Yangiliklar

Қўқон шаҳар адлия бўлими томонидан фуқароларнинг қонунда белгиланган ҳуқуқ ва манфаатларига риоя қилиниши ҳамда уларнинг шаъни, қадр-қиммати ва ишчанлик обрўси камситилишига қарши узлуксиз равишда чора-тадбирлар амалга оширилиши ва улар юзасидан доимий мониторинг ўтказилиши таъминланмоқда. Мазкур вазифалар ижроси юзасидан Қўқон шаҳар адлия бўлими томонидан жисмоний ҳамда юридик шахсларнинг мурожаатлари амалдаги қонун ҳужжатларига мувофиқ ўрганиб чиқилиб, аниқланган ҳуқуқ бузилиши ҳолатларига чек қўйилиши бўйича тегишли чоралар кўрилмоқда.
Хусусан, Қўқон шаҳар адлия бўлими томонидан шаҳар Мактабгача таълим бўлими тасарруфидаги 64-сон кўп тармоқли давлат ихтисослаштирилган мактабгача таълим ташкилотининг бир гуруҳ ходимлари ойлик иш ҳаларига тўланадиган 100 фоизли устама тўлаб берилмаётганлигидан норози бўлиб қилган мурожаатлари ўрганиб чиқилди. Ўрганиш натижасида, шаҳар мактабгача таълим бўлими томонидан ташкилот раҳбари, педагог ҳамда тиббиёт ходимларининг лавозим маошлари ва базавий тариф ставкаларига 100 фоиз миқдорда, тарбиячи ёрдамчиларга эса 50 фоиз миқдордаги 2020 йил май-август ойлари учун тўланиши лозим бўлган жами 208 588 177 сўм устамаларни тўламасдан ходимларни сарсон қилиб келаётганлиги аниқланиб, шаҳар мактабгача таълим бўлими раҳбари номига тақдимнома киритилди. Қўлланилган таъсир чораси асосида, мазкур устама ҳақлари шаҳар мактабгача таълим бўлими ҳисобидан ундириб берилиши таъминланди.
Қўқон шаҳар адлия бўлим томонидан амалга оширилаётган мазкур ишлар замирида, шубхасиз, фуқароларнинг қонунда белгиланган ҳуқуқ ва эркинликлари ҳимояси ҳамда уларнинг манфаатларини камситилишига йўл қўймасликдан иборат эзгу мақсад ётади. Ўз навбатида, амалга оширилаётган ушбу вазифалар орқали фуқароларнинг фаровон турмуш кечиришларини таъминлаш ҳамда шу йўл билан уларнинг давлат органлари ва ташкилотларига нисбатан ишончини мустаҳкамлаш таъминланаётганлигини унутмаслик лозим.

Қўқон шаҳар адлия бўлими
бош маслаҳатчиси
Ш.Қорабоев

Фарғона вилоят адлия бошқармаси Ташкилий-назорат ва таҳлил ишлари бўлими томонидан бошқарма таркибий бўлинмалари ҳамда туман (шаҳар) адлия бўлимларига 2020 йил давомида мурожаатлар келиб тушиши ва уларнинг кўриб чиқилиши ҳолати таҳлил қилиб чиқилди.
Хусусан, бошқарма ва тизим идораларига Ўзбекистон Республикаси Президентининг виртуал ва ҳалқ қабулхонаси орқали 2020 йил давомида
396 та мурожаатлар келиб тушган бўлиб, ушбу мурожаатларнинг 89 таси қаноатлантирилган, 281 тасига ҳуқуқий тушунтириш берилган, 19 та мурожаат тегишлилиги бўйича юборилган, 7 та мурожаат ўрганиш жараёнида.
Шунингдек, бошқарма ва унинг тизимига бевосита 4697 та мурожаатлар келиб тушган бўлиб, ушбу мурожаатларнинг 3402 таси қаноатлантирилган, 939 тасига ҳуқуқий тушунтириш берилган,
26 та мурожаат кўрмасдан қолдирилган, 3 та мурожаат рад этилган,
310 та мурожаат тегишлилиги бўйича юборилган, 17 та мурожаат ўрганиш жараёнида.
Вилоят адлия бошқармаси ва унинг тизимидаги идоралар бошлиқлари томонидан шахсий қабулларда 2832 та, “Сайёр қабуллар”да 981 та,  ҳалқ қабулхонасида 59 та мурожаатлар қабул қилинган.

Келиб тушган шикоятлар бўйича:
Адлия органларига 2020 йил давомида вилоятдаги давлат органлари ва ташкилотларининг (раҳбар ходимлари) хатти-ҳаракатлари ҳамда турли ижтимоий-иқтисодий соҳаларига доир келиб тушган жами 2 791 та мурожаатлар (шикоятлар) нинг 2 577 таси ёки 92,3 % ҳал этилди, шундан 1 933 таси ёки 69,2 % қаноатлантирилди, 643 тасига ҳуқуқий тушунтириш берилди, 187 таси тегишлилиги бўйича ваколатли органларга юборилди,
9 таси кўрмасдан қолдирилди, 1 таси рад этилди ҳозирда 18 та мурожаатлар ўрганиш жараёнида.
Мурожаатларнинг хусусияти бўйича таҳлил қилинса 41 % (1143 та) меҳнат низолари, 13,2 % (369 та) ижтимоий ҳимоя, 7,9 % (221 та) ер ҳамда
уй-жой, 3,2 % (88 та) коммунал тўловлар, 2,4 фоиз (68 та) мурожаатлар таълим масаласини қамраб олмоқда.
Меҳнат қонунчилиги бузилиши юзасидан фуқароларнинг мурожаатлари Қува (146 та), Фарғона (121 та), Боғдод (120 та), Бешариқ (103 та) туманларидан бошқа ҳудудларга қараганда кўпроқ келиб тушиб, бу соҳада келиб тушган жами мурожаатларнинг қарийб 77,9 % ойлик иш ҳақлари ўз вақтида тўланмаслиги масаласини ёритмоқда.
Ваҳоланки, Меҳнат кодексининг 161-моддаси тартибида меҳнатга ҳақ тўлаш муддатлари жамоа шартномаси ёки бошқа локал норматив ҳужжатда белгиланади ва ҳар ярим ойда бир мартадан кам бўлиши мумкин эмаслиги кўрсатилган.
Юқоридаги қонунбузилиши ҳолатлари асосан Аҳоли бандлигига кўмаклашиш марказлари 110 нафар, Халқ таълими 33 нафар, Фермер, деҳқон хўжаликлари ва томорқа ер эгалари кенгашлари 11 нафар, Мактабгача таълим бўлимлари 16 нафар ходимларнинг ойлик иш ҳақи ва унга тенглаштирилган тўловлари муддатида тўланмаганлиги аниқланди.
Бундан ташқари, коллеж, мактаб директорлари 61 та ҳолатда,
Пахта тозалаш акциядорлик жамиятлари 12 та ҳолатда ходимларни ишдан бўшатиш нафақаларини ўз муддатида тўлаш жараёнида Меҳнат кодексининг
67, 109-моддалари тартибига риоя этмай қонун бузилиши ҳолатларига йўл қўйган.
Хусусан, адлия органлари томонидан вилоят ва туманлардаги 150 га яқин ташкилотда ўтказилган мониторинг жараёнида 31 та ташкилотда
2 млрд 809 млн 161 минг сўм ойлик иш ҳақи ва унга тенглаштирилган тўловлар тўлаб берилмаганлиги аниқланди.
Жумалдан, "Тоза ҳудуд" ДУК, ободонлаштириш бошқармалари, йўллардан фойдаланиш корхоналари, коллежлар ва бошқа ташкилотларда жами 219 млн 211 минг сўм ойлик иш ҳақи ва унга тенглаштирилган тўловлар ўз вақтида тўлаб берилмаган.
Вилоятдаги мавжуд 18 та ихтисослаштирилган мактабгача таълим ташкилотининг 16 тасида 1 211 нафар ходимга тўланиши лозим бўлган
2 млрд 521 млн 514 минг сўм ойлик иш ҳақига қўшимча тўловлар умуман тўланмаган.
Тугатилган коллежларнинг 58 нафар ходимига тўланиши лозим бўлган
68 млн 436 минг сўмлик ишдан бўшатиш нафақалари тўлаб берилмаган.
Ижтимоий ҳимояга доир қонунлар ижроси юзасидан келиб тушган мурожаатларнинг асосий қисми Бюджетдан ташқари пенсия жамғармалари (мансабдор шахслари) нинг хатти-ҳаракатлари юзасидан бўлмоқда.
Туман (шаҳар) Бюджетдан ташқари пенсия жамғармаларининг масъул мансабдор шахслари томонидан “Фуқароларнинг давлат пенсия таъминоти тўғрисида”ги қонун, Вазирлар Маҳкамасининг 2011 йил 7 апрелдаги 107-сон қарори билан тасдиқланган. Пенсия тайинлаш учун зарур бўлган иш стажига эга бўлмаган қарияларга ва меҳнатга лаёқатсиз фуқароларга нафақалар тайинлаш ва тўлаш тартиби тўғрисидаги, 2011 йил 8 сентябрдаги 252-сонли қарори билан тасдиқланган Давлат пенсияларини тайинлаш ва тўлаш тартиби тўғрисидаги ҳамда Пенсияни ҳисоблаш учун қабул қилинадиган иш ҳақини иш ҳақининг якка тартибдаги коэффициентларини қўллаган ҳолда қайта ҳисоблаб чиқиш тартиби тўғрисидаги низомлар талаблари қўпол равишда бузилган.
Шу каби қонунбузилиши ҳолатлари бошқа ҳудудларга қараганда
Ўзбекистон (71 та),Учкўприк (68 та), Қўштепа (37 та) туманларида кўпроқ аниқланди.
Ер ҳамда уй-жойга доир қонун ҳужжатлари ижроси юзасидан келиб тушган мурожаатларнинг кўп қисми Кадастр агентлиги Фарғона вилоят бошқармаси туман (шаҳар) бўлимлари ҳамда маҳаллий ҳокимликларининг ҳаракати (ҳаракатсизлиги) юзасидан бўлиб, жойларда Уй-жой кодекси,
Ер кодекси, Вазирлар Маҳкамасининг 2019 йил 16 ноябрдаги 911-сон қарори ҳамда соҳага оид бошқа қонун ҳужжатлари талаблари бузилганликларини кўрсатади.
Хусусан, фуқаро Г.Омонованинг ўзи яшаб турган уйга нисбатан эгалик ҳуқуқини тиклашда амалий ёрдам сўраб қилган мурожаати суд тартибида
ҳал этилган, холбуки мазкур ҳолат судгача ҳал этилиши ҳам мумкин эди.
Юқоридаги масалаларни ўз ичига олган мурожаатлар асосан Фарғона, Қувасой шаҳарлари, Данғара, Бувайда туманларидан кўпроқ келиб тушмоқда.
Коммунал тўловлар юзасидан келиб тушган шикоятларнинг асосий қисми туман (шаҳар) электр тармоқлари корхоналари мансабдор шахсларининг хатти-ҳаракатлари юзасидан бўлмоқда.
Шу каби ноқонуний ҳаракатлар асосан Тошлоқ тумани (32 та), Қўқон шаҳар (10 та) ҳудудларида кўпроқ содир бўлмоқда.
Адлия органлари томонидан мурожаатларни кўриб чиқилиши натижасида давлат органлари ва ташкилотларига жами 240 та тақдимнома, судларга 2 млрд. 438 млн. 934 минг сўмлик 595 та даъво аризалари киритилиб, мурожаат муаллифларининг жами 3 млрд. 86 млн 157 минг сўм пул маблағлари ундирилиши таъминланди.
Бундан ташқари, кўрилган ҳуқуқий чоралар натижасида жами
102 нафар мансабдорларнинг интизомий, 46 нафар шахсларнинг маъмурий жавобгарлик масалалари ҳал этилиб, маъмурий органларининг 14 та ҳужжати ижроси тўхтатилди.
Шунингдек, “Жисмоний ва юридик шахсларнинг мурожаатлари тўғрисида”ги қонуннинг 35-моддасига асосан ҳар чоракда мурожаатлар мурожаатлар билан ишлашнинг умумий кўрсаткичлари, мурожаатларда тез-тез кўтарилган масалалар, мурожаатларни кўриб чиқиш якунлари бўйича аниқланган асосий камчиликлар ва қоида бузарликлар, жисмоний ва юридик шахсларнинг ҳуқуқлари, эркинликлари ва қонуний манфаатлари, шунингдек жамият ва давлат манфаатлари бузилишини келтириб чиқарувчи сабабларни бартараф этиш бўйича таҳлил қилиниб, тизим идоралари ва тегишли ташкилотларга таҳлилий маълумотлар етказилиб келинмоқда.
Жумладан, ҳисобот даврида ўтказилган таҳлилларга кўра бошқарма
ва унинг тизимидаги идораларга келиб тушган мурожаатлар аксарияти меҳнат низолари, ойлик иш ҳақи, коммунал тўловлар ҳамда ерга доир қонун ҳужжатлари юзасидан бўлганлиги аниқланиб, маъсул ташкилотларга соҳага доир кўплаб шикоятлар келиб тушаётганлиги ҳамда уларни олдини олиш бўйича зарур чора-тадбирларни амалга ошириш белгиланганлиги маълум қилинади.
Ташкилий-назорат ва
таҳлил ишлари бўлими

Фуқароларнинг қонунда белгиланган ҳуқуқларига риоя қилиниши, уларнинг шаъни,  қадр-қиммати ва ишчанлик обрўсини муҳофаза этилиши адлия органлари томонидан қонунчиликка риоя этилиши устидан мониторингни амалга ошириш фаолиятининг узвий қисми ҳисобланади. Шу сабабли, ҳудудий адлия органлари томонидан ушбу соҳада қонун бузилиш ҳолатларини аниқлаш ҳамда уларни бартараф этиш юзасидан доимий равишда тегишли чора-тадбирлар амалга оширилмоқда.
Хусусан, Қўқон шаҳар адлия бўлими томонидан Қўқон шаҳар Чинобод кўчаси 8-уйда яшовчи фуқаро Юлдашев Кадир Иброхимовичнинг 2020 йил 14 декабрдаги ёшга доир пенсияга чиқиш учун ҳақиқатда ишлаган иш стажларини пенсия тайинлашда ҳисоба олишда амалий ёрдам беришни сўраб қилган мурожаати қисқа фурсатларда кўриб чиқилди.
Ўрганиш натижасида, Бюджетдан ташқари пенсия жамғармаси Қўқон шаҳар филиали томонидан фуқаро К.Юлдашевдан қўшимча маълумотномалар талаб қилиниб олинганлиги аниқланди. Хусусан, Фарғона вилоят Архив иши худудий бошқармаси Қўқон шаҳар Давлат архивининг малумотномаси асосида К.Юлдашевнинг  2000 йилдан 2011 йилгача ишлаган даври асоссиз равишда пенсия тайинлашда ҳисобга олинмаганлиги аниқланди.
Вахоланки, Ўзбекистон Республикаси Меҳнат кодексининг 81-моддаси биринчи қисмига асосан меҳнат дафтарчаси иш стажини тасдиқловчи асосий ҳужжат ҳисобланиши белгиланган.
Қўқон шаҳар адлия бўлими томонидан фуқаро К.Юлдашевнинг бузилган ҳуқуқлари тикланиши учун Қўқон шаҳар маъмурий судига 2020 йил 15 декабрь куни шикоят аризаси киритилиши таъминланди. Мазкур шикоят аризаси 2020 йил 25 декабрь куни суд томонидан қаноатлантирилиб, Бюджетдан ташқари пенсия жамғармаси Қўқон шаҳар филиалига фуқаронинг 2000 йилдан 2021 йилгача бўлган муддатдаги ҳақиқатда ишлаган даврини иш стажига қўшиб ҳисоблаш мажбурияти юклатилди.
Адлия органлари томонидан ушбу соҳада амалга оширилаётган эзгу ишлар замирида, шубхасиз, фуқароларнинг конституциявий ҳуқуқ ва эркинликларини таъминлаш ҳамда аниқланган қонунбузилиш ҳолатларини қисқа фурсатларда бартараф этиш, шунингдек шу каби ҳолатларни келгусида содир этилишини олдини олиш каби пировард мақсадлар ётади.

Қўқон шаҳар адлия бўлими
етакчи маслаҳатчиси
Ў.Исақов

Фарғона вилояти адлия бошқармасининг тошириғи билан Бувайда тумани адлия бўлими томонидан “Тоза ҳудуд” ДУК Бувайда филиалида ишчиларига иш ҳақи ва унга тенглаштирилган тўловларнинг тўланиши аҳволи юзасидан мониторинг ўтказилди.
Мониторинг давомида “Тоза ҳудуд” ДУК Бувайда филиалида 2020 йилнинг октябрь ва ноябрь ойлари учун 18 нафар ишчиларга 19.294.935 сўм миқдоридаги иш ҳақи тўланмаганлиги аниқланди.
Ходимларга тўланмай қолган иш ҳақини зудлик билан тўлаб бериш юзасидан “Тоза ҳудуд” ДУК Фарғона вилояти бошқармасига 2020 йил 10 декабрь куни 14/3-1/-222-сонли  тақдимнома киритилди.
Туман адлия бўлими томонидан киритилган тақдимнома натижасида “Тоза ҳудуд” ДУК Бувайда туман филиалининг 18 нафар ишчиларига 19.294.935 сўм миқоридаги иш ҳақи тўлиқ тўлаб берилди.
Бувайда тумани адлия бўлими доимий равишда фуқароларга кўмак беришга тайёр.
Мурожаатларни қуйидаги Телеграм-ботига йўллашингиз мумкин: @fargona_adliya_bot

Бувайда туман адлия бўлими
етакчи маслаҳатчиси
Э.Ботиров

Жорий йилнинг 23 декабрь куни Фарғона вилоят адлия бошқармаси, вилоят ИИБ бошқармаси, вилоят Маҳалла ва оилани қўллаб-қувватлаш бошқармаси ҳамкорликда “Қалб нури” аёллар ва уларнинг оилаларини ижтимоий-ҳуқуқий қўллаб-қувватлаш маркази, Фуқаролик ташаббусларни қўллаб-қувватлаш маркази Фарғона вилоят филиали, Зўрлик ишлатишдан жабр кўрган шахсларни реабилитация қилиш ва мослаштириш ҳамда ўз жонига қасд қилишнинг олдини олиш Республика марказининг Фарғона вилоят ҳудудий бўлинмаси
ва “Меҳржон” аёллар ва болалар маркази иштирокида Аёлларни реабилитация қилиш ва ҳимоя қилишда идоралараро ёндашувни такомилаштириш мақсадида давра суҳбати ўтказилди.
Давра суҳбатида асосий эътибор хотин-қизларнинг гендер тенглигини таъминлаш ва ҳуқуқларини ҳимоя қилиш, бу борада вилоятда олиб борилаётган ишлар, муаммолар ва уларнинг ечими, маиший зўравонликни олдини олиш масалаларини ҳудудий тартибга солиш амалиёти, ҳимоя ордени институтини амалга ошириш, оиладаги зўравонлик қурбонларига хизмат кўрсатиш тизимини такомиллаштириш масалаларига қаратилди.
Вилоят ИИБ, Маҳалла ва оилани қўллаб-қувватлаш бошқармаси ҳамда нодавлат нотижорат ташкилотлари раҳбарлари ўзларининг жойларда олиб бораётган фаолияти давомида аёллар тўқнаш келаётган муаммоларга, хусусан, оилавий келишмовчиликлар оқибатида аёллар психологик жиҳатдан оғир аҳволга тушиб қолаётганлиги, уларнинг ҳуқуқий билим даражаси етарли эмаслиги сабабли ўз ҳуқуқларини ҳимоя қилишда ожизлиги, оилавий ажримлардан зарар кўраётган кўнгли ярим болалар, уларнинг таъминоти, хотин-қизлар ўртасида ишсизлик масалаларига тўхталиб ўтдилар.
Тадбир давомида кўтарилган муаммоларни ва умуман хотин-қизлар ҳуқуқларини поймол этилишини, уларга нисбатан бўладиган тазйиқ
ва зўравонликларни олдини олиш, ҳуқуқларини тиклаш, гендер тенглик таъминлаш борасида давлат органлари ва нодавлат нотижорат ташкилотлари янада ҳамжиҳат ҳамкорликда ишлаш йўналишлари белгилаб олинди.
Шу билан бирга тадбир якунида Оилавий зўравонликдан жабр кўрган аёлларга ёрдам кўрсатишда идоралараро ҳамкорликнинг меъёрий-ҳуқуқий ҳужжатларни ишлаб чиқиш бўйича ишчи гурух шаклантирилди.

Фарғона вилоят
адлия бошқармаси

Пенсионернинг тўланмаган 3 йиллик иш хаклари ундирилди...
Бувайда тумани адлия бўлими томонидан туманидаги ташкилот, муассаса ва корхоналар томонидан ходимларга тўланаётган иш ҳақлари сўров ўтказиш йўли билан мониторинг асосида ўрганилди.
Ўрганишда аниқланишича, Бувайда туман йўллардан фойдаланиш унитар корхонаси томонидан собиқ ходим Х.Михмоновга 2017 йил 7 июнда ёшга доир пенсияга чиққан бўлсада, тўланмаган 3 йиллик иш ҳақлари 3 896 627 қарздорлиги мавжудлиги, бироқ корхона томонидан шу кунга қадар мазкур иш ҳақи ходимга тўланмасдан, пайсалга солиб келинаётганлиги аниқланди. Ушбу холат юзасидан зудлик билан чора-тадбирлар белгиланиб, собиқ ходим Х.Михмонов манфаатини кўзлаб тўланмаган 3 йиллик иш хақини ундириш юзасидан ФИБ Қўқон туманлараро судига адлия бўлим томонидан ариза киритилиб, жорий йилнинг 14 декабрь куни адлия бўлимининг аризаси асосли деб топилди ва собиқ ходим Х.Михмоновга шу кунга қадар тўланмаган 3 896 627 сўм миқдордаги 3 йиллик иш хақлари ундириб берилиб, фуқаронинг бузилган ҳуқуқлари тикланишига эришилди.
Бувайда туман адлия
бўлими бошлиғи
У.Назиров

Ходимларга тўланмаган беш ойлик иш ҳақлари адлия бўлими томонидан ундириб берилди.
Учкўприк тумани адлия бўлими томонидан фуқаролар Абдуназарова Дилфузахон Мамуржон қизи, Комилов Абдиманоб Бахромович, Қурбонов Мухаммаджон Расулжон ўғли, Джўраев Дилшоджон Абдунабиевич ва Эргашев Рўзалиларнинг ойлик иш ҳақлари тўланмаётганлигидан норози бўлиб ёзган мурожаати ўрганиб чиқилди.
Аниқланишича, Д.Абдуназарова, А.Комилов, М.Қурбонов, Д.Джўраев,  Р.Эргашев ва бошқаларнинг туман фермер, деҳқон хўжаликлари ва томорқа ер эгалари кенгашидаги иш фаолиятида 2020 йил январь-май ойлари учун ҳисобланган ойлик иш ҳақлари тўлиқ тўлаб берилмаган.
Адлия бўлими томонидан Учкўприк тумани фермер, деҳқон хўжаликлари ва томорқа ер эгалари кенгашига қонун хужжатлари ижросининг бузилишлари, уларнинг сабаблари ва бунга олиб келувчи шарт-шароитларни бартараф этиш тўғрисида киритилган тақдимнома натижасида ходимларнинг 12.854.000 сўмлик ойлик иш ҳақлари тўлаб берилди.
Шунингдек, Фуқаролик ишлари бўйича Қўқон туманлараро судига туман фермер, деҳқон хўжаликлари ва томорқа ер эгалари кенгаши ходимлари манфаатларини кўзлаб киритилган аризага асосан, суднинг буйруғи чиқарилиб, ходимларга 12.623.000 сўмлик ойлик иш ҳақлари ундирилди.
Натижада Учкўприк тумани фермер, деҳқон хўжаликлари ва томорқа ер эгалари кенгаши ходимларининг жами 25.477.000 сўмлик иш ҳақлари ундирилиб, ходимларнинг бузилган ҳуқуқлари тикланди.
Унутманг инсон ҳуқуқларини ҳимоя қилиш адлия органларининг устувор вазифасидир.
Файзулло Мамажонов
Учкўприк тумани адлия бўлими
масъул ходими, 2-даражали юрист.

Риштон туман адлия бўлимига жорий йилнинг ноябр ойида Риштон Агросервис машина трактор паркида ишловчи 10 нафардан ортиқ ишчи-хизматчилар иш ҳақи ўз вақтида тўланмай келинаётганлигидан норози бўлиб мурожаат қилишди.
Ушбу фуқароларнинг мурожаатларини қонунда белгиланган тартибда хал қилиш мақсадида Риштон Агросервис МТП ишчи-хизматчиларига иш ҳақининг тўлиқ ва ўз вақтида тўланаётганлик ҳолати мониторинг йўли билан ўрганилганида ҳақиқатдан ҳам ишчи-хизматчиларга иш ҳақи ўз вақтида тўланмаётганлиги аниқланди.
Ваҳоланки, Ўзбекистон Республикасининг Меҳнат кодексида “Иш берувчи ўзининг молиявий холатидан қаътий назар ходимга бажарган иши учун хақни белгиланган мехнат хақи шартларига мувофиқ Мехнат кодексида кўрсатилган муддатларда тўлаш шартлиги кўрсатилган.
Ушбу қонунбузилиш ҳолатини бартараф этиш мақсадида Риштон Агросервис МТП га туман адлия бўлимининг қонунбузилиш ҳолатларини, уларнинг сабаблари ва бунга имкон берувчи шарт-шароитларни бартараф этиш тўғрисидаги тақдимномаси киритилди ҳамда ушбу тақдимнома ижроси натижасида жами
41 нафар ишчи-хизматчиларга 198.190.910 сўм тўланмай келинаётган иш ҳақи ундириб берилиб, фуқароларнинг мурожаатлари қаноатлантирилди.

Риштон туман адлия бўлими
етакчи маслаҳатчиси
А.Аъзамхонов

Учкўприк тумани адлия бўлими томонидан фуқаролар Абдуназарова Дилфузахон Мамуржон қизи, Комилов Абдиманоб Бахромович, Қурбонов Мухаммаджон Расулжон ўғли, Джўраев Дилшоджон Абдунабиевич ва Эргашев Рўзалиларнинг ойлик иш ҳақлари тўланмаётганлигидан норози бўлиб ёзган мурожаати ўрганиб чиқилди.
Аниқланишича, Д.Абдуназарова, А.Комилов, М.Қурбонов, Д.Джўраев,  Р.Эргашев ва бошқаларнинг туман фермер, деҳқон хўжаликлари ва томорқа ер эгалари кенгашидаги иш фаолиятида 2020 йил январь-май ойлари учун ҳисобланган ойлик иш ҳақлари тўлиқ тўлаб берилмаган.
Адлия бўлими томонидан Учкўприк тумани фермер, деҳқон хўжаликлари ва томорқа ер эгалари кенгашига қонун хужжатлари ижросининг бузилишлари, уларнинг сабаблари ва бунга олиб келувчи шарт-шароитларни бартараф этиш тўғрисида киритилган тақдимнома натижасида ходимларнинг 12.854.000 сўмлик ойлик иш ҳақлари тўлаб берилди.
Шунингдек, Фуқаролик ишлари бўйича Қўқон туманлараро судига туман фермер, деҳқон хўжаликлари ва томорқа ер эгалари кенгаши ходимлари манфаатларини кўзлаб киритилган аризага асосан, суднинг буйруғи чиқарилиб, ходимларга 12.623.000 сўмлик ойлик иш ҳақлари ундирилди.
Натижада Учкўприк тумани фермер, деҳқон хўжаликлари ва томорқа ер эгалари кенгаши ходимларининг жами 25.477.000 сўмлик иш ҳақлари ундирилиб, ходимларнинг бузилган ҳуқуқлари тикланди.
Унутманг инсон ҳуқуқларини ҳимоя қилиш адлия органларининг устувор вазифасидир.

Файзулло Мамажонов
Учкўприк тумани адлия бўлими масъул ходими, 2-даражали юрист.

Доимий равишда бошқарма жамоаси орасидан энг яхши ходим аниқланиб, рағбатлантириб борилмоқда ҳамда бу ўзига хос анъанага айланган. Мазкур анъанани давом этирган ҳолда, Олтиариқ тумани адлия бўлими бош  маслаҳатчиси Зулпихоров Яхё Абдубаннонович 2020 йил ноябрь ойининг “энг яхши ходими” деб топилди.
У қонун хужжатларини, шунингдек соҳа фаолиятини такомиллаштириш бўйича ишлаб чиққан таклифлари, меҳнат ва ижро интизомига риоя этиши, жамоат ишларида ҳамда ҳуқуқий тарғибот тадбирларидаги фаол иштироки билан ўз ҳиссасини қўшиб келмоқда.
Фарғона вилояти адлия бошқармаси жамоаси Яхё Абдубаннонович Зулпихоровни ушбу эътироф билан табриклайди. Унинг келгусидаги ишларида муваффақиятлар тилайди.