Yangiliklar

      Ўзбекистон Республикаси “Нотариат тўғрисида”ги Қонунининг
15 прим 2-моддасига мувофиқ Фарғона вилоят адлия бошқармаси ҳузуридаги малака комиссиясининг 2021 йил 24 февралда бўлиб ўтган 2-сон мажлиси баённомасига асосан:
Фарғона шаҳрида хусусий нотариал фаолият билан шуғулланувчи нотариус Бабабекова Шохида Шухратбековнанинг (лицензия FA 0017, 21.04.2020 й.) лицензияси 2021 йилнинг 25 февралдан 1 ой муддатга тўхтатилди;
Бувайда туманида хусусий нотариал фаолият билан шуғулланувчи нотариус Исмоилов Элёр Алиқўзиевичнинг (лицензия FA 0038, 21.04.2020 й.)
лицензияси 2021 йилнинг 25 февралдан 1 ой муддатга тўхтатилди

Бошқарма биносини капитал таъмирлаш ишлари учун барча лойиха смета хужжатларини тайёрлаш лот 7084976   http://dxarid.uzex.uz/ru/competitive/lot/7084976/

Медиация фуқароларнинг ҳуқуқий муносабатларидаги баҳс-мунозараларда, индивидуал меҳнат мунозаралари ва оиладаги ҳуқуқий муносабатларга нисбатан қўлланади. Ўзбекистон Республикасининг “Медиация тўғрисида”ги Қонуни 2019 йилнинг
1 январидан кучга кирди.
Медиация нима ва нима учун уни "юмшоқ ҳуқуқ" элементи деб аташади?
Тарихга назар. Қонунни ривожлантириш тарихида Вавилон, Қадимий Греция ва Қадимий Римда медиацияни қўллаш қайд этилган. Рим ҳуқуқида Юстиниан кодексидан бошлаб (милоддан аввалги VI аср) баҳс-мунозараларни ҳал қилиш учун воситачилик тан олинган. Медиация технологияси асосан савдода қўлланилган. Римликлар баҳс-мунозараларни ҳал қилувчи мутахассисларни «medium»-«воситачи» сўзи билан ифодалашган. Воситачиларга алоҳида ҳурмат билан муносабатда бўлишган. Уларни доҳийлар ва руҳонийлар билан бир қаторга қўйишган. Замонавий тушунчаларда медиация XX асрнинг иккинчи ярмида АҚШ, Австралия ва Буюк Британияда ривожлана бошлаган. Европада медиаторлар оилавий мунозараларни ҳал қилишга жалб қилинган.
Медиация нима? Умуман олганда, медиация - баҳс-мунозараларни учинчи бетараф томон иштирокида тартибга солишга доир ҳуқуқий технология. Ушбу йўналиш ўзининг маълум бир шартлари ва тамойилларига эга. Масалан:
•    томонларнинг тенг ҳуқуқлилиги;
•    ихтиёрийлик;
•    ўзаро ҳурмат;
•    конфиденциаллик;
•    жараённинг шаффофлилиги;
•    медиаторнинг холислиги.
Медиация қачон қўлланилади? Медиация суддан ташқари тартибда, баҳс-мунозарани суд тартибида кўриб чиқиш жараёнида, суднинг қарор чиқариш учун зални тарк этишидан олдин. Агар гап Ҳакамлик суди ҳақида кетаётган бўлса, шакл худди шундай бўлади. Шуни эсдан чиқармаслик лозимки, медиацияда иштирок этиш факти айбга иқрор бўлишнинг исботи ҳисобланмайди!
Медиация иштирокчилари. Жараён иштирокчилари - томонлар ва медиатор. Томонлар шунингдек ҳам жисмоний, ҳам юридик шахслар бўлиши мумкин. Томонлар ҳам медиаторлар каби икки нафар ва ундан кўп бўлиши мумкин.
Медиатор ким? Медиатор икки томонидан баҳс-мунозарани тартибга солиш учун жалб қилинувчи шахс. Жараённи ўтказишда воситачи мустақил ва холис бўлади. Воситачининг иши томонлар манфаатига қараб олиб борилади. Воситачилар икки тоифага бўлинади:
•    профессионал воситачилар - Ўзбекистон Адлия вазирлиги дастури бўйича таълим курсини ўтовчи шахслар;
•    нопрофессионал воситачилар - 25 ёшдан ошган, медиатор бўлиш истагини билдирган шахслар (улар хоҳишларига кўра Адлия вазирлиги қошида махсус таълим курсини ўташлари мумкин).
Профессионал медиаторни қандай топиш мумкин? Агар сизга профессионал воситачи керак бўлса, Ўзбекистон Республикаси Адлия вазирлигининг расмий веб-сайти ёки  Қорақалпоғистон Республикаси Адлия вазирлиги ва вилоятлар ҳамда Тошкент шаҳрининг адлия бошқармалари сайтларига киришингиз мумкин. У ерда профессионал воситачилар реестри тақдим этилган. Реестрда медиаторнинг исми ва фамилияси, контактлари, медиация соҳаси ва воситачининг жараённи олиб бориш тилига доир маълумотлар кўрсатилган.
Медиатор хизматлари учун қандай ҳисоблашилади? Таъкидлаш жоизки, нопрофессионал воситачилар фаолияти беминнат олиб борилади, профессионал воситачилар фаолияти эса - тўлов асосида ёки беминнат. Агар нопрофессионал мутахассис ишлаётган бўлса, у ҳолда унинг жараён ўтувчи жойга келиш ва кетиш, яшаш ҳамда овқатланиш харажатлари қопланиши мумкин. Ким ва қанча тўлаши томонлар келишувига боғлиқ. Одатда харажатлар томонлар орасида тенг иккига бўлинади. Агар медиатор жараённи ўтказишдан воз кечса, у дастлабки тўланган пул воситаларини қайтаришга мажбур.
Медиация жараёни қанча вақт олади? Қонунга мувофиқ жараён 30 кундан ортиқ давом этмайди. Бироқ зарурат туғилганда томонларнинг ўзаро келишуви асосида муддатни яна 1 кундан 30 кунгача узайтириш мумкин.
Медиациянинг ижобий ва салбий томонлари. Жараён - мутлақо ихтиёрий ва келишув асосида. Томонлар воситачи ёрдамида барчасининг "+" ва "-"ларини ўйлаб кўриш имконига эга бўлишади. Сиз ўзингиз истаган натижага суд оворагарчиликларисиз эришишингиз мумкин. Ушбу технология деярли салбий жиҳатларга эга эмас. Медиацияни анъанавий суд жараёнига таққослаш мумкин, унда ҳам қайси томоннинг ҳуқуқий далили кўпроқ ва ишончли бўлса, медиатор ўша томонни ғолиб деб эълон қилади.

Мирзаабдулла ПАРПИЕВ
Фарғона вилояти Учкўприк туманида
хусусий амалиёт билан шуғулланувчи нотариус

Тошлоқ туман адлия бўлимига фуқаро М.Саттиева 2005 йилда туғилган ўғли Мирзаев Хасанбой Тавакал ўғлига туғилганлик ҳақидаги гувоҳномани олишда амалий ёрдам беришни сўраб мурожаат  қилган.

Мазкур мурожаат юзасидан адлия бўлими томонидан Фуқаролик ишлари бўйича Марғилон тумалараро судига у ёки бу онадан туғилганлик фактини белгилаш тўғрисида даъво аризаси  киритилди.

  Фуқаролик ишлари бўйича Марғилон тумалараро судининг 2020 йил

23 декабрдаги ҳал қилув қарори билан адлия бўлимининг даъво аризаси қаноатлантирилди.

    Ўзбекистон Республикаси Адлия вазирлигининг ташаббуси билан амалга оширилаётган “Биз биргамиз” ижтимоий лойиҳаси доирасида Ўзбекистон Ногиронлар жамияти билан ҳамкорликда бир қатор ишлар амалга оширилиб келинмоқда.
Жумладан, лойиҳанинг навбатдаги босқичида республиканинг турли ҳудудларида ногиронлиги бўлган шахслар томонидан ишлаб чиқарилган маҳсулотларни сотиш учун мўлжалланган енгил конструкцияли кўчма дўконлар тайёрланиб, ҳудудлардаги аҳоли гавжум бўлган савдо объектларига имтиёзли тартибда жойлаштирилиши режалаштирилган эди.
Шу муносабат билан бугун Адлия вазирлиги хомийлигида қурилган енгил конструкцияли кўчма дўкон Фарғона вилоят адлия бошқармаси, вилоят ҳокимлиги ва Ўзбекистон ногиронлар жамияти Фарғона вилоят бўлими билан ҳамкорликда марказий буюм бозори ҳудудига жойлаштирилди ва махсус дўконнинг очилиш маросими ташкил этилди.

Фарғона вилоят
адлия бошқармаси

Қўштепа туман адлия бўлими Фарғона вилоят адлия бошқармаси билан ҳамкорликда жорий йилнинг 12 феврал кунида тумандаги  ҳамкор ташкилотларни жалб қилган ҳолда "Қийқи" МФЙда “Ҳуқуқий ахборот куни” лойиҳаси ташкил қилинди.

Қийқи МФЙда ўтказилган тадбирларда 100 дан ортиқ аҳоли вакиллари иштирок этди, Фуқароларга уй-жой, ижтимоий нафақалар, кредит олиш, ер участкаси олиш ва бошқа масалаларда адлия бошқармаси, туман адлия бўлими,  нотариуслар, Пенсия жамғармаси бошқа ташкилотлар томонидан ҳуқуқий тушунтиришлар берилди.  36 нафар фуқароларимизга сайёр давлат хизматлари кўрсатилди, 17 та нотариал ҳаракатлар маҳаллаларнинг ўзида амалга оширилди, бандлик органлари томонидан 6 нафар фуқаролар ишга жойлаштирилди ва 10 нафар ишсиз аёллар ва ёшларга ишга жойлашиш юзасидан йўлланмалар берилди, банкларга кредит ажратиш юзасидан 7 та мурожаат қабул қилинди. Шунингдек, тадбир сўнгида адлия бўлими ҳодимлари томонидан фуқароларга ҳуқуқий ахборот материаллари, флаер, буклет ва ҳуқуқий қўлланмалар тарқатилди.  

Ўзбекистон Республикаси “Нотариат тўғрисида”ги Қонунининг
15 прим 2-моддасига мувофиқ Фарғона вилоят адлия бошқармаси ҳузуридаги малака комиссиясининг 2021 йил 2 февралда бўлиб ўтган 1-сон мажлиси баённомасига асосан:
Фарғона шаҳрида хусусий нотариал фаолият билан шуғулланувчи нотариус Исмаилова Матлюба Сотволдиевнанинг (лицензия FA 0006, 21.04.2020 й.) лицензияси 2021 йилнинг 3 февралдан ўн беш кун муддатга тўхтатилди;
Қўқон шаҳрида хусусий нотариал фаолият билан шуғулланувчи нотариус Мелибоева Мусаффо Махаммадалиевнанинг (лицензия FA 0027, 21.04.2020 й.)
2021 йилнинг 3 февралдан ўн беш кун муддатга тўхтатилди;
Фарғона шаҳрида хусусий нотариал фаолият билан шуғулланувчи нотариус Эрматова Зуҳра Масировнанинг (лицензия FA 0061, 21.04.2020 й.) лицензияси 2021 йилнинг 3 февралдан бир ой муддатга тўхтатилди;
Риштон туманида хусусий нотариал фаолият билан шуғулланувчи нотариус Жўраев Шерзод Мухиддиновичнинг (лицензия FA 0010, 21.04.2020 й.) лицензияси 2021 йилнинг 3 февралдан бир ой муддатга тўхтатилди;
Олтиариқ туманида хусусий нотариал фаолият билан шуғулланувчи нотариус Пўлатов Шуҳрат Рахматжоновичнинг (лицензия FA 0053,
21.04.2020 й.) 2021 йилнинг 3 февралдан бир ой муддатга тўхтатилди;
Данғара туманида хусусий нотариал фаолият билан шуғулланувчи нотариус Каримова Иноят Максудалиевнанинг (лицензия FA 0039, 21.04.2020 й.)
2021 йилнинг 3 февралдан бир ой муддатга тўхтатилди.

Бошқарма биноси иситиш қозонини таъмирлаш ишлари лот 7078786  http://dxarid.uzex.uz/ru/competitive/lot/7078786/

Фурқат туман Катта-янги қишлоғида яшовчи “Қолгандарё чаманзори”  фермер хўжалиги раҳбари А.Қаюмов Ўзбекистон Республикаси Адлия вазирлигига  “Ер участкаларини бериш (реализация қилиш) масалаларини кўриб чиқиш комиссия”сининг хатти-ҳаракатларидан норози бўлиб қилган мурожаати  Фурқат туман адлия бўлими  томонидан ўрганиб чиқилди.
Аниқланишича, Туман ҳокимлиги томонидан 2020 йил 14 март куни туман ҳокимлигининг ижтимоий-сиёсий нашри “Навбаҳор” газетасида  19 та лойиҳа бўйича туман ҳокимлиги захира ерлар фондига қайтарилган ер майдонари бўйича 2020 йил 23 март куни  танлов ўтказилиши тўғрисида эълон берилган.
“Қолгандарё чаманзори” фермер хўжалиги рахбари А.Қаюмов танловда қатнашиш истагини билдириб туман ҳокими номига ариза билан мурожаат қилган ва 3-лойиҳа бўйича барча ҳужжатларни тақдим қилган.
Туман ҳокимлиги биносида ўтказилган танловда 3-лойиҳа бўйича “Жаннатмакон юрт ўғлонари” Фермер хўжалигининг 24.7 гектар экин ер майдонлари (пахта ғаллачилик йўналишида мавжуд фермер хўжалигини кенгайтириш учун) “Ер участкаларини бериш (реализация қилиш) масалаларини кўриб чиқиш комиссия”сининг йиғилишида кўриб чиқилган.
Натижада “Қолгандарё чаманзори” фермер хўжалиги рахбари А.Қаюмов танлаш босқичида энг юқори (57 балл қолган талбагорлар 15, 24 балл халос) олган бўлишига қарамай  комиссия томонидан қабул қилинган қарорда 3-лойиҳа бўйича талабгорлар ўртасида келишмовчиликлар келиб чиққанлиги сабабли танлов карантиндан сўнг ўтказилиши ёки  олдинги фермер хўжалигига қайтариб бериш масаласи комиссиянинг кейинги йиғилишда кўриб чиқилиши белгиланган.
Шундан сўнг, комиссиянинг кейинги йиғилишда ушбу лойиҳалар бўйича ер майдонлари танловга қўйилмасдан туман ҳокимининг 2020 йил                   5 майдаги “Туман ҳокимининг 05.11.2019 йилдаги 3839-сонли қарорига қисман ўзгартириш киритиш  тўғрисида”ги 331-сонли қарорига асосан 05.11 2019 йилддаги “тумандаги “Жаннатмакон юрт ўғлонлари” фермер хўжалигининг ер майдонларини бир қисмини туман захира ерлар фондига қайтариш тўғрисида”ги қарори билан туман захира ерлар фондига олинган ер майдонлари танловсиз олдинги фермер хўжаликларига қайтариб берилган.
Ўрганиш давомида Фурқат туман адлия бўлими Фурқат туман маъмурий судига Фуқаро А.Қаюмовнинг манфааларини кўзлаб “Туман ҳокимининг 2020 йил 5 майдаги 331-сонли қарори ҳамда Комиссиясининг 2020 йил  23 мартдаги 4-сон баёни билан тасдиқланган қарорни 3-лойиҳага тегишли қисмини ҳақиқий эмас деб топиш тўғрисида” шикоят аризаси киритган.
Фурқат туман Маъмурий судининг 2020 йил 4 ноябрдаги ҳал қилув қарори билан шикоят қилиш муддати ўтганлиги сабабли  қаноатлантиришдан рад этилган ва Комиссиясининг 2020 йил  23 мартдаги 4-сон баёни билан тасдиқланган қарорни 3-лойиҳага тегишли қисмини ҳақиқий эмас деб топиш тўғрисида талаби маъмурий судга тааллуқли эмас деб топилиб суднинг ажрими иш юритишдан тугатилган.
Фурқат туман адлия бўлими ушбу ҳал қилув қарори ва ажримидан норози бўлиб, Фарғона вилоят маъмурий судига кассация шикояти киритади.
    Суд муҳокамаси жорий йилнинг 13,19 январь кунлари бўлиб ўтиб, якунда, Фарғона вилоят маъмурий суди кассация судлов ҳайъатининг 19 январь кунги қарори билан Фурқат тумани адлия бўлимининг “Қолгандарё чаманзори” фермер хўжалиги манфаатини кўзлаб, жавобгар Фурқат туман ҳокимлиги ва тумандаги ер участкаларини бериш (реализация қилиш) масалаларини кўриб чиқиш комиссиясига нисбатан “Туман ҳокимининг қарори ва комиссиянинг йиғилиш баёнини ҳақиқий эмас деб топиш ҳақида”ги шикоят аризаси юзасидан Фурқат туман маъмурий судининг 2020 йил 4 ноябрь кунги ҳал қилув қарори ва иш юритишдан тугатиш тўғрисидаги ажрими бекор қилинди.
    Бундан ташқари, Фурқат туманидаги ер участкаларини бериш (реализация қилиш) масалаларини кўриб чиқувчи доимий ҳаракатдаги туман комиссиясининг 23.03.2020 йилдаги 4-йиғилиш баёни билан тасдиқланган қарорни 3-лойиҳага оид қисми ва Фурқат туман ҳокимининг 2020 йил 5 майдаги 331-сонли қарори ҳақиқий эмас деб топилди.


Фурқат туман адлия
бўлими бош маслаҳатчиси
С.Дехқонов

Олтиариқ туман адлия бўлимига тиббиёт бирлашмасига қарашли юқумли касалликлар шифохонасида фаолият юритиб келаётган бир гуруҳ ходимлар ариза билан мурожаат қилиб, узоқ йиллардан буён мазкур бўлимнинг сариқ касалликлар қисмида ишлаб келаётганликлари, коронавирус пандемияси даврида юқумли касалликлар шифохонаси COVID марказига айлантирилгач, ходимлар Қизилтепа МФЙ ҳудудида жойлашган мослаштирилган бинода ишлаганликлари, карантин даври тугатилиб, вазият барқарорлашгандан сўнг ўз иш жойларида фаолиятларини давом эттираётганликлари, бироқ шифохонада беморлар сони камайганлиги сабабли тиббиёт бирлашмаси раҳбарияти томонидан сариқ касалликлар пости иш фаолияти тўхтатиб қўйилганлиги, натижада уларнинг иш соатлари 18 соатдан 13 соатга камайиб, 125 000 (бир юз йигирма беш минг) сўм атрофида ойлик иш ҳақи олаётганликларини маълум қилганлар.
Ходимлар ўз мурожаатларида бўлим иш фаолияти тўхтатилганлиги ва иш соатлари камайганлиги бўйича хабардор қилинмаганликларидан норози бўлиб, сариқ касалликлар пости иш фаолиятини тиклашда ёрдам сўраганлар.
Туман адлия бўлими томонидан мурожаат ўрганилганда қонунбузилиш ҳолатлари аниқланди ва тегишли тартибда тақдимнома киритилди.
Киритилган тақдимнома натижасида ўз вазифасига маъсулиятсизлик билан ёндошган Юқумли касаллик бўлими бош врачи Р.Бўтабеков ва бўлим катта хамшираси Ш.Одиловларга интизомий жавобгарликка тортилди.  Қисқартирилган 1 та ҳамшира пости тикланиб, ходимларнинг иш соати 13 соатдан 37-42 соатга кўпайтириб берилди. Натижада тиббиёт ходимларининг бузилган ҳуқуқлари тикланди.
Фуқаронинг манфаатлари йўлида адлия идоралари доимий равишда иш олиб боришга тайёр эканлигини яна бир бор маълум қиламиз. Адлиянинг эшиклари доим сиз учун очиқ. Бизга онлайн тарзда савол бериш учун телеграм орқали @fargona_adliya_bot га мурожаатингизни йўлланг.

Олтиариқ туман
адлия бўлими бошлиғи
О.Халилова