Yangiliklar

"Sport - sog‘lik garovi" shiori ostida Farg‘ona viloyati adliya boshqarmasi tizimida faoliyat olib borayotgan ayol xodimlar o‘rtasida sportning stol tennisi, shaxmat va shashka turlari bo‘yicha musobaqa tashkillashtirildi. G‘oliblar musobaqaning respublika boshqichiga yo‘l olishdi.

Аdliya vazirligi tomonidan joriy yil 15 maydan 15 iyunga qadar “Qoidalarga yoʼl ham boʼysunadi” shiori ostida yoʼl harakati xavfsizligi boʼyicha huquqiy savodxonlik oyligi eʼlon qilinadi.

Oylik doirasida:

Yoʼl harakati ishtirokchilari huquqlari OАV va ijtimoiy tarmoqlarda keng yoritiladi;
kurslar.huquqiyportal.uz platformasida yoʼl harakati qoidalari boʼyicha bepul onlayn oʼquv kurslari tashkil etiladi;
“Huquqiy axborot minbari” rukni ostida mutaxassislar ishtirokida jonli efirlar tashkil qilinadi;
Radioefirlarda sovrinli huquqiy viktorinalar oʼtkaziladi;
“Bir qadam” nomi ostida ijtimoiy videoroliklar tanlovi eʼlon qilinadi;
“Street law” loyihasi doirasida maktab oʼquvchilarida amaliy koʼnikmalar shakllantiriladi;
Yoʼlovchilarga yoʼl harakatlarini sodda tushuntirish maqsadida sayyor qabullar uchun “Huquqiy taxi” xizmati yoʼlga qoʼyiladi;

ADLIYA ORGANLARI VA MUASSASALARI XODIMLARI
DIQQATIGA
Farg’ona viloyat adliya boshqarmasida ichki tanlov o‘tkazish to‘g‘risida
E’LON
Ichki tanlov o‘tkazilayotgan tuman (shahar) adliya bo‘limlari bo‘yicha lavozimlar:

№    Hudud nomi    Lavozim
                   Adliya bo‘limi boshlig‘i
1.    Beshariq tumani          1
2.    O’zbekiston tumani        1
3.    Bog‘dod tumani            1
4.    Quva tumani                   1
5.    Qo’shtepa tumani         1
6.    Buvayda tumani            1
Ichki tanlov o‘tkazilayotgan tuman (shahar) adliya bo‘limlari Davlat xizmatlari markazi bo‘yicha lavozimlar:

№    Hudud nomi    Lavozim
        Davlat xizmatlari markazi direktori
1.    Quva tumani                    1
2.    Qo’shtepa tumani            1
3.    Oltiariq tumani              1
4.    Yozyovon tumani             1
Ichki tanlovda ishtirok etuvchi nomzodlarga qoʻyiladigan lavozim boʻyicha talablar;
•     adliya boʻlimi boshligʻi lavozimiga – oliy yuridik maʼlumotga ega, ushbu mutaxassislik boʻyicha adliya organlari va muassasalarida kamida 3 yildan buyon ishlab kelayotgan, mehnat unumdorligi va samaradorlik koʻrsatkichlari yuqori boʻlgan xodimlar;
•    davlat xizmatlari markazi direktori lavozimiga – oliy maʼlumotga ega, adliya organlari va muassasalarida kamida 3 yildan buyon ishlab kelayotgan, mehnat unumdorligi va samaradorlik koʻrsatkichlari yuqori boʻlgan xodimlari.
Murojaat muddati va manzil:
    Nomzodlar 2022-yil 18-may kuni soat 18:00 qadar quyidagi hujjatlarni  Farg’ona viloyat adliya boshqarmasi Inson resurslari bo‘limiga taqdim etishlari so‘raladi:
Ariza - ichki tanlovda ishtirok etish istagini bildirgan nomzodlar eʼlonda koʻrsatilgan muddatda komissiya kotibiga murojaat qiladi va komissiya kotibi ularni elektron reestrga kiritib qoʻyadi.
Nomzod tomonidan bir yil davomida amalga oshirgan ishlari qonunchilikni takomillashtirish boʻyicha berilgan takliflari va tashabbuskorlik ishlari, statistik koʻrsatkichlari aks etgan ma’lumotlar.
Nomzod bo‘sh (vakant) lavozimlarga tanlov o‘tkazish haqidagi e’londa ko‘rsatilgan lavozimlarning faqat bittasini tanlashi va tanlangan lavozim bo‘yicha tanlovda ishtirok etish mumkin.

Ma’lumot uchun telefon, 93-641-75-51, 91-653-06-09, e-pochta fargona@adliya.uz
•    Tanlov Farg’ona viloyat adliya boshqarmasi binosida o‘tkaziladi
(Manzil: Farg’ona shahar Navoiy ko'chasi 18- uy.
•     Ichki tanlov jarayonlarini audio va videoyozuvlarda qayd etib boriladi.
•    Ichki tanlov o‘tkazish tartibi buzilgan taqdirda yoki korrupsiya holatlari haqidagi xabarlarni Adliya vazirligining “1008” ishonch telefoniga yoki @antikorbot telegram kanali orqali berishingiz mumkin.

Joriy yilning 16-may kuni Fargʼona viloyat adliya boshqarmasida Oʻzbekiston Respublikasi Prezidentining 2022-yil 26-apreldagi “Intellektual mulk sohasini yanada rivojlantirishga oid qoʻshimcha chora-tadbirlar toʻgʻrisida”gi PQ-221-son qarorining ijrosini taʼminlash boʻyicha Adliya vazirligi Intellektual mulk departamenti boshligʻi Y.S.Kanyazov raisligida oʼquv seminar mashgʼuloti oʼtkazildi. Ushbu seminarda Adliya vazirligi boshqarma boshligʻi B.R.Roʻziyev, Bosh prokuratura huzuridagi Iqtisodiy jinoyatlarga qarshi kurashish departamenti Fargʻona viloyat boshqarmasi boshligʻi birinchi oʼrinbosari B.M.Xakimov, maʼsul tashkilotlar, tadbirkorlik subyektlari va OAV ishtirok etdi.

Qonunchilikdagi so‘nggi yangiliklar, yangi qabul qilinayotgan qonun hujjatlari bo‘yicha videoroliklar va ko‘rgazmali materiallar bilan Farg‘ona viloyat adliya boshqarmasining facebook, instagram, telegram hamda youtube sahifalari orqali quyidagi linklar orqali tanishib borishingiz mumkin.

Farg'ona viloyati adliya boshqarmasining rasmiy axborot manbalari:

Web-sayt: https://fargona.adliya.uz

Telegram: https://t.me/adliya_fargona

Facebook:  https:/www.facebook.com/groups/707837036273804/?ref=share

Insagram: https://www.instagram.com/adliya_fargona/

You Tube: https://www.youtube.com/channel/UC724IPpX_3sNHMD52zLnBKw

Fuqarolar murojaati uchun: @faradliya_bot

Mazkur tadbirda davlat xizmatlari ko‘rsatish markazi, FHDY, yuridik xizmat ko‘rsatish markazi, kadastr idoralari, soliq, bandlik, sog‘liqni saqlash, madaniyat, xalq ta’limi, maktabgacha ta’lim boshqarmalari, shuningdek, nodavlat-notijorat tashkilotlari, viloyat boshqarmalari, shu bilan birga, harbiy tuzilmalar mas’ul xodimlari ishtirok etishdi hamda fuqarolarning huquqiy muammolarini yechishda amaliy yordam berish maqsadida sayyor qabul tashkil etildi.

Biz ijtimoiy tarmoqlarda:
telegram (https://t.me/adliya_fargona) I facebook (https://www.facebook.com/groups/707837036273804) I instagram (https://www.instagram.com/adliya_fargona/) I YouTube

(https://www.youtube.com/channel/UC724IPpX_3sNHMD52zLnBKw/videos)Bizga murojaatingiz bormi?
@faradliya_bot

Aziz yurtdoshlar!
Farg‘ona viloyati adliya boshqarmasi tomonidan aholining huquqiy ongini, huquqiy madaniyatini yuksaltirishga hamda qonuniylikni mustahkamlashga qaratilgan “Adliya sayli” huquqiy-madaniy tadbiri o'tkaziladi! Tadbir 7-may kuni Farg‘ona shahrida joylashgan “Ahmad al-Farg‘oniy” nomli istirohat bogʻida boʻlib oʻtadi.
“Adliya sayli” doirasida quyidagi tadbirlar tashkil etiladi:
Soat 10:00 da "Adliya sayli"ning ochilish marosimi bo'lib o'tadi.
Saylda “Huquqiy maslahat” aksiyasi doirasida viloyat adliya boshqarmasi xodimlari, notariuslar, advokatlar hamda yuridik xizmat koʻrsatish markazlari, FHDY va Davlat xizmatlari markazlari xodimlari tomonidan fuqarolarga bepul huquqiy maslahatlar beriladi.
Bundan tashqari, viloyatimizdagi idora va tashkilotlar tomonidan oʻzlarining turli xil koʻrinishdagi yarmarkalari bilan chiqishlari belgilangan, shular qatorida
bo'sh ish o'rinlari yarmarkasi
va fuqarolar uchun
bepul tibbiy ko'rik ham joy olgan.
Sayl dasturidan ishtirokchilar oʻrtasida turli sport musoboqalari va milliy oʻyinlar oʻrin olgan.
Shu bilan birga, tadbir doirasida saylga tashrif buyuruvchilarga DXM va FHDY xodimlari tomonidan sayyor davlat xizmatlari koʻrsatiladi.
Saylda ishtirokchilarning bilim darajasini mustahkamlashga qaratilgan savol-javob, huquqiy viktorinalar hamda test sinovlari oʻtkazilib, gʻoliblar estalik sovgʻalari bilan taqdirlanadi.
Tadbir doirasida OAV vakillari, jurnalist va blogerlar uchun press-tur o'tkazilishi rejalashtirilgan.
ENG ASOSIYSI tadbir davomida konsert dasturi ham boʻlib oʻtadi.
Barchani “Adliya sayli”da kutib qolamiz!

Jismoniy  va  yuridik  shaxslarning muammolarini  joyida o'rganish hamda ularning  qonuniy  huquq
va manfaatlarini himoya  qilish maqsadida  O'zbekiston Respublikasi  Adliya vazirligi huzuridagi X.Sulaymonova  nomidagi Respublika  sud ekspertizasi  markazi  rahbariyati  tomonidan  2022-yil 29-aprel  kuni  Farg'ona  viloyati yuridik texnikumi binosida  jismoniy shaxslarni  va  yuridik  shaxslar  vakillarini sayyor  qabul  qilish kuni  belgilangan. Sayyor qabul  Farg'ona  viloyati  yuridik  texnikumi  binosida 2022-yil 29-aprel kuni   soat  11:00  dan  15:00  ga qadar  bo‘lib  o‘tadi. Qo'shimcha  ma'lumotlar  uchun  telefon:  (71) 209-11-55  (180)

Bugun, 26-aprel kuni “Sogʻliqni saqlash va taʼlim tizimi xodimlarining huquqlarini himoya qilish huquqiy aksiyasi” doirasida Farg‘ona viloyat adliya boshqarmasi tomonidan viloyat Ftiziatriya va pulmonologiya markazida tibbiyot sohasi xodimlari uchun sayyor qabul tashkil etildi.

Sayyor qabul davomida adliya boshqarmasi va Farg‘ona shahar adliya bo‘limi xodimlari tomonidan 15 dan ortiq murojaatlar ish yurituvga olindi, 40 dan ortiq murojaatlarga joyida huquqiy tushuntirishlar berildi.

Shuningdek, Davlat xizmatlari markazlari, “Madad” NNT, FHDYO bo‘limlari va notariuslar tomonidan sayyor xizmatlar ko‘rsatildi.

Shu bilan birga, tibbiyot xodimlarini qiziqtirgan huquqiy savollariga tushuntirishlar berildi hamda tibbiyot xodimlarining huquqlari, ularga berilgan imtiyozlar bilan bog‘liq ma’lumotlar aks ettirilgan flayerlar va targ‘ibot materiallari tarqatildi.

https://t.me/adliya_fargona

SAVOL BERING JAVOB BERAMIZ RUKNI

Savol: Kimlar Fuqarolar yig‘ini raisini (oqsoqolini) saylash huquqiga ega?
Javob: Fuqarolar yig‘ini raisi (oqsoqoli) saylovi to‘g‘risidagi O‘zbekiston Respublikasi qonunining 3-moddasiga ko‘ra, Fuqarolar yig‘ini raisini (oqsoqolini) saylash huquqiga saylov kuni o‘n sakkiz yoshga to‘lgan hamda shaharcha, qishloq, ovul, shuningdek shahardagi, shaharchadagi, qishloqdagi, ovuldagi mahalla hududida (bundan buyon matnda tegishli hudud deb yuritiladi) doimiy yashovchi fuqarolar ega bo‘ladi.
Sud tomonidan muomalaga layoqatsiz deb topilgan fuqarolar fuqarolar yig‘ini raisi (oqsoqoli) saylovida ishtirok etishi mumkin emas.
Fuqarolar yig‘ini raisi (oqsoqoli) saylovida fuqarolarning ishtirok etish huquqlarini biron-bir tarzda bevosita yoki bilvosita cheklash taqiqlanadi.



Savol: Fuqarolar yig‘ini raisi (oqsoqoli) saylovini o‘tkazish muddatlari qaysi organ tomonidan belgilanadi.?
Javob: Fuqarolar yig‘ini raisi (oqsoqoli) saylovini o‘tkazish muddatlari saylov boshlanishidan kamida ikki oy oldin O‘zbekiston Respublikasi Oliy Majlisi Senatining Kengashi tomonidan belgilanadi.
Fuqarolar yig‘ini raisi (oqsoqoli) sayloviga tayyorgarlik tadbirlarini o‘tkazish muddatlari va tartibi O‘zbekiston Respublikasi Oliy Majlisi Senatining Kengashi tomonidan belgilanadi.


Savol: Fuqarolar yig‘inlari raislari (oqsoqollari) saylovini tashkil etish va o‘tkazishga ko‘maklashuvchi komissiyalar haqida aytib bering.

Javob: Fuqarolar yig‘inlari raislari (oqsoqollari) saylovini tashkil etish va o‘tkazishda fuqarolar yig‘inlariga amaliy yordam ko‘rsatish uchun Qoraqalpog‘iston Respublikasi, viloyatlar, Toshkent shahar, tumanlar va shaharlar hududida tegishincha Qoraqalpog‘iston Respublikasi, viloyatlar, Toshkent shahar, tumanlar va shaharlar komissiyalari tuziladi. Komissiyalar Qoraqalpog‘iston Respublikasi Jo‘qorg‘i Kengesi, tegishli xalq deputatlari viloyat, Toshkent shahar, tuman va shahar Kengashining qarori bilan tuziladi. Komissiyalar fuqarolar yig‘ini raisining (oqsoqolining) navbatdagi saylovi e'lon qilinganidan keyin o‘z faoliyatini tugatadi. Komissiyalar tarkibiga, qoida tariqasida, Qoraqalpog‘iston Respublikasi Jo‘qorg‘i Kengesi, tegishli xalq deputatlari viloyat, Toshkent shahar, tuman va shahar Kengashi deputatlari, fuqarolar yig‘inlarining, davlat organlarining, nodavlat notijorat tashkilotlarining vakillari kiritiladi.


Savol: Komissiyalarning vakolatlari qanday?
Javob: Fuqarolar yig‘ini raisi (oqsoqoli) saylovi to‘g‘risidagi O‘zbekiston Respublikasi qonunining 13-moddasiga ko‘ra, Komissiyalar o‘z vakolatlari doirasida:
fuqarolar yig‘ini raisi (oqsoqoli) saylovi to‘g‘risidagi qonunchilikning ijrosini ta'minlaydi;
fuqarolar yig‘inlari raislari (oqsoqollari) saylovini tashkil etish va o‘tkazish bo‘yicha ishchi guruhlarning (bundan buyon matnda ishchi guruh deb yuritiladi) faoliyatini muvofiqlashtirib boradi;
fuqarolar yig‘inlari raislari (oqsoqollari) saylovini tashkil etish va o‘tkazish masalalari bo‘yicha aholi o‘rtasida tushuntirish ishlarini tashkil etadi;
hovlilar, uylar, ko‘chalardan fuqarolarning vakillik normasini belgilaydi;
ishchi guruhlardan fuqarolar yig‘inlari raislari (oqsoqollari) lavozimiga nomzodlarga doir hujjatlarni keyinchalik tegishli tumanlar, shaharlar hokimlari bilan kelishish uchun qabul qilib oladi;
fuqarolar yig‘inlari raislari (oqsoqollari) sayloviga doir hujjatlarning namunalarini tasdiqlaydi, bundan O‘zbekiston Respublikasi Oliy Majlisi Senatining Kengashi tomonidan belgilanadigan saylov byulletenlarining namunalari mustasno;
ishchi guruhlarning fuqarolar yig‘inlari raislari (oqsoqollari) saylovini tashkil etish va o‘tkazish bilan bog‘liq masalalar bo‘yicha axborotini eshitadi;
tegishli hududda fuqarolar yig‘inlari raislari (oqsoqollari) saylovi yakunlarini chiqaradi hamda Respublika komissiyasiga axborot taqdim etadi;
fuqarolar yig‘inlari raislari (oqsoqollari) saylovini tashkil etish va o‘tkazish masalalari bo‘yicha fuqarolarning murojaatlarini ko‘rib chiqadi;
fuqarolar yig‘inlari raislari (oqsoqollari) saylovini tashkil etish va o‘tkazish bilan bog‘liq hujjatlarning arxivga yoki idoraviy arxivga topshirilishini ta'minlaydi.

Adliya bo‘limi boshlig‘i E.Boymatov