаҳар) адлия бўлимлари ҳамда Фарғона юридик коллежи ўқитувчилари иштирок этишди. Тадбир давомида самарали меҳнати, қонун ижодкорлиги ва ҳуқуқни қўллаш амалиёти соҳасини ривожлантиришда ўз ҳиссаларини қўшиб келаётган ходимлар бошқарма бошлиғининг фахрий ёрлиғи билан тақдирланди.

Фарғона вилоят адлия бошқармаси томонидан жорий йилнинг 19-30 ноябрь кунлари давлат органлари ва ташкилотлари юридик хизматлари ходимларини малакасини ошириш бўйича сайёр ўқув курслари ташкил этилди.
Мазкур сайёр малака ошириш курслари Юристлар малакасини ошириш Марказининг профессор ўқитувчилари томонидан олиб борилмоқда.
Бугун, 22 ноябрь куни Марказнинг профессор ўқитувчилари тажрибасидан фойдаланган холда Фарғона юридик коллежида илмий-амалий ўқув семинари ташкил этилди.
Ўқув семинарида Бошқарманинг марказий аппарати, туман (шаҳар) адлия бўлимлари ходимлари ва юридик коллеж ўқитувчилари иштирок этишди.
Ўқув семинари юридик фанлар доктори, профессор Ш.Файзиевнинг Ўзбекистон Республикасининг “Норматив-ҳуқуқий ҳужжатлар тўғрисида”ги ва “Жисмоний ва юридик шахсларнинг мурожаатлари тўғрисида”ги Қонунлари юзасидан тайёрланган маърузаси асосида олиб борилди.
Семинар давомида иштирокчилар ўзларини қизиқтирган ва амалиётда учраётган муаммолар юзасидан саволларига жавоблар олиб, тажриба алмашилди.

   Фарғона юридик коллежида “Огоҳ бўлинг одам савдоси” мавзусида тадбир ташкил этилди. Тадбирда коллеж ўқувчилари учун “Одам савдоси мудхиш жиноят” номли ҳужжатли фильм намойиш этилди. Шунингдек, тадбир давомида коллеж ўқувчилари томонидан тайёрланган саҳна кўриниши намойиш этилди.

Адлия вазирлиги томонидан 2018 йил I ярим йиллиги давомидаги иш фаолияти “аъло” деб баҳоланган 3 нафар нотариусга тантанали равишда бошқа нотариуслар иштирокида махсус сертификатлар топширилди

  Ўзбекистон туман адлия бўлими томонидан Ўрта қишлоқ МФЙда ўтказилган сайёр қабул давомида худудда энг долзарб бўлган муаммо мактабгача таълим муассаси етишмаётганлиги ва унга катта эҳтиёж борлиги аниқланди. Шу сабабли фуқароларга Ўзбекистон Республикаси Президентининг ПҚ-3651-сонли “Мактабгача таълим тизимини янада рағбатлантириш ва ривожлантириш чора-тадбирлари тўғрисида”ги қарорига мувофиқ фуқаролар якка тартибдаги тадбиркор шаклида Оилавий нодавлат мактабгача таълим муассасаси очишлари мукин эканлиги тушунтирилди. Натижада фуқаро Н.Мамажонова Оилавий нодавлат мактабгача таълим муассасаси очишини билдириб, уни очишда амалий ёрдам сўраб мурожаат қилди. Ўзбекистон туман адлия бўлими фуқаро Н.Мамажоновага Оилавий нодавлат мактабгача таълим муассасаси очиши учун барча ҳужжатларни расмийлаштириш ва уни рўйхатдан ўтказишда амалий ёрдам бериб, унинг мурожаатини қаноатлантирди. Жорий йил 25 октябръ куни “Нурли келажак” номли оилавий нодавлат мактабгача таълим муассасасининг тантанали очилиш маросими бўлиб ўтди. Аҳоли очилиш маросимини байрамона ва кўтаринки руҳда кутиб олди.

     Ўзбекистон Республикаси Президентининг 2018 йил 11 октябрдаги “Давлат мулки объектларини ва ер участкаларига бўлган ҳуқуқларни тадбиркорлик субъектларига сотиш тартибини соддалаштириш бўйича қўшимча чора-тадбирлар тўғрисида”ги ПФ–5552-сон Фармони мазмун-моҳиятини кенг жамоатчиликка ва тадбиркорларга етказиш мақсадида Президент Администрацияси масъул ходими У.Хусаинов ва Адлия вазири ўринбосари А.Ташкулов иштирокида вилоятнинг Фарғона шаҳрида (Фарғона, Қувасой, Марғилон шаҳарлар ҳамда Қува, Тошлоқ, Фарғона, Қуштепа, Ёзёвон, Олтиариқ ва Риштон туманлари) ва Қўқон шаҳрида (Қуқон шаҳар, Боғдод, Бувайда, Учкўприк, Данғара, Фурқат, Бешариқ ва Ўзбекистон туманлари) соҳага дахлдор ташкилот вакилари иштирокида семинар ташкил этилиб, тадбир қатнашчиларига мутахассислар томонидан тушунтиришлар берилди.
     Шунингдек, семинар савол-жавоблар ва мавжуд муаммолар таҳлили бўйича қизғин тарзда ўтди. Йиғилиш иштирокчилари ўзларининг қизиқтирган саволларига жавоблар олдилар.

      Маълумки, бугунги кунда одам савдоси дунё халқларини ташвишга солаётган жиддий муаммолардан бири бўлиб, у ҳудуд ва чегара танламайди. БМТ маълумотларига кўра, ҳар йили жаҳонда тахминан 2 миллион 800 минг киши мазкур жиноят қурбонига айланмоқда. Ачинарлиси, жабрланганларнинг 80 фоизини аёллар ва болалар ташкил этади. Айрим кишиларнинг ишонувчанлиги, етарли ҳуқуқий билимга эга эмаслиги, бу жиноятнинг оммалашувига сабаб бўлмоқда.

  Адлия вазирлигининг ишчи гуруҳи, Фарғона вилоят адлия бошқармаси бошлиғи 1-ўринбосари, туманлар (шаҳарлар) адлия бўлими бошлиқлари, ДХМ, ФҲДЁ бўлимлари, ДНИ ходимлари билан биргаликда Бешариқ ва Ўзбекистон туманида сайёр қабуллар ўтказилиб, тадбирда 100 нафардан ортиқ фуқаролар иштирок этди ва 43 та хонадонларга бирма-бир кириб чиқилди.
Уларга, юртимизда олиб борилаётган ҳуқуқий ва сиёсий ўзгаришлар, шу жумладан ВМ-461 ва ПҚ-3939-сонли қарорлари юзасидан тушунтириш ишлари олиб борилиб, тадбир жараёнида жами 16 та фуқароларни мурожаатлари олиниб, ҳудудий адлия бўлимлари томонидан иш юритувга қабул қилинди.

Фарғона вилоят адлия бошқармаси ҳамда тизимдаги туман (шаҳар) адлия бўлимларига 2018 йил 9 ойлиги давомида келиб
тушган мурожаатлар ва уларнинг кўрибчиқилиши
юзасидан ўтказилган умумлаштириш
МАЪЛУМОТИ
2018 йил 10 октябрь                        Фарғона шаҳар
Фарғона вилоят адлия бошқармаси Ташкилий-назорат ва таҳлил ишлари бўлими томонидан бошқарма таркибий бўлинмалари ҳамда туман (шаҳар) адлия бўлимларига (кейинги ўринларда адлия бўлимлари деб юритилади) 2018 йил 9 ойлиги давомида мурожаатлар келиб тушиши ва уларнинг кўриб чиқилиши ҳолати таҳлил қилиб чиқилди. Таҳлил бошқарма таркибий бўлинмалари ва адлия бўлимлари томонидан тақдим этилган маълумотлар асосида ўтказилди.
Бошқарма таркибий бўлинмалари ҳамда адлия бўлимларига ўтган ярим йилликда жами 2583 та мурожаат келиб тушган. Мурожаатларнинг
2090 таси (80,9 %) ҳал этилган, 3819 та (54 %) мурожаат қаноатлантирилган, 769 та (26%) мурожаат натижаси бўйича ҳуқуқий тушунтириш берилган.
Келиб тушган мурожаатларнинг 224 таси (8,6%) тегишлилиги бўйича юборилган, 10 таси кўрмасдан қолдирилган, 2 таси рад этилган, 259 таси
(10 %) кейинги чоракка қолдиқ бўлиб ўтган.
Келиб тушган шикоятлар бўйича:
Ўтган даврда бошқарма ва тизимдаги адлия бўлимларига 1443 та шикоят келиб тушган бўлиб, уларнинг 1229 таси (85,1 %) ҳал этилган, шундан 472 таси жойига чиқиб ўрганилган. Ҳал этилган шикоятларнинг
968 таси (67%) қаноатлантирилган, 261 тасига (18%) нисбатан ҳуқуқий тушунтириш берилган. Келиб тушган шикоятларнинг 92 таси тегишлилиги бўйича юборилган, 5 таси кўрмасдан қолдирилган, 117 таси кейинги чоракка қолдиқ бўлиб ўтган.
Адлия бўлимларига 2018 йил 9 ойлиги давомида келиб тушган шикоятларнинг 56 таси адлия бошқармаси орқали юборилган.
Ўтган даврда адлия бўлимлари томонидан 11 та шикоят мутахассислар жалб қилиш механизми орқали ҳал этилган.
Шикоятларни кўриб чиқиш натижалари бўйича жами 67 та тақдимнома, 397 та 971 926 минг сўмлик даъво аризалари киритилиши таъминланган.
Шунингдек, шикоятларнинг қаноатлантирилиши натижасида вилоят бўйича жами 25 та маъмурий жавобгарликка тортиш юзасидан таклифлар берилган.
Бундан ташқари, кўрсатилган даврда адлия органлари томонидан
40 та бошқа турдаги таъсир чоралари қўлланилган.
Киритилган барча таъсир чоралари асосида вилоятда жами 30 нафар шахслар интизомий жавобгарликкка тортилган. 2018 йил 9 ойлиги якуни ҳолатига 10 нафар шахслар маъмурий жавобгарликка тортилган. Давлат органлари ва ташкилотлари томонидан қабул қилинган 4 та ҳужжат бекор қилинган ёки ижроси тўхтатилган. Ҳисобот даврида 210 087 минг сўм миқдордаги сумма ундирилишига эришилган.
Кўплаб келиб тушган шикоятлар хусусиятлари бўйича таҳлил қилинганида қуйидагилар маълум бўлди.
557 та (38,6 %) шикоят меҳнат низолари юзасидан (шундан 234 таси ойлик иш ҳақи олиш масаласида бўлган), 105 та (7.2 %) шикоят ижтимоий ҳимояга доир қонунлар ижроси юзасидан, 58 та (4%) уй-жойга доир қонун ҳужжатларига оид келиб тушган.
Ўз навбатида қаноатлантирилган шикоятларнинг хусусияти ҳам умумий келиб тушган шикоятлар хусусиятига мутаносиб равишда кўрсаткичга эга бўлган.
Келиб тушган аризалар таҳлили
Ўтган даврда бошқарма ва тизимдаги адлия бўлимларига 1 140 та ариза келиб тушган бўлиб, уларнинг 861 таси (75,5 %) ҳал этилган, шундан 6 та ариза мутахассислар жалб қилиш йўли билан ҳал этилган. Ҳал этилган аризаларнинг 429 таси (37,6%) қаноатлантирилган, 430 тасига
(37,7%) нисбатан ҳуқуқий тушунтириш берилган. Келиб тушган аризаларнинг 132 таси тегишлилиги бўйича юборилган, 5 таси кўрмасдан қолдирилган, 2 таси рад этилган, 142 таси  кейинги чоракка қолдиқ бўлиб ўтган.
Умумлаштириш натижаси жойларда ҳанузгача асосан меҳнат муносабатлари соҳасида, хусусан ойлик иш ҳақлари, иш ҳақига тенглаштирилган тўловлар тўланиши, штат қисқариши муносабати билан ходим билан тузилган меҳнат шартномасини бекор қилиш, ишдан бўшатиш нафақаси тўланиши, ёшга доир пенсияга чиқиш, моддий ёрдам олиш, бола парваришлаш таътилига чиқиш ва қайтиш, давлат дастурлари асосида кредитлар олиш ва тўлаш тартиби, коммунал тўловларни тўлаш ва ундириш масалалари билан боғлиқ мурожаатлар келиб тушиши кўп эканлигини кўрсатмоқда.